Ta̤htû̌sò̌ǐ 95
95
Lî̤sò̌po̤ htû̌sò̌ǐ
1Hèmò̌, sò̌le̤sò̌lò̤ sò̌po̤htò̌ Cǒmara tûjûpwa̤ hò̌꤮.
Pa kaǎgu htû̌sò̌ǐ plǒnûû̌ lo̤dû̌ htě alò̤ta pwa̤ma̤kwaǐ pa htǒotapwa̤ hò̌꤮.#Ta̤htû̌sò̌ǐ 62:6, 89:26
2Hènṳ plǒnûû̌ alo̤mo̤ dě pa hî̌bwǐhî̌sîrîhtò̌ yǎ hò꤮.
Pa sò̌le̤sò̌lò̤ sò̌po̤ htû̌sò̌ǐ yǎ hò꤮.
3Cǒmara tûjûpwa̤ mî̌ Cǒmara htě asîrîshû̌shokhlo kò.
Khwǐdû̌ htě asîrîshû̌shokhlo ta Cǒmara ahǔwa̤ toǒ lǒ̤꤮ bò.
4Hǎkhû̌ gûla̤ htě a yo̤khlo toǒ bǎbǎ, kholodû̌kholohtûkhlo toǒ bǎbǎ, a ǒbò dě acǔdekû.
5A bǒlò̤ shidû̌shite̤we̤ akhû̌akhî, shidû̌shite̤we̤ mî̌ ata.
Kholoplǔ toǒ mî̌ a bǒlò̤ ta ana̤na̤.
6Hèmò̌, hègene̤ û̌lò̤mò̌, sabahtò̌mò̌ yǎ.
Pa gene̤lò̤ dě Cǒmara tûjûpwa̤, htě a bǒlò̤ pa htǒotapwa̤ alo̤mo̤ hò꤮.
7A mî̌ pacǒmaradû̌.
Pa mî̌ kòyò htě a kè̌ǐkhwè̌ǐ.
Pa mî̌ sophû̌ htě a gèǐ.
Khò̌ti̤ni̤ a hî̌ titènu na to gana̤de tû̌꤮ pwǎ ayo̤.#Ebrephû̌ 3:7-11,15, 4:7
8Cǒmara tûjûpwa̤ hî̌ ta, hǐkǒshò̌ sǒsǒ lǒkho pûma̤ ta sîphisîphu hǐkǒshò̌ dě Merǐbǎ shihtǎpo̤ gûla̤ ta dě lo̤mî̌shǒklakhû̌ Masa gûla̤nu ma̤.#Ta̤lû̌htò̌ge 17:1-7; Ta̤dǒbǎ 20:2-13
9Gûla̤ bǎnu mî̌ sîphisîphu toǒ kè̌shǐbǎhtobò he ma̤ta̤ ta asîya toǒ pwǎ̤ta asî kè̌lǎ ma̤kè̌pe hehe.#Ta̤lû̌htò̌ge 17:1-7; Ta̤dǒbǎ 20:1-13; Ta̤dǒhtû̌ǐ 6:16, 33:8
10Hǐnudě hewi̤ja asî aně li̤shi.
He hî̌ ta, Asî mî̌ kòyò htě acǒtè̤ta he tò̤.
“‘Kòyò htě a gana̤de heta̤mǎlò̤ tò̤,’ he hî̌kè hǐnu.
11“Ma̤hǐnudě he sò̌phlǒdû̌ asî dě he hî̌lò̤kè asî yo̤ tûmû ta, ‘Shiga htě he olò̤ ta he glè ǐ yǎta asî la̤ǒkǔ teděsǎ htǒotò̤glònu, asî nṳbǎpe tò̤ hǒ.’”#Ta̤dǒbǎ 14:20-23; Ta̤dǒhtû̌ǐ 1:34-36, 12:9-10; Ebrephû̌ 4:3-5
Currently Selected:
Ta̤htû̌sò̌ǐ 95: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
