Si do Aposela ki kera ilidaki 25

1Mania tha Fesitasi e fula ana fanua eri, ka to sulia ulu fa boṉi, sui ka tae faisia Sesaria uri Jerusalema. 2Ma aofia ni foa ma wane inoto Ju ki keka sorea si do ne uria tha Polo ki isana; ma keka ṉata kwaitakoi, 3Keka sorea sa kai ade lea iada sulia si do eki, kai kwaiarasi uri nia kai lae mai uri Jerusalema; fasi keki u teoa, keki thauṉi nia sula tale. 4Ma tha Fesitasi ka luuda, ka sorea kera suusia tha Polo i Sesaria, ma ni nia karaṉia kai lae uria si kula eri. 5Mania (ṉata lana neri) toa na kera inoto i maalutamulua, keki sifo bi nau, ma mada sa ta si do ne kekeo ni ana wane eri, keki alaṉi nia ania.

6Ma buriana ne toto bida fuliṉana tafulu fa boṉi, nia sifo uri Sesaria; ma afa boṉi iburiana nia ono ana do ni ono la wane ni kotu, ma ka sorea keki talaia mai tha Polo. 7Ma lalae e fula naa, Ju eki na kera sifo mai i Jerusalema keka takwe kakali nia, keka alaṉia tha Polo asi do kulua oro ki, ne ai kesi talaana fatai lana mamana lana; 8Si maṉa nia kai ṉata ana suusi lana taa la faisi nia, ka uua eri, Uria lo Ju ki, mado uria biu baita tha God, mado uria tha Sisa, nau e ai dodoloa kwasi abula taa. 9Ma sui tha Fesitasi, ne thathamia Ju ki keki riki nia ka lea, ka luua tha Polo, ka sorea, Oki thathamii tae uri Jerusalema, fasi wane ni kotu kai ṉata suli oe inaofaku i kula eri? 10Sui tha Polo e sorea. Nau ku takwe si maṉa eri inaona do ni ono la wane ni kotu tha Sisa, si kula ne kokoto wane ni kotu kai ṉata suli nau iei: uria Ju ki nau e ai kwasi abula taa, ’uria lau boo o thaitoomana lea. 11Sulaania mada sa nau wane ku abula garo, ma ku ilia ta si do na keki duua ana maea, nau kwasi lalakwee mae: ma sui mada se ai ta do si mamana, asi do eki na kera alaṉi nau ania, e ai ta wane si sukwai fasi kai alamatai nau ifada. Nau ku ’ai thatana tha Sisa. 12Sui buriana ne ṉata bia toa ana ofu la eri, tha Fesitasi ka luua, O ’ai thatana tha Sisa? oki lae kau isatha Sisa.

13Ma buriana tai fa boṉi, kiṉa Agiripa bia ni Banisi kero fula i Sesaria, keko aratai lea la atha Fesitasi. 14Ma si maṉa na kero to iei sulia fa boṉi oro ki, tha Fesitasi e faaronoa kiṉa eri asi do tha Polo ki, ka una eri. Tee nonii wane ni kunei na tha Felikasi e akwasi nia i la lokafu: 15Ma wane eri, si maṉa ku toto i Jerusalema wane inoto ni foa ki ma ulunao Ju ki kera faaroṉo nau ania, keka sorea sa kwa sorea kwae lana. 16Ma ni nau ku luuda, Toa i Roma biraṉada e ai na alamatai lana ta wane, si maṉa na wane eri na kera alaṉia asi do ki e ai si lio totonao i maana toa na kera alaṉi nia, ma kesi alamatania kai ṉata fasi kai suusia faisi nia si do taa eri na kera alaṉi nia ania. 17Mania lalae kera ofu kunei e sui, nau kwasi totoo fafia, afa boṉi iburiana ku ono ana do ni ono la wane ni kotu, ku sorea keki talaia mai wane eri. 18Ma si maṉa toa eki na kera alaṉi nia asi do ki keka takwe ia, kesi alaṉia ana do taa ’uria si do nau ku maakwalidaki; 19Kera oli susuu bi nia fafia foa la kera ki sulia biraṉada i talaada, ma fafia tee nonii wane, thatana tha Jesus, ne mae, na tha Polo e sorea kai maruki bana. 20Ma uria ni nau ku dora fono bona akua ana soe toona lada sulia si do eki, ku soetoona sa mado e ai e thathamii lae uri Jerusalema, fasi wane ni kotu kai ṉata suli nia iei maana si do eki. 21Ma buriana na tha Polo e ’ai thatana wane eri ne inoto ka tatha ani kia sui, fasi keki beta maakwalia si maṉa ni nia kai sorea si do na kai uri nia, nau ku sorea keki beta nia maakwalia si maṉa nau kwai arasia isatha Sisa. 22Ma tha Agiripa ka so ree isatha Fesitasi, Ma ni nau lau boo, manataku na nau ku thathamii roṉoa ṉata lana wane eri. Ma nia sorea, Usuwadi oki roṉoa.

23Mania afa boṉi iburiana, si maṉa na tha Agiripa e lae mai, bia ni Banisi, ana inotoa faamau, ma kero kotho naa asi kula ana roṉo lana si ṉata iei, bia wane inoto ana omea ki, ma wane inoto ana toaa susu eri ki, tha Fesitasi e sorea, ma keka talaia mai tha Polo. 24Ma tha Fesitasi ka sorea, Kiṉa Agiripa, ma ni kamulua sui wane na muka to kunei ofu bi kamarea, muki rikia wane nai, na malului wane eki sui bana ana Ju ki kera lae mai isaku suli nia, i Jerusalema ma kunei lau boo, keka ’ai faamau, keka sorea ne ai si kokoto nia kai maruki. 25Ma si maṉa nau ku fulatoona ne ai si ilia ta si do nau kwai duua ana maea, ma uria ne tala ’ai thatana wane eri ne inoto ka tatha ani kia sui, manataku na nau kwai arasi nia isana. 26Ma kwasi rikia ta si do na nau ku thaitoomana filoa suli nia fasi kwai keda kau isana wane inoto nau. Mania ku tole nia mai isamulua nania, ma ni oe, kiṉa Agiripa, na ku tole gwauwai mai ania isamu, fasi, buriana na kulu soetoona sulia si do eki, aku ta si do na nau kwai keda. 27Sulaania manataku ne oewanea, mada sa keka arasia ta wane na kera kania, ma kesi faaroṉo lau boo asi do na keki alaṉi nia anidaki.

Currently Selected:

Si do Aposela ki kera ilidaki 25: MLU1949

Highlight

Copy