Ta̤htû̌sò̌ǐ 87
87
Ye̤rǔshèlèwî̤ ata̤sîrîdû̌sîrîhtû
Kǒri akhlialè toǒ ata̤sò̌po̤ htû̌sò̌ǐ.
1Cǒmara tûjûpwa̤ ma̤htò̌ awî̤ Ye̤rǔshèlèwî̤ dě kholocahtǐ akhû̌.
2Cǒmara tûjûpwa̤ mo̤ǐ Sǐowî̤nu adû̌khlo ta a mo̤ǐ wî̤ dě ahǔwa̤ bǎ Israelgakû htǒotoǒ.
3Kǒ Ye̤rǔshèlèwî̤ mî̌ Cǒmaradû̌ awî̤, kòyò hî̌ nawi̤nakè̌ htě awǒkî̌ya mè̤mè̤̌ toǒ.
4Cǒmara tûjûpwa̤ hî̌ ta, bǎ he khwè̌mǎnǎ shiga dě a jûle̤phî̌yo̤ heyo̤nu toǒ akha pěnu, he bè̌nṳ Egyptga#87:4 toǒmî̌ kò kaǎ nû̌û ta Rakhǎ, Isaǐa 30:7 ta Babuloga pě.
Phǐlǐsitǐphû̌ toǒ bǎbǎ, Turǔwî̤phû̌ toǒ bǎbǎ, Kǔshǎgaphû̌ toǒ bǎbǎ, he dò̌nṳhtubò asî bǎ Ye̤rǔshèlèwî̤phû̌ htǒotoǒ akla pě.
5Kò glè hî̌ Ye̤rǔshèlèwî̤ awi̤akè̌ ta, khlilèphû̌ lǒ̤꤮ bò htǒo a ǒphijaû̌lò̤ lǒkho bǎ wî̤bǎo tî̤wî̤ akû.
Cǒmara htě adû̌ahtûkhlo kònu tapwa̤ ma̤htò̌ tònòwǒ wî̤nutî̤wî̤ ta ana̤sana̤ pě.
6Cǒmara tûjûpwa̤ khwè̌mǎnǎ khlilèphû̌ htǒotoǒ dě a hî̌, “Asî mî̌ a htûhtò̌bò Ye̤rǔshèlèwî̤phû̌.”
7Pwa̤sò̌po̤ ta pwa̤kalî̌, sò̌po̤ lǒkho ta, “Pata̤howi̤homò̤ akòshî̌kòtṳ lǒ̤꤮ bò mî̌ a ǒ dě Ye̤rǔshèlèwî̤ hè.”
Currently Selected:
Ta̤htû̌sò̌ǐ 87: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
