Rò̌mǎphû̌ Ta̤hî̌bǎ wǐ dě alo̤mo̤
Ta̤hî̌bǎ wǐ dě alo̤mo̤
Pò̌lu khwè̌cû̌ lî̤htǒotabǎ dě Rò̌mǎwî̤. A khwè̌ tîwî̌tòwònǎ ta a glè̌ cû̌ǒlè kû̌ Rò̌mǎwî̤ pwa̤yṳǎta̤ aprṳ̂aho. A ta̤yè̤lò̤nǎ mî̌titè hî̌dě a cû̌ ma̤dǒkû̌ ta̤ ta Khrî̌stuphû̌ bǎnu toǒ teděsǎ pě, htopědě asî bǎnu toǒ glè ma̤jè nû̌û dě a cû̌ sělěpo̤ Sapega. Pwǐ a sî̌ya Khrî̌stuphû̌ a ta̤yṳta̤nǎ ta Khrî̌stuphû̌ to ǒhtûpwa̤ gûma̤kû̌ toǒnu, a khwè̌ pwe̤ǐlṳphlo bǎbò kò. Pò̌lu dǔlṳ bǎ kò Khrî̌stuphû̌ a ǒhtûpwa̤ awi̤akè̌ toǒ aklanu, lî̤htǒotabǎ numî̌ alǒabekhlokò hǒ.
Pò̌lu hî̌mo̤hî̌wǒ Rò̌mǎ pwa̤yṳǎta̤ aprṳ̂ahophû̌ toǒ dě a pwe̤ǐlṳhto bǎ asî ta a ta̤kwisabahto bǎ asîya toǒ hǒ htǒotaplǎdě a hî̌lṳ bǎ asî ta ta̤ htě a sò̌yṳ khwè̌ lî̤htǒo a kòshî̌kòtṳ awi̤akè̌. Ta̤wi̤ta̤kè̌ a kòshî̌kòtṳ mî̌ mè̤hǒ “Cǒmara bè̌cǒbè̌tè̤ kòyò toǒ ta ana̤ nutû̌ hî̌tènu ta̤sò̌le̤sò̌lò̤ awi̤akè̌ htǒo dǔlṳhtò̌ hǒ. Ta̤cǒta̤tè̤ htǒonumî̌ a tèhtò̌ ta ta̤yṳ dě a gutṳ ta ta̤yṳ.” (1:17)
Htodě Pò̌lu pwe̤ǐlṳ plṳ̂po̤ ta̤wi̤ta̤kè̌ a kòshî̌kòtṳ htǒo. Yṳ̌daphû̌ toǒ bǎbǎ, Yṳ̌daphû̌ mè̤tò̤ toǒ bǎbǎ, Cǒmara lo̤bǎ ma̤cǒma̤tè̤ ge lǒ̤bò asî pṳ̂̌꤮ tapwa̤, ma̤tè̤hî̌dě kòyò pṳ̂̌꤮ tapwa̤ ǒ sǒsǒbò nû̌û ta ta̤sǔta̤plě a ta̤shû̌ta̤sho akla pwǎ. Kòyòhǎkhû̌phû̌ yṳǎ Khrî̌stu akhû̌akhîdě Cǒmara bè̌cǒbè̌tè̤ asî. Htodě Pò̌lu pwe̤ǐlṳpo̤ ta ta̤ǒhtûpwa̤ asa htě pa nî̤bǎ htǒonumî̌ mî̌pwǎ pa htûhtò̌ ta Khrî̌stu tacǎnǔ꤮ pa akhû̌akhî pwǎ, a pwe̤ǐlṳpo̤ hǐnu. Pwa̤yṳǎphû̌ toǒnu, a nî̤bǎ lǒkho ta̤pè̤ta̤dû ta Cǒmara hǒ, htohǒtò̤ ta̤sǔ ta ta̤si a ta̤shû̌ta̤sho pṳ̂mě asî htǒonu, Cǒmara a sǎcahtǐ plûhǎhtò̌ pele cû̌ asî hǒ. Bǎ amadû̌ 5-8 akûnu, Pò̌lu pwe̤ǐphlopo̤ ta Cǒmara a ta̤yè̤lò̤nǎ a ta̤sû̌ta̤tòwò toǒ awi̤akè̌ ta Běcǎ sǎcahtǐ a ta̤po̤ta̤phǎ shû̌shohtǒo htû̌lè̌ tèplè̌ bǎ kò ta̤ǒhtûpwa̤ asa awi̤akè̌. Htohǒtò̤ Yṳ̌daphû̌ toǒ aya bǎbǎ, Yṳ̌daphû̌ mè̤tò̤ toǒ aya ta Cǒmara ta̤yè̤lò̤nǎ bǎ bòkwè̌꤮ kò pṳ̂̌꤮ tapwa̤ hî̌tènu, Pò̌lu pwe̤ǐphlobò kò hǒ. Ma̤pûhǐ kòyò pṳ̂̌꤮ tapwa̤ nî̤bǎ tṳtṳ kû̌ lǒkho Cǒmara abwǐdû̌sîrîhtû dě Ye̤shǔkhrî̌stu a ǒ ayanudě, Yṳ̌daphû̌ toǒ wîkè Běcǎ Ye̤shǔkhrî̌stu pwǎ. A ma̤ pwǐhtǒonumî̌ Cǒmara a ta̤yè̤lò̤nǎ pwǎ. Pwǎ̤tadě pwa̤khwè̌lî̤htǒo yṳǎ ta Yṳ̌daphû̌ toǒnu, a wîkè Běcǎ Ye̤shǔ tò̤, a hî̌phlǔ ayo̤ hǐnu. Nǒkò gutṳ̌ dě Pò̌lu khwè̌lṳ bǎ ta Khrî̌stuphû̌ toǒ tobǎ ǒhtûpwa̤ bè̌ lǒkho a sò̌phlǒsǔshi hî̌tè, htohǒtò̤ a lo̤dû̌lǒ꤮ mî̌ bǎ asî bǒsû̌khǎkho ta kòyò hǔwa̤ toǒ akha, a to dǔlṳ lǒkho ata̤mo̤ǐ hî̌tènu, a khwè̌lṳphlo hǐnu. A khwè̌lṳ ta ma̤ Cǒmara a ta̤phî̌ta̤ma̤ awi̤akè̌, htodě Khrî̌stuphû̌ toǒ tobǎ gana̤de Khwǐcophǎ htě a pǒshiga toǒ ayo̤, dě a tobǎ mo̤ǐ nû̌û ma̤jè nû̌û tapwa̤ ta tapwa̤. Dě a ma̤gutṳkè alî̤ htǒotabǎ ta a ta̤hî̌mo̤hî̌wǒ toǒ ta a ta̤htû̌sò̌ǐ Cǒmara toǒ pwǎ.
Ta̤hî̌bǎ to̤to̤ ta to̤to̤
Ta̤hî̌bǎ wǐ dě alo̤mo̤ ta ta̤wi̤ta̤kè̌ akòshî̌kòtṳ toǒ 1:1-17
Kòyò pṳ̂̌꤮ tapwa̤ lo̤bǎ ta̤ma̤lû̌htò̌ge 1:18-3:20
Cǒmara a ta̤ma̤lû̌htò̌ge kò aklè̌aklò 3:21-4:25
Ta̤ǒhtûpwa̤ asa dě Khrî̌stukû 5:1-8:39
Cǒmara a ta̤yè̤lò̤nǎ bǎ Israelphû̌ toǒ 9:1-11:36
Khrî̌stuphû̌ a ta̤bè̌ sò̌phlǒsǔshi 12:1-15:13
Ta̤hî̌bǎ gutṳ̌lò̤ ta ta̤hî̌mo̤hî̌wǒ toǒ 15:14-16:27
Currently Selected:
Rò̌mǎphû̌ Ta̤hî̌bǎ wǐ dě alo̤mo̤: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
Rò̌mǎphû̌ Ta̤hî̌bǎ wǐ dě alo̤mo̤
Ta̤hî̌bǎ wǐ dě alo̤mo̤
Pò̌lu khwè̌cû̌ lî̤htǒotabǎ dě Rò̌mǎwî̤. A khwè̌ tîwî̌tòwònǎ ta a glè̌ cû̌ǒlè kû̌ Rò̌mǎwî̤ pwa̤yṳǎta̤ aprṳ̂aho. A ta̤yè̤lò̤nǎ mî̌titè hî̌dě a cû̌ ma̤dǒkû̌ ta̤ ta Khrî̌stuphû̌ bǎnu toǒ teděsǎ pě, htopědě asî bǎnu toǒ glè ma̤jè nû̌û dě a cû̌ sělěpo̤ Sapega. Pwǐ a sî̌ya Khrî̌stuphû̌ a ta̤yṳta̤nǎ ta Khrî̌stuphû̌ to ǒhtûpwa̤ gûma̤kû̌ toǒnu, a khwè̌ pwe̤ǐlṳphlo bǎbò kò. Pò̌lu dǔlṳ bǎ kò Khrî̌stuphû̌ a ǒhtûpwa̤ awi̤akè̌ toǒ aklanu, lî̤htǒotabǎ numî̌ alǒabekhlokò hǒ.
Pò̌lu hî̌mo̤hî̌wǒ Rò̌mǎ pwa̤yṳǎta̤ aprṳ̂ahophû̌ toǒ dě a pwe̤ǐlṳhto bǎ asî ta a ta̤kwisabahto bǎ asîya toǒ hǒ htǒotaplǎdě a hî̌lṳ bǎ asî ta ta̤ htě a sò̌yṳ khwè̌ lî̤htǒo a kòshî̌kòtṳ awi̤akè̌. Ta̤wi̤ta̤kè̌ a kòshî̌kòtṳ mî̌ mè̤hǒ “Cǒmara bè̌cǒbè̌tè̤ kòyò toǒ ta ana̤ nutû̌ hî̌tènu ta̤sò̌le̤sò̌lò̤ awi̤akè̌ htǒo dǔlṳhtò̌ hǒ. Ta̤cǒta̤tè̤ htǒonumî̌ a tèhtò̌ ta ta̤yṳ dě a gutṳ ta ta̤yṳ.” (1:17)
Htodě Pò̌lu pwe̤ǐlṳ plṳ̂po̤ ta̤wi̤ta̤kè̌ a kòshî̌kòtṳ htǒo. Yṳ̌daphû̌ toǒ bǎbǎ, Yṳ̌daphû̌ mè̤tò̤ toǒ bǎbǎ, Cǒmara lo̤bǎ ma̤cǒma̤tè̤ ge lǒ̤bò asî pṳ̂̌꤮ tapwa̤, ma̤tè̤hî̌dě kòyò pṳ̂̌꤮ tapwa̤ ǒ sǒsǒbò nû̌û ta ta̤sǔta̤plě a ta̤shû̌ta̤sho akla pwǎ. Kòyòhǎkhû̌phû̌ yṳǎ Khrî̌stu akhû̌akhîdě Cǒmara bè̌cǒbè̌tè̤ asî. Htodě Pò̌lu pwe̤ǐlṳpo̤ ta ta̤ǒhtûpwa̤ asa htě pa nî̤bǎ htǒonumî̌ mî̌pwǎ pa htûhtò̌ ta Khrî̌stu tacǎnǔ꤮ pa akhû̌akhî pwǎ, a pwe̤ǐlṳpo̤ hǐnu. Pwa̤yṳǎphû̌ toǒnu, a nî̤bǎ lǒkho ta̤pè̤ta̤dû ta Cǒmara hǒ, htohǒtò̤ ta̤sǔ ta ta̤si a ta̤shû̌ta̤sho pṳ̂mě asî htǒonu, Cǒmara a sǎcahtǐ plûhǎhtò̌ pele cû̌ asî hǒ. Bǎ amadû̌ 5-8 akûnu, Pò̌lu pwe̤ǐphlopo̤ ta Cǒmara a ta̤yè̤lò̤nǎ a ta̤sû̌ta̤tòwò toǒ awi̤akè̌ ta Běcǎ sǎcahtǐ a ta̤po̤ta̤phǎ shû̌shohtǒo htû̌lè̌ tèplè̌ bǎ kò ta̤ǒhtûpwa̤ asa awi̤akè̌. Htohǒtò̤ Yṳ̌daphû̌ toǒ aya bǎbǎ, Yṳ̌daphû̌ mè̤tò̤ toǒ aya ta Cǒmara ta̤yè̤lò̤nǎ bǎ bòkwè̌꤮ kò pṳ̂̌꤮ tapwa̤ hî̌tènu, Pò̌lu pwe̤ǐphlobò kò hǒ. Ma̤pûhǐ kòyò pṳ̂̌꤮ tapwa̤ nî̤bǎ tṳtṳ kû̌ lǒkho Cǒmara abwǐdû̌sîrîhtû dě Ye̤shǔkhrî̌stu a ǒ ayanudě, Yṳ̌daphû̌ toǒ wîkè Běcǎ Ye̤shǔkhrî̌stu pwǎ. A ma̤ pwǐhtǒonumî̌ Cǒmara a ta̤yè̤lò̤nǎ pwǎ. Pwǎ̤tadě pwa̤khwè̌lî̤htǒo yṳǎ ta Yṳ̌daphû̌ toǒnu, a wîkè Běcǎ Ye̤shǔ tò̤, a hî̌phlǔ ayo̤ hǐnu. Nǒkò gutṳ̌ dě Pò̌lu khwè̌lṳ bǎ ta Khrî̌stuphû̌ toǒ tobǎ ǒhtûpwa̤ bè̌ lǒkho a sò̌phlǒsǔshi hî̌tè, htohǒtò̤ a lo̤dû̌lǒ꤮ mî̌ bǎ asî bǒsû̌khǎkho ta kòyò hǔwa̤ toǒ akha, a to dǔlṳ lǒkho ata̤mo̤ǐ hî̌tènu, a khwè̌lṳphlo hǐnu. A khwè̌lṳ ta ma̤ Cǒmara a ta̤phî̌ta̤ma̤ awi̤akè̌, htodě Khrî̌stuphû̌ toǒ tobǎ gana̤de Khwǐcophǎ htě a pǒshiga toǒ ayo̤, dě a tobǎ mo̤ǐ nû̌û ma̤jè nû̌û tapwa̤ ta tapwa̤. Dě a ma̤gutṳkè alî̤ htǒotabǎ ta a ta̤hî̌mo̤hî̌wǒ toǒ ta a ta̤htû̌sò̌ǐ Cǒmara toǒ pwǎ.
Ta̤hî̌bǎ to̤to̤ ta to̤to̤
Ta̤hî̌bǎ wǐ dě alo̤mo̤ ta ta̤wi̤ta̤kè̌ akòshî̌kòtṳ toǒ 1:1-17
Kòyò pṳ̂̌꤮ tapwa̤ lo̤bǎ ta̤ma̤lû̌htò̌ge 1:18-3:20
Cǒmara a ta̤ma̤lû̌htò̌ge kò aklè̌aklò 3:21-4:25
Ta̤ǒhtûpwa̤ asa dě Khrî̌stukû 5:1-8:39
Cǒmara a ta̤yè̤lò̤nǎ bǎ Israelphû̌ toǒ 9:1-11:36
Khrî̌stuphû̌ a ta̤bè̌ sò̌phlǒsǔshi 12:1-15:13
Ta̤hî̌bǎ gutṳ̌lò̤ ta ta̤hî̌mo̤hî̌wǒ toǒ 15:14-16:27
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA