Ta̤htû̌sò̌ǐ 67
67
Ta̤hî̌bwǐhî̌sîrî lî̤sò̌po̤
Khwǐdǎ̤wi̤ ata̤sò̌po̤ htû̌sò̌ǐ. Ta̤sò̌po̤ htǒomî̌ pwa̤sò̌po̤ ta̤ toǒ ahǐkǒlǒkòdû̌ dě ta̤lṳhtò̌hokûnu tapwa̤ aya. Bǎ sò̌po̤ ta̤sò̌po̤ htǒoakhanu, bǎ dǒ nû̌û ta ta̤dǒta̤ǔ dě apli̤ǒ toǒ.
1Kǒ Cǒmaradû̌, gwèbǎǐpû pa, howi̤homò̤ pa.
Kè̌dû̌ kû̌pû pa.
2Pǒ̤꤮ dě kòyò ǒ dě hǎkhû̌ glè sî̌ya ta̤ htě na ma̤htonu toǒ.
Lǒ̤꤮ bò khlilèphû̌ toǒ glè sî̌yabò na ma̤lû̌htò̌ge kò ta nata̤sîrîpo̤phǎ.
3Kǒ Cǒmaradû̌, khlilèphû̌ toǒ htû̌sò̌ǐbò tû̌ta na nî̌.
Lǒ̤꤮ bò khlilèphû̌ toǒ htû̌sò̌ǐbò tû̌ta na nî̌.
4Khlilèphû̌ toǒ sò̌le̤sò̌lò̤ tû̌ta nî̌.
Asî sò̌le̤ sò̌po̤mo̤mè̤htò̌ tû̌ta na nî̌.
Ma̤tèhî̌dě na cèròcǒ cèròtè̤ kòyòhǎkhû̌phû̌.
Lǒ̤꤮ bò khlilèphû̌ ǒ dě hǎkhû̌ htǒotoǒ, napǒnasû ǐ asî.
5Kǒ Cǒmaradû̌, khlilèphû̌ toǒ htû̌sò̌ǐbò tû̌ta na nî̌.
Lǒ̤꤮ bò khlilèphû̌ toǒ htû̌sò̌ǐbò tû̌ta na nî̌꤮.
6Pahǎkhû̌htǒo a glè sǎhtò̌phohtò̌ wǒ꤮ mè̤mè̤̌.
Cǒmaradû̌ htě a mî̌ pacǒmara htǒotapwa̤ howi̤homò̤ tû̌ta pa nî̌꤮.
7Cǒmaradû̌ howi̤homò̤ pa akhû̌akhî, lǒ̤꤮ bò kòyò ǒ dě hǎkhû̌ pṳ̂̌꤮ tò̤glò ǐsha bè̌dubè̌na̤bò tû̌ta nû̌û pě nî̌꤮.
Currently Selected:
Ta̤htû̌sò̌ǐ 67: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
