Roma 16
16
1Nau kwai ṉata sulia waiwaena kulu ni Fibi isamulua, na kini ni ra la ana figua nai Keṉakiria: 2Fasi muki thathagoni nia kau ana ṉa Lord, ana ade la ne farana toa abu ki, ma muki adomi nia ana atona bana ta si do na nia kai rofe uria ana adomi lana la: uria ni nia lau boo e aadomia toa oro, me adomi nau i talaaku.
3Muki ṉata isani Pirisila ma isatha Akwila, imole ni ra ofu la ki bi nau atha Christ Jesus, ’uria sa ni nau ku ṉata, 4Ro imole na kero toto karaṉia maea fasi kwa maruki; ma tee nau e ai na nau ku sore lea uri keroa, figua eki sui boo ana Jenetaele ki lau boo: 5Ma muki ṉata una eri isana figua nai maafera keroa. Muki ṉata una eri isana wane liliothaua nau tha Epenetasi, na foee do totonao atha Christ i Akaia. 6Muki ṉata una eri isani Meri, ne ulafu faamau uri kamilia. 7Muki ṉata una eri isatha Adoronikasi ma tha Juniasi, ina laku kera, na kera suusidaroa ofu bi nau i la lokafu, na kero inoto i maalutana aposela ki, na kero ni lau boo atha Christ inaoku. 8Muki ṉata una eri isatha Abiliasi, wane liliothaua nau ana ṉa Lord. 9Muki ṉata una eri isatha Abane, wane ni ra ofu la bi kulu atha Christ, ma liliothaua nau na tha Sitakisi. 10Muki ṉata una eri isatha Apelesi, wane na kera ala fafi nia atha Christ. Muki ṉata isana toa nai maafera tha Aritobiulasi. 11Muki ṉata una eri isatha Herodiona, wane ana ina laku kera. Muki ṉata isana toa eki nai maafera tha Nasisasi, na kera to ana ṉa Lord. 12Muki ṉata una eri sani Taefina ma Taefosa, na kero ulafu ana ṉa Lord. Muki ṉata isani Pasisi, ai na kera liothau ani nia, ne ulafu faamau ana ṉa Lord. 13Muki ṉata una eri isatha Rufasi, wane na kera fili nia ana ṉa Lord, ma thainana na thainaku lau boo. 14Muki ṉata una eri isana Asinikitasi, Felegona, Hamasi, Patorobasi, Hamesi, ma doorakulua na kera ni isada. 15Muki ṉata una eri isatha Filologasi ma ni Julia, tha Nereasi ma waiwaena nia, ma tha Olibasi, ma toa abu eki sui boo na ni isada. 16Muki ṉata kwailiu isamulua ’uria sa nau ku ṉata ana nonoi la abu. Figua tha Christ ki kera thathamia kwai ṉata isamulua ’uria sa ni kera kere ṉata.
17Sui ku ṉata kwaitakoi, kwa soree isamulua, doora kera, lio, fasi muki thaitoomana toa eki na to la ana tafulu si lio ma si do ni faataofai lana imole ki ita mai ani kera, si do ne ai si totoo bia kwaifamanataia eri na mulu ṉalia naa: ma muki akele faisida. 18Sulaania toa una eki e ai kesi ra ifana ṉa Lord kulu tha Jesus Christ, ifana rakeda i talaada; ma ana ṉata lada roṉo lane lea ma bae lada ne gwagwaria keka lolea manatana toa na kesi maakwalia taa la anida. 19Uria ade lamulua sulia si ṉata e talofia wane ki sui bana. Mania ku seethathala uri kamulua: ma ku thathamia liomulua kai too uria si do ne lea, ma muki falu faisia si do ne taa. 20Ma tha God ana enenoa kai makee alua tha Satan muki uru fafi nia. Lea la na Lord kulu tha Jesus Christ kai to bi kamulua. Emeni.
21Tha Timothiasi, wane ni ra ofu la bi nau, e thathamia kwai ṉata isamulua ’uria sa ni nia kai ṉata; ma tha Lusiasi ma tha Jasono ma tha Sosipata, toa ana ina laku kera. 22Ni nau tha Tasiasi, wane ku keda leta nai, ku aratai lea la ani kamulua ana ṉa Lord. 23Gaiasi, wane ne thathagoni nau uria toaa nia, me ade una eri uria figua eri sui boo, e thathamia kwai ṉata isamulua ’uria sa ni nia kai ṉata. Tha Erasitasi, wane na kera takofalea ogogonia toaa susu nai i abana, e thathamia kwai ṉata una eri isamulua fani nia, ma doorakulua eri tha Kotasi. 24Lea la na Lord kulu tha Jesus Christ kai to bi kamulua sui. Emeni.
25Sui nia ne sukwai ana faaṉado lamulua la sulia si faaroṉoa lea nau ma ṉata la eri sulia tha Jesus Christ, sulia si do eri na kera fatai nia ne toto thaufuni ita mai asi maṉa u asia mai inao ne ai si sui, 26Ma sui kera fatai nia si maṉa eri, ma sulia si ṉata fifi tha God ne to tatha, kera ’ai taloṉania isana kulee toa eki sui bana, ana kekeda la porofeta ba ki, uria ade la sulia ana fitooa; 27Tha God na tee nia e manata lea, keki fare inoto ani nia atha Jesus Christ, toto si sui. Emeni.
Currently Selected:
Roma 16: MLU1949
Highlight
Share
Compare
Copy
Want to have your highlights saved across all your devices? Sign up or sign in
British and Foreign Bible Society 1949, 1951
