Rò̌mǎphû̌ 1
1
Pò̌lu a ta̤hî̌mo̤hî̌wǒ
1He mî̌ Pò̌lu. He khwè̌cû̌bǎ sî lî̤htǒotabǎ. He mî̌ Ye̤shǔkhrî̌stu ajûphû̌ tapwa̤. A kaǎ he ta he htûhtò̌ a pwa̤nophû̌ tapwa̤, htodě a wû̌lǎ he ta he dǒhtû̌ǐ bǎ kò ta Cǒmara a ta̤sò̌le̤sò̌lò̤ awi̤akè̌. 2Ta̤sò̌le̤sò̌lò̤ awi̤akè̌ htǒonu, Cǒmara olò̤nǎyî̤ ayo̤ dě꤮ wǐnukha ta a pwa̤po̤ toǒ pwǐ a khwè̌nǎhto dě lî̤cahtǐ akûnu. 3Ta̤sò̌le̤sò̌lò̤ awi̤akè̌ numî̌ mî̌pwǎ aphû̌khû htě pa Běcǎ Ye̤shǔkhrî̌stu htǒo awi̤akè̌ dě a hèlò̤ sûlûana̤ pwǐ kòyòhǎkhû̌phû̌ htǒonu tapwa̤, a hè ǒlò̤ dě Khwǐdǎ̤wi̤ akhlialè akû htǒonu tapwa̤ hǒ. 4Běcǎ sǎcahtǐ akhû̌akhî, bǎ Cǒmara ma̤ htûpwa̤gesǒ pa Běcǎ Ye̤shǔkhrî̌stu ta̤si ta a ta̤po̤ta̤phǎ akhanu, a dǔlṳ nû̌û ta a mî̌ Cǒmara aphû̌khû tapwa̤ mè̤mè̤̌ hǒ. 5Khrî̌stu akhû̌akhî, Cǒmara ǐlò̤ pa a ta̤bwǐta̤sîrî ta ta̤akhîakha towǒ dě pa glè htûhtò̌ pwa̤nophû̌ ta Khrî̌stu aya. Ma̤pûhǐ Yṳ̌daphû̌ mè̤tò̤ toǒ lǒ̤꤮ bò yṳǎna̤ǎ kû̌kò Ye̤shǔ, dě asî gana̤dekû̌ Cǒmara yo̤ ayanudě, a nohtûhtò̌ pwǎ pa. 6Cǒmara kaǎ kòyò dě kòyò glè htûhtò̌ Ye̤shǔkhrî̌stu akòyò toǒ aklanu, sî mî̌ sî ǒnṳpadǒ bǎnu hǒ.
7Khobǒsû̌bǒmo̤ htě a ǒ dě Rò̌mǎwî̤kû sî, Cǒmara mo̤ǐ sî, htohǒtò̤ a kaǎ sî dě sî htûhtò̌ tû̌ akòyò hǒ.
He khwè̌cû̌bò bǎ sî lî̤htǒotabǎ. Papha Cǒmara ta pa Běcǎ Ye̤shǔkhrî̌stu ǐtû̌ pû sî ta̤bwǐta̤sîrî ta ta̤gûjûkabǎ nî̌꤮.
Pò̌lu kwisaba dě a hî̌bwǐhî̌sîrî Cǒmara
8Ye̤shǔkhrî̌stu ami̤akû, he hî̌bwǐhî̌sîrî wǐgutṳ̌ he Cǒmara ta sî lǒ̤꤮ bò aya, ma̤tè̤hî̌dě, sî ta̤yṳta̤nǎ htǒonu, kò gana̤debò hǎkhû̌tebě hǒ. 9Bǎ he kwisabahtò̌ Cǒmara akhanu, he gènè̤htò̌nṳ sî pṳ̂̌꤮ taplǎ. He ma̤ mè̤mè̤̌ pwǐhè̌o numî̌ Cǒmara sî̌ya pwǎ. He ma̤ lǒ̤sû̌lǒ̤sò̌ bǎ a ta̤ma̤ ta he dǒhtû̌ǐ bǎ aphû̌khû Běcǎ Ye̤shǔkhrî̌stu a ta̤sò̌le̤sò̌lò̤ awi̤akè̌ htǒo akhû̌akhî hǒ. 10He kwisaba yî̤꤮ Cǒmara ta, a dè sò̌phlǒǒ ta he glè cû̌ǒlè kû̌ sî hî̌dě he sò̌yṳ cû̌ǒlè kû̌ sî.
11Ma̤tè̤hî̌dě ma̤pûhǐ he hè ǐdǒ bǎ sî Cǒmara a sǎcahtǐ asû htǒonudě, he sò̌yṳ hè ǒlè kû̌ sî. Cǒmara a sǎcahtǐ asû ǐshû̌ǐshohtò̌ tû̌pû sî sò̌phlǒ nî̌꤮. 12He sò̌yṳ hî̌ titè hî̌dě pa ǐkhû̌ǐǎ ma̤jèle̤ ma̤jègesǒ sî ta̤yṳ ta he ta̤yṳ hǐnu tacǎpa. 13Pṳwè̤ sî꤮, he sò̌yṳ nosî̌yakû̌ sî ta he ta̤yè̤lò̤nǎ htě he hè ǒlèkû̌ sî pě awi̤akè̌ htǒonumî̌ a ǒplṳ̂ hǒ. Pwǎ̤tadě ta̤ma̤ dǐkhû̌dǐdò henu aǒ to̤pe khònò̤ htǒo. Pwǐ he ma̤hto dě Yṳ̌daphû̌ mè̤tò̤ toǒ aklanu, ma̤pûhǐ kòyò ǒ sîklanu toǒ htûhtò̌kû̌ pwa̤yṳǎphû̌ ayanudě, he sò̌yṳ hè ǒlè ma̤jèpwǎ kòyònu toǒ.#Pwa̤nophû̌ toǒ 19:21
14Greek khlilèphû̌ toǒ bǎbǎ, Greek khlilèphû̌ mè̤tò̤ toǒ bǎbǎ, kòyò ta̤sî̌ta̤jò ǒ bǎbǎ, kòyò ta̤sî̌ta̤jò ǒtò̤ bǎbǎ, ta̤ma̤ lò̤bǎ hekhû̌ dě he bǎ dǒhtû̌ǐ bǎ khlilèphû̌ pṳ̂̌꤮ tacǎ ta ta̤sò̌le̤sò̌lò̤ awi̤akè̌ htǒohǒ. 15Hǐnu akhû̌akhî, sî ǒ lǒkho dě Rò̌mǎwî̤kû toǒnu, he sò̌yṳ dǒhtû̌ǐshû̌ bǎ mè̤mè̤̌ sî ta ta̤sò̌le̤sò̌lò̤ awi̤akè̌ htǒo.
Ta̤sò̌le̤sò̌lò̤ awi̤akè̌ a ta̤po̤ta̤phǎ
16Ta̤sò̌le̤sò̌lò̤ awi̤akè̌ htǒo akhû̌akhî, he sòwò̤tò̤, ma̤tè̤hî̌dě, kòyò lǒ̤꤮ bò htě a yṳǎ ta̤sò̌le̤sò̌lò̤ awi̤akè̌ htǒotoǒnu, Cǒmara ma̤lû̌htò̌gebò asî ta a ta̤po̤ta̤phǎ hǒ. A ma̤lû̌htò̌ge wǐgutṳ̌ Yṳ̌daphû̌ toǒ, htodě a ma̤lû̌htò̌gepo̤ Yṳ̌daphû̌ mè̤tò̤ toǒ.#Mǎ̤riko 8:38 17Cǒmara bè̌cǒbè̌tè̤ kòyò toǒ ta ana̤ hî̌tènu ta̤sò̌le̤sò̌lò̤ awi̤akè̌ htǒo dǔlṳhtò̌ hǒ. Ta̤cǒta̤tè̤ htǒonumî̌ a tèhtò̌ ta ta̤yṳ dě a gutṳ ta ta̤yṳ. Lî̤cahtǐ hî̌, “Kòyò htě Cǒmara bè̌cǒbè̌tè̤ yǎta ata̤yṳ toǒnu, asî nî̤bǎ mè̤mè̤̌ ta̤ǒhtûpwa̤ asa pě.”#Hǎbǎkǔ 2:4
Kòyò ma̤lǒ̤bò ta̤sǔ pṳ̂̌꤮ tapwa̤
18Cǒmara ta̤sò̌dû̌ ǒlṳhtò̌ dě mǒkhû̌. Dě a ǒlṳhtò̌ bǎ kòyò lǒ̤꤮ bò htě a ma̤ ta̤sǔta̤plěnu toǒ ta kòyò htě a ma̤ ta̤phû̌mò̤shî̌htonu toǒ. Dě asî ma̤ ta̤phû̌mò̤shî̌hto toǒ akhû̌akhî, a nosî̌ya kò ta ta̤te̤ta̤mǎ htǒonu tò̤ hǒ. 19Ma̤tè̤hî̌dě asî la̤sî̌yajò Cǒmara awi̤akè̌nu, a ǒlṳlîphlo ta asîya, ma̤tè̤hî̌dě Cǒmara sana̤ dǔlṳ lîtîklî̌ bǎ asî hǒ. 20Ma̤tè̤hî̌dě tèhtò̌ bǎ Cǒmara bǒlò̤wǐ hǎkhû̌ akhanu, kòyò toǒ sî̌yaphlo wǒdǎ ta Cǒmara ǒ ta a bwǐsîrîpo̤phǎ tûjûpwa̤, htohǒtò̤ asî sî̌yaphlo ta a mî̌ Cǒmara mè̤mè̤̌ tapwa̤hǒ. Cǒmara a sîrîpo̤phǎ tûjûpwa̤ htǒotoǒnu ta a mî̌ Cǒmara mè̤mè̤̌ tapwa̤ htǒonu, asî kè̌shǐjò tò̤ pwǎ̤tadě asî sî̌yajò pwǎ. Asî kè̌shǐ Cǒmara bǒlò̤ ta̤htǒotoǒ akhû̌akhî, asî sî̌yajòpwǎ lǒkho Cǒmara awi̤akè̌ htǒotoǒ. Hǐnu akhû̌akhî, ta̤ lǒ̤꤮ bò htě asî ma̤hto toǒnu, asî hî̌htohî̌lò̤jòpe tò̤.
21Asî sî̌ya Cǒmara hǐnudě asî bè̌dubè̌na̤ nû̌û pwǐ Cǒmara tapwa̤nu tò̤. A hî̌bwǐhî̌sîrî nû̌û tò̤tò̤. Hǐnudě asî ta̤gènè̤ toǒnu, a htûhtò̌bò ta̤ǒlû̌ǒkhlo. Htohǒtò̤ asî ta̤gènè̤ ǒlû̌ǒkhlo htǒotoǒnu, ta̤khǐta̤lo̤ ma̤bǐkè asî hǒ.#Ephè̌shiaphû̌ 4:17-18 22Asî hî̌lò̤ lǒkho ana̤ ta a ta̤sî̌ta̤jò ǒ, hǐnudě a htû lǒkhopwǎ ta kòyò ǒò̌. 23Asî to sabahtò̌ Cǒmara htě a ǒ ta a sîrîdû̌htû dě a sijòtò̤ htǒotapwa̤, mî̌tadě a cû̌ saba tû̌ pwa̤yo̤pwa̤gî htě kò bǒ yǎta cǔde toǒ. Asî saba tǒ̤kètû̌ pwa̤yo̤pwa̤gî sǒsǒta kòyò htě a sijò htǒotoǒ, mè̤tò̤mî̌ asǒsǒta htû̌phû̌yṳphû̌ toǒ, mè̤tò̤mî̌ asǒsǒta ta̤phû̌ta̤li̤ toǒ, tò̤mî̌ asǒsǒta wṳ̂shǐhtǎ toǒ.#Ta̤dǒhtû̌ǐ 4:16-18
24Hǐnu akhû̌akhî, asî sò̌phlǒ sò̌yṳ ta̤putupatǎ phû̌mò̤shî̌hto hî̌tènu, Cǒmara noma̤kè pwǎ asî. Dě asî ma̤ sòwò̤bò nû̌û tapwa̤ ta tapwa̤. 25A to yṳǎ Cǒmara a ta̤te̤ta̤mǎ pwǎ̤ta a htû̌lè̌ tèplè̌kè dě a cû̌ yṳǎtû̌ ta̤lòhǎlòho. A to saba pwǎpǒ̤ Cǒmara dě a to ma̤ pwǎpǒ̤ pwa̤ htě a bǒlò̤ ta̤ htǒotapwa̤ ata̤ma̤ pwǎ pò̤̌ta a cû̌ saba ma̤tǒ̤ ta̤ htě Cǒmara bǒlò̤ nû̌û toǒ ata̤ma̤. Běcǎ htǒotapwa̤nu kò htû̌sò̌ǐ tû̌ta nû̌û tûjûpwa̤ nî̌꤮. Amè̤.
26Dě asî ma̤hǐnu akhû̌akhî, Cǒmara ǐlò̤kè asî dě sǐshi a ta̤sò̌yṳ htě a ma̤sòwò̤ phû̌mò̤ asî htǒo a cǔdekû. Mamǔ toǒ bǎbǎ, a wîkè ala̤klo bǒsû̌ hǎmoǒhtu ta makhû dě asî ta asî cû̌ bǒsû̌ hǎmoǒhtu kè̌khî tû̌ nû̌û. 27Makhû toǒnu bǎbǎ ma̤sǒsǒta hǐnuhǒ. Asî wîkè ala̤klo hǎmoǒhtu ta mamǔ toǒ dě asǐshi a ta̤sò̌yṳnu a sò̌yṳcû̌ hǎmoǒhtu kè̌khî tû̌ nû̌û. Makhû toǒnu a ma̤ sòwò̤ kè̌khîtû̌ nû̌û tapwa̤ ta tapwa̤. Dě asî ma̤ta̤sǔta̤plě hǐnu akhû̌akhî, Cǒmara cèrò asî pwǐ a gwata asînu hǒ.
28Htohǒtò̤ asî sî̌yahto Cǒmara awi̤akè̌ pwǎ̤tadě, a phî̌shǔ lǒkho tò̤, a bè̌ ta̤dǐcǎ꤮ tò̤ akhû̌akhî, Cǒmara nopǒǐkè asî ta asî ta̤gènè̤ phû̌mò̤shî̌htonu toǒ dě a noma̤ lǒkho asî ta ta̤ htě a gwa ma̤tò̤nu toǒ hǒ. 29Asî ta̤ǒhtûpwa̤ htǒonu a lǒbe cè̌cè̌ ta ta̤cǒta̤tè̤ tò̤, ta̤phû̌mò̤shî̌hto, phî̌sigwiwe̤saphǎ ǎ tû̌aya, htodě a lǒbe ta ta̤sò̌khě kò, ma̤si kòyò, po̤ kòyò, lòhǎlòhoǎ kòyò, sò̌khěkhû̌khwè kòyò, dǒmi̤shǐyo̤ kòyò. 30Htodě asî hî̌pi̤ kòmi̤, sò̌khě Cǒmara, ǐshoǐbě, phî̌dû̌phî̌htû na̤, htû̌sò̌ǐ ana̤. Asî gènè̤ plṳ̂po̤ klè̌ asa toǒ dě a glè ma̤ dû̌htò̌ hèpo̤ ta̤phû̌mò̤shî̌hto. Asî gana̤de lǒkho amo̤apha yo̤ tò̤. 31Asî mî̌ kòyò ǒò̌ kòyò phuhtò, acǒtè̤ kû̌ ta ayo̤ tò̤. A ta̤mo̤ǐ kònu, aǒtò̤, a gwèbǎǐ kònu aǒtò̤. 32Cǒmara a ta̤sû̌ta̤tòwò hî̌ ta kòyò htě a ǒhtûpwa̤ hǐnu toǒ mî̌ a tosinu a sî̌ya pwǎ pò̤̌ta a ma̤ sadapo̤ pwǎ. Htohǒtò̤ kò dè ma̤kû̌ hǐnu hî̌dě asî sò̌phlǒmo̤ lǒkho pwǎ.
Currently Selected:
Rò̌mǎphû̌ 1: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
Rò̌mǎphû̌ 1
1
Pò̌lu a ta̤hî̌mo̤hî̌wǒ
1He mî̌ Pò̌lu. He khwè̌cû̌bǎ sî lî̤htǒotabǎ. He mî̌ Ye̤shǔkhrî̌stu ajûphû̌ tapwa̤. A kaǎ he ta he htûhtò̌ a pwa̤nophû̌ tapwa̤, htodě a wû̌lǎ he ta he dǒhtû̌ǐ bǎ kò ta Cǒmara a ta̤sò̌le̤sò̌lò̤ awi̤akè̌. 2Ta̤sò̌le̤sò̌lò̤ awi̤akè̌ htǒonu, Cǒmara olò̤nǎyî̤ ayo̤ dě꤮ wǐnukha ta a pwa̤po̤ toǒ pwǐ a khwè̌nǎhto dě lî̤cahtǐ akûnu. 3Ta̤sò̌le̤sò̌lò̤ awi̤akè̌ numî̌ mî̌pwǎ aphû̌khû htě pa Běcǎ Ye̤shǔkhrî̌stu htǒo awi̤akè̌ dě a hèlò̤ sûlûana̤ pwǐ kòyòhǎkhû̌phû̌ htǒonu tapwa̤, a hè ǒlò̤ dě Khwǐdǎ̤wi̤ akhlialè akû htǒonu tapwa̤ hǒ. 4Běcǎ sǎcahtǐ akhû̌akhî, bǎ Cǒmara ma̤ htûpwa̤gesǒ pa Běcǎ Ye̤shǔkhrî̌stu ta̤si ta a ta̤po̤ta̤phǎ akhanu, a dǔlṳ nû̌û ta a mî̌ Cǒmara aphû̌khû tapwa̤ mè̤mè̤̌ hǒ. 5Khrî̌stu akhû̌akhî, Cǒmara ǐlò̤ pa a ta̤bwǐta̤sîrî ta ta̤akhîakha towǒ dě pa glè htûhtò̌ pwa̤nophû̌ ta Khrî̌stu aya. Ma̤pûhǐ Yṳ̌daphû̌ mè̤tò̤ toǒ lǒ̤꤮ bò yṳǎna̤ǎ kû̌kò Ye̤shǔ, dě asî gana̤dekû̌ Cǒmara yo̤ ayanudě, a nohtûhtò̌ pwǎ pa. 6Cǒmara kaǎ kòyò dě kòyò glè htûhtò̌ Ye̤shǔkhrî̌stu akòyò toǒ aklanu, sî mî̌ sî ǒnṳpadǒ bǎnu hǒ.
7Khobǒsû̌bǒmo̤ htě a ǒ dě Rò̌mǎwî̤kû sî, Cǒmara mo̤ǐ sî, htohǒtò̤ a kaǎ sî dě sî htûhtò̌ tû̌ akòyò hǒ.
He khwè̌cû̌bò bǎ sî lî̤htǒotabǎ. Papha Cǒmara ta pa Běcǎ Ye̤shǔkhrî̌stu ǐtû̌ pû sî ta̤bwǐta̤sîrî ta ta̤gûjûkabǎ nî̌꤮.
Pò̌lu kwisaba dě a hî̌bwǐhî̌sîrî Cǒmara
8Ye̤shǔkhrî̌stu ami̤akû, he hî̌bwǐhî̌sîrî wǐgutṳ̌ he Cǒmara ta sî lǒ̤꤮ bò aya, ma̤tè̤hî̌dě, sî ta̤yṳta̤nǎ htǒonu, kò gana̤debò hǎkhû̌tebě hǒ. 9Bǎ he kwisabahtò̌ Cǒmara akhanu, he gènè̤htò̌nṳ sî pṳ̂̌꤮ taplǎ. He ma̤ mè̤mè̤̌ pwǐhè̌o numî̌ Cǒmara sî̌ya pwǎ. He ma̤ lǒ̤sû̌lǒ̤sò̌ bǎ a ta̤ma̤ ta he dǒhtû̌ǐ bǎ aphû̌khû Běcǎ Ye̤shǔkhrî̌stu a ta̤sò̌le̤sò̌lò̤ awi̤akè̌ htǒo akhû̌akhî hǒ. 10He kwisaba yî̤꤮ Cǒmara ta, a dè sò̌phlǒǒ ta he glè cû̌ǒlè kû̌ sî hî̌dě he sò̌yṳ cû̌ǒlè kû̌ sî.
11Ma̤tè̤hî̌dě ma̤pûhǐ he hè ǐdǒ bǎ sî Cǒmara a sǎcahtǐ asû htǒonudě, he sò̌yṳ hè ǒlè kû̌ sî. Cǒmara a sǎcahtǐ asû ǐshû̌ǐshohtò̌ tû̌pû sî sò̌phlǒ nî̌꤮. 12He sò̌yṳ hî̌ titè hî̌dě pa ǐkhû̌ǐǎ ma̤jèle̤ ma̤jègesǒ sî ta̤yṳ ta he ta̤yṳ hǐnu tacǎpa. 13Pṳwè̤ sî꤮, he sò̌yṳ nosî̌yakû̌ sî ta he ta̤yè̤lò̤nǎ htě he hè ǒlèkû̌ sî pě awi̤akè̌ htǒonumî̌ a ǒplṳ̂ hǒ. Pwǎ̤tadě ta̤ma̤ dǐkhû̌dǐdò henu aǒ to̤pe khònò̤ htǒo. Pwǐ he ma̤hto dě Yṳ̌daphû̌ mè̤tò̤ toǒ aklanu, ma̤pûhǐ kòyò ǒ sîklanu toǒ htûhtò̌kû̌ pwa̤yṳǎphû̌ ayanudě, he sò̌yṳ hè ǒlè ma̤jèpwǎ kòyònu toǒ.#Pwa̤nophû̌ toǒ 19:21
14Greek khlilèphû̌ toǒ bǎbǎ, Greek khlilèphû̌ mè̤tò̤ toǒ bǎbǎ, kòyò ta̤sî̌ta̤jò ǒ bǎbǎ, kòyò ta̤sî̌ta̤jò ǒtò̤ bǎbǎ, ta̤ma̤ lò̤bǎ hekhû̌ dě he bǎ dǒhtû̌ǐ bǎ khlilèphû̌ pṳ̂̌꤮ tacǎ ta ta̤sò̌le̤sò̌lò̤ awi̤akè̌ htǒohǒ. 15Hǐnu akhû̌akhî, sî ǒ lǒkho dě Rò̌mǎwî̤kû toǒnu, he sò̌yṳ dǒhtû̌ǐshû̌ bǎ mè̤mè̤̌ sî ta ta̤sò̌le̤sò̌lò̤ awi̤akè̌ htǒo.
Ta̤sò̌le̤sò̌lò̤ awi̤akè̌ a ta̤po̤ta̤phǎ
16Ta̤sò̌le̤sò̌lò̤ awi̤akè̌ htǒo akhû̌akhî, he sòwò̤tò̤, ma̤tè̤hî̌dě, kòyò lǒ̤꤮ bò htě a yṳǎ ta̤sò̌le̤sò̌lò̤ awi̤akè̌ htǒotoǒnu, Cǒmara ma̤lû̌htò̌gebò asî ta a ta̤po̤ta̤phǎ hǒ. A ma̤lû̌htò̌ge wǐgutṳ̌ Yṳ̌daphû̌ toǒ, htodě a ma̤lû̌htò̌gepo̤ Yṳ̌daphû̌ mè̤tò̤ toǒ.#Mǎ̤riko 8:38 17Cǒmara bè̌cǒbè̌tè̤ kòyò toǒ ta ana̤ hî̌tènu ta̤sò̌le̤sò̌lò̤ awi̤akè̌ htǒo dǔlṳhtò̌ hǒ. Ta̤cǒta̤tè̤ htǒonumî̌ a tèhtò̌ ta ta̤yṳ dě a gutṳ ta ta̤yṳ. Lî̤cahtǐ hî̌, “Kòyò htě Cǒmara bè̌cǒbè̌tè̤ yǎta ata̤yṳ toǒnu, asî nî̤bǎ mè̤mè̤̌ ta̤ǒhtûpwa̤ asa pě.”#Hǎbǎkǔ 2:4
Kòyò ma̤lǒ̤bò ta̤sǔ pṳ̂̌꤮ tapwa̤
18Cǒmara ta̤sò̌dû̌ ǒlṳhtò̌ dě mǒkhû̌. Dě a ǒlṳhtò̌ bǎ kòyò lǒ̤꤮ bò htě a ma̤ ta̤sǔta̤plěnu toǒ ta kòyò htě a ma̤ ta̤phû̌mò̤shî̌htonu toǒ. Dě asî ma̤ ta̤phû̌mò̤shî̌hto toǒ akhû̌akhî, a nosî̌ya kò ta ta̤te̤ta̤mǎ htǒonu tò̤ hǒ. 19Ma̤tè̤hî̌dě asî la̤sî̌yajò Cǒmara awi̤akè̌nu, a ǒlṳlîphlo ta asîya, ma̤tè̤hî̌dě Cǒmara sana̤ dǔlṳ lîtîklî̌ bǎ asî hǒ. 20Ma̤tè̤hî̌dě tèhtò̌ bǎ Cǒmara bǒlò̤wǐ hǎkhû̌ akhanu, kòyò toǒ sî̌yaphlo wǒdǎ ta Cǒmara ǒ ta a bwǐsîrîpo̤phǎ tûjûpwa̤, htohǒtò̤ asî sî̌yaphlo ta a mî̌ Cǒmara mè̤mè̤̌ tapwa̤hǒ. Cǒmara a sîrîpo̤phǎ tûjûpwa̤ htǒotoǒnu ta a mî̌ Cǒmara mè̤mè̤̌ tapwa̤ htǒonu, asî kè̌shǐjò tò̤ pwǎ̤tadě asî sî̌yajò pwǎ. Asî kè̌shǐ Cǒmara bǒlò̤ ta̤htǒotoǒ akhû̌akhî, asî sî̌yajòpwǎ lǒkho Cǒmara awi̤akè̌ htǒotoǒ. Hǐnu akhû̌akhî, ta̤ lǒ̤꤮ bò htě asî ma̤hto toǒnu, asî hî̌htohî̌lò̤jòpe tò̤.
21Asî sî̌ya Cǒmara hǐnudě asî bè̌dubè̌na̤ nû̌û pwǐ Cǒmara tapwa̤nu tò̤. A hî̌bwǐhî̌sîrî nû̌û tò̤tò̤. Hǐnudě asî ta̤gènè̤ toǒnu, a htûhtò̌bò ta̤ǒlû̌ǒkhlo. Htohǒtò̤ asî ta̤gènè̤ ǒlû̌ǒkhlo htǒotoǒnu, ta̤khǐta̤lo̤ ma̤bǐkè asî hǒ.#Ephè̌shiaphû̌ 4:17-18 22Asî hî̌lò̤ lǒkho ana̤ ta a ta̤sî̌ta̤jò ǒ, hǐnudě a htû lǒkhopwǎ ta kòyò ǒò̌. 23Asî to sabahtò̌ Cǒmara htě a ǒ ta a sîrîdû̌htû dě a sijòtò̤ htǒotapwa̤, mî̌tadě a cû̌ saba tû̌ pwa̤yo̤pwa̤gî htě kò bǒ yǎta cǔde toǒ. Asî saba tǒ̤kètû̌ pwa̤yo̤pwa̤gî sǒsǒta kòyò htě a sijò htǒotoǒ, mè̤tò̤mî̌ asǒsǒta htû̌phû̌yṳphû̌ toǒ, mè̤tò̤mî̌ asǒsǒta ta̤phû̌ta̤li̤ toǒ, tò̤mî̌ asǒsǒta wṳ̂shǐhtǎ toǒ.#Ta̤dǒhtû̌ǐ 4:16-18
24Hǐnu akhû̌akhî, asî sò̌phlǒ sò̌yṳ ta̤putupatǎ phû̌mò̤shî̌hto hî̌tènu, Cǒmara noma̤kè pwǎ asî. Dě asî ma̤ sòwò̤bò nû̌û tapwa̤ ta tapwa̤. 25A to yṳǎ Cǒmara a ta̤te̤ta̤mǎ pwǎ̤ta a htû̌lè̌ tèplè̌kè dě a cû̌ yṳǎtû̌ ta̤lòhǎlòho. A to saba pwǎpǒ̤ Cǒmara dě a to ma̤ pwǎpǒ̤ pwa̤ htě a bǒlò̤ ta̤ htǒotapwa̤ ata̤ma̤ pwǎ pò̤̌ta a cû̌ saba ma̤tǒ̤ ta̤ htě Cǒmara bǒlò̤ nû̌û toǒ ata̤ma̤. Běcǎ htǒotapwa̤nu kò htû̌sò̌ǐ tû̌ta nû̌û tûjûpwa̤ nî̌꤮. Amè̤.
26Dě asî ma̤hǐnu akhû̌akhî, Cǒmara ǐlò̤kè asî dě sǐshi a ta̤sò̌yṳ htě a ma̤sòwò̤ phû̌mò̤ asî htǒo a cǔdekû. Mamǔ toǒ bǎbǎ, a wîkè ala̤klo bǒsû̌ hǎmoǒhtu ta makhû dě asî ta asî cû̌ bǒsû̌ hǎmoǒhtu kè̌khî tû̌ nû̌û. 27Makhû toǒnu bǎbǎ ma̤sǒsǒta hǐnuhǒ. Asî wîkè ala̤klo hǎmoǒhtu ta mamǔ toǒ dě asǐshi a ta̤sò̌yṳnu a sò̌yṳcû̌ hǎmoǒhtu kè̌khî tû̌ nû̌û. Makhû toǒnu a ma̤ sòwò̤ kè̌khîtû̌ nû̌û tapwa̤ ta tapwa̤. Dě asî ma̤ta̤sǔta̤plě hǐnu akhû̌akhî, Cǒmara cèrò asî pwǐ a gwata asînu hǒ.
28Htohǒtò̤ asî sî̌yahto Cǒmara awi̤akè̌ pwǎ̤tadě, a phî̌shǔ lǒkho tò̤, a bè̌ ta̤dǐcǎ꤮ tò̤ akhû̌akhî, Cǒmara nopǒǐkè asî ta asî ta̤gènè̤ phû̌mò̤shî̌htonu toǒ dě a noma̤ lǒkho asî ta ta̤ htě a gwa ma̤tò̤nu toǒ hǒ. 29Asî ta̤ǒhtûpwa̤ htǒonu a lǒbe cè̌cè̌ ta ta̤cǒta̤tè̤ tò̤, ta̤phû̌mò̤shî̌hto, phî̌sigwiwe̤saphǎ ǎ tû̌aya, htodě a lǒbe ta ta̤sò̌khě kò, ma̤si kòyò, po̤ kòyò, lòhǎlòhoǎ kòyò, sò̌khěkhû̌khwè kòyò, dǒmi̤shǐyo̤ kòyò. 30Htodě asî hî̌pi̤ kòmi̤, sò̌khě Cǒmara, ǐshoǐbě, phî̌dû̌phî̌htû na̤, htû̌sò̌ǐ ana̤. Asî gènè̤ plṳ̂po̤ klè̌ asa toǒ dě a glè ma̤ dû̌htò̌ hèpo̤ ta̤phû̌mò̤shî̌hto. Asî gana̤de lǒkho amo̤apha yo̤ tò̤. 31Asî mî̌ kòyò ǒò̌ kòyò phuhtò, acǒtè̤ kû̌ ta ayo̤ tò̤. A ta̤mo̤ǐ kònu, aǒtò̤, a gwèbǎǐ kònu aǒtò̤. 32Cǒmara a ta̤sû̌ta̤tòwò hî̌ ta kòyò htě a ǒhtûpwa̤ hǐnu toǒ mî̌ a tosinu a sî̌ya pwǎ pò̤̌ta a ma̤ sadapo̤ pwǎ. Htohǒtò̤ kò dè ma̤kû̌ hǐnu hî̌dě asî sò̌phlǒmo̤ lǒkho pwǎ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA