Ta̤htû̌sò̌ǐ 82
82
Cǒmara mî̌ pwa̤pǒta̤ adû̌gutṳ̌
Asa ata̤sò̌po̤ ta̤htû̌sò̌ǐ.
1Cǒmaradû̌ ihtǒphî̌nṳ gûla̤ dě mǒkhû̌ ata̤ǒhtuhî̌bǎplǒdû̌kûnu.
A cèrò khlilèphû̌hǔwa̤ acǒmara toǒ.#82:1 Lî̤cahtǐ toǒǒ mî̌ akhwè̌ nû̌ûta mǒkhû̌tanaphû̌.
2A sǎhtǎ asî ta, “Sî htǒǐyî̤po̤ kòyò sò̌phlǒ phû̌mò̤shî̌htonu toǒ to̤꤮ bò̌khòtè pě?
“Sî kè̌dû̌ yî̤po̤ asî to̤꤮ bò̌khòtè pě?
3“Ma̤toma̤bǎ nṳbǎdǒ kòyòshuphǔshèwè ta phû̌ htě shodopha toǒ.
“Ma̤kwaǐdǒ kòyò htě kò pè̤ǎpè̤o nû̌ûnu toǒ ta a khòbǎ ta̤jîta̤jû toǒ.
4“Ma̤lû̌htò̌ge kòyòshuphǔshèwèphû̌ toǒ, kòyòshodo pwa̤ma̤jè toǒ dě kòyòsò̌phlǒ phû̌mò̤shî̌hto toǒ acǔdekû.
5“Pwa̤ma̤jîma̤jû kò toǒnu, ata̤sî̌ya ǒkû̌kò tò̤, a sî̌yaphlophǎ kû̌kò ta̤ tò̤tò̤, a cû̌ge lǒkho dě ta̤khǐta̤lo̤ akla.
“Ta̤ma̤toma̤bǎ ǒpe dě hǎkhû̌ dǐplǎ꤮ tò̤.
6“He hî̌ ta ‘Sî mî̌ Cǒmara toǒ.
“‘Sî lǒ̤꤮ bò mî̌ Cǒmara htě adû̌ahtûkhlo kò aphû̌khû toǒ hǒ.’#Jowǎ̤ni̤ 10:34
7“Pwǎ̤tadě sî glè si sǒsǒta kòyòhǎkhû̌phû̌.
“Sî glè mṳni̤ hǎbòkè sǒsǒta pwa̤htûhǐkǒlǒkòdû̌ ahǔwa̤ toǒ.”
8Kǒ Cǒmaradû̌, ma̤mò̌, cèrò mò̌ hǎkhû̌.
Lǒ̤꤮ bò khlilèphû̌ htǒotoǒ mî̌ nakòyò.#Ta̤htû̌sò̌ǐ 2:8
Currently Selected:
Ta̤htû̌sò̌ǐ 82: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
