Ta̤htû̌sò̌ǐ 7
7
Kwicabahtò̌ ta kòyòcǒkòyòtè̤ toǒ aya
Khwǐdǎ̤wi̤ sò̌po̤ Bejamekhli Kǔshǎ awi̤akè̌ dě a sò̌po̤kwihtò̌ Cǒmara tûjûpwa̤.
1Kǒ Cǒmara tûjûpwa̤, hecǒmaradû̌ he hèǒtûdû dě naǒ hǒ.
Ma̤lû̌htò̌ge he ta kòyò lǒ̤꤮ bò htě a lṳ̂pṳ̂ he, sò̌yṳ ma̤pò̤ma̤sha he htǒo.
2Dè mè̤tò̤ hî̌mî̌, asî htěmǔhtěpwî̌bò he pwǐ sî̌ò̌ ěmǔěpwî̌ kònu pě.
A ěmǔěpwî̌bò he pě.
Kò ma̤lû̌htò̌jò he pě dǐpwǎ̤꤮ tò̤.
3Kǒ Cǒmara tûjûpwa̤, hecǒmaradû̌, he ma̤sǔnǒ kò dǐpwǎ̤꤮ tò̤.
4He shaǎma̤si nǒ hesû̌hekho tò̤.
Bǎ pwa̤sò̌khě he ma̤sǔ he dǐcǎ꤮ tò̤ akha, he cû̌phî̌sigwi nǒ asîta̤ dǐkhò̌꤮ tò̤tò̤.#Shamuělè awǐlǒ tabǎ 24:1-19, 26:1-25
5He dè ma̤ hǐnu hî̌dě nolṳ̂kè he ta pwa̤sò̌khě he, nolṳ̂pṳ̂kètû̌ yǎta he.
Noyî̤mǔyî̤pwî̌kè tû̌ hesò̌phlǒhtûpwa̤ htǒo ta a dě hǎkhû̌bǎo, nobè̌lò̤kè hena̤klûhtǒo dě lo̤hǎklanu.
6Kǒ Cǒmara tûjûpwa̤, ma̤mò̌, sò̌phlǒdû̌mò̌, shěshǔmò̌ pwa̤sò̌khě he htě a sò̌phlǒdû̌ gûhî he htǒo.
Pwǐ na mǎnǎhto nayo̤nu ma̤mò̌ bǎ he, cèròmò̌ ta̤ tò̤ya.
7Nohèǒplǒ te̤we̤bòmò̌ kòyòprṳ̂ho dě na kòshî̌.
Hǎnòò̌lò̤ dě mǒkhû̌ nakhû̌glûhta akhû̌nu, dě pǒǐbòmò̌ asî.
8Cǒmara tûjûpwa̤ cèròtocèròbǎ khlilèphû̌ toǒ.
Kǒ Cǒmara tûjûpwa̤, ta̤dû̌ta̤yǒ aběcǎ, hecǒhetè̤, heta̤sǔ ǒ tò̤ akhû̌akhî, khòmò̌ nasò̌ ta hetokho.
9Kǒ Cǒmaradû̌ htě acǒatè̤, pwa̤sèlè kòta̤gènè̤, sî̌yabò kòsò̌phlǒ ata̤sò̌yṳ, khòsò̌do noǒkǔkè kòyò phû̌mò̤ htě a ma̤ ta̤phû̌mò̤nu toǒ.#Ta̤dǔlè̌nǎ 2:23
Kè̌khwè̌ma̤kwaǐ kòyò htě acǒatè̤nu.
10Cǒmaradû̌ mî̌ pwa̤ma̤kwaǐ he sǒsǒta gòtò̤ tabǎ.
A ma̤lû̌htò̌ge kòyòcǒkòyòtè̤.
11Cǒmaradû̌ mî̌ pwa̤cèròtocèròbǎ ta̤.
A sò̌phlǒdû̌ mè̤mè̤̌ kòyòsò̌phlǒ phû̌mò̤shî̌htonu toǒ pṳ̂̌꤮ ti̤ni̤.
12Asî dè yò̤lò̤gesǒ lǒkho asò̌ tò̤mî̌, Cǒmaradû̌ wṳ̂htò anò̌she, wo̤htò̌nǎ akhlǐ pě.#Ta̤dǒhtû̌ǐ 32:41
13A tîwî̌tòwònǎ ata̤wè̌ta̤htò htě a ma̤sijò kò, wo̤htò̌nǎ amî̌pla̤ htě a ma̤hǎmǎjò kò.
14Kè̌mò̌, kòyòjî ta̤pwa̤nu alò̤ta mamǔ mo̤dohtò̌ǐ ta̤phû̌mò̤shî̌hto, phudû̌htò̌ǐ ta̤pò̤ta̤sha, phû̌ǒlò̤ǐ ta̤lòhǎlòho htǒotoǒ.#Yò̤̌bǎ 15:35; Isaǐa 57:4; Jǎgomo̤ 1:15
15A pholò̤yo̤ hǎkû ta kò lòte̤ aya pwǎtadě a lòte̤ gesǒtû̌.
16Ta̤phû̌mò̤shî̌hto htě a shokhû̌ye̤yo̤ kò toǒnu a bǎgesǒtû̌ nû̌ûta ana̤.
A ma̤jîma̤jû kò toǒ lòte̤bǎgesǒtû̌ nû̌û khû̌dakhû̌.
17Cǒmara tûjûpwa̤ cèròcǒ cèròtè̤ ta̤ akhû̌akhî, he hî̌bwǐhî̌sîrîhtò̌ yǎ, sò̌po̤ htû̌sò̌ǐ yǎta adû̌ayǒ htǒota̤pwa̤ ami̤ pě.
Currently Selected:
Ta̤htû̌sò̌ǐ 7: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
