Ta̤htû̌sò̌ǐ 52
52
Cǒmara ata̤cèrò ta ata̤sîrîdû̌sîrîhtû
Ta̤sò̌po̤ htǒomî̌ pwa̤sò̌po̤ ta̤ toǒ ahǐkǒdû̌ dě ta̤lṳhtò̌hokûnu tapwa̤ aya. Khwǐdǎ̤wi̤ ta̤sò̌po̤ htǒoto̤to̤ mî̌ Ebrephû̌yo̤nu, a kaǎ nû̌û ta Masakǐlè ta̤sò̌po̤, dě ta̤sò̌po̤ htǒoto̤to̤ mî̌ a ǐ kò ta̤sî̌yaphlǔ. Dě a sò̌po̤ bǎ Edokhlilèphû̌ Doěbǎ cû̌ dě Khwǐsò̌lǔ a ǒ dě a cû̌ pwe̤ǐ nû̌û ta, “Khwǐdǎ̤wi̤ hǎhtò̌cû̌htokè Ahǐmalè̌ ahǐ hǒ” akhanu.
1Kǒ kòmakhû shû̌sho, nacû̌ phî̌dû̌phî̌htû ǐtǒ̤ nana̤ ta ta̤yè̤lò̤nǎ phû̌mò̤shî̌htonu toǒ ma̤tè?
Cǒmaradû̌ ata̤mo̤ǐ htě ahǎbòjò tò̤ htǒo a ma̤kwaǐ he ti̤nǐ̤ mṳhǎ.
2Kǒ kòyò lòhǎlòho, na shokhû̌ye̤yo̤ ma̤pî̌ma̤lṳ̂ kò.
Naplî̤nu a htò lò̤kèta nò̌she htòrèhè̌.
3Ta̤wǒ ta ta̤phû̌mò̤nu na mo̤ǐkhlo ta̤phû̌mò̤.
Ta̤hî̌bǎ lòhǎlòho ta ta̤hî̌bǎcǒtè̤nu na mo̤ǐkhlo ta̤hî̌bǎ lòhǎlòho.
4Kǒ kòyò lòhǎlòho, na mo̤ǐ còcè̌꤮ pwǎ ta̤hî̌bǎpò̤hî̌bǎsha kò.
5Cǒmaradû̌ glè ma̤pî̌ma̤lṳ̂kè na tûjûpwa̤.
A glè pṳ̂cǐhǎhtò̌kè na dě nahǐphû̌khlo.
A wṳ̂hǎhtò̌cû̌tephekè na ta kòyòhǎkhû̌phû̌ ǒhtûpwa̤ ǐ hǎkhû̌ htǒonu pě.
6Kòyòcǒkòyòtè̤ kè̌shǐ dě asò̌gònò̤ ǐshabò.
Asî glè ya̤ǐ nû̌û dě a hî̌ lǒkho ta, 7“Kè̌ mò̌, kòmakhû htě a ǒtûdûkû̌ ana̤ ta Cǒmaradû̌ tò̤nu tapwa̤ lè.
“A yṳǎ tû̌pwǎ ata̤dû̌yò̤htò̌sa.
“A yṳǎǐtû̌pwǎ ata̤yè̤lò̤ ma̤pî̌ma̤lṳ̂ kò.” a hî̌ nû̌û hǐnu.
8Pwǎ̤tadě he mî̌ he glè sǒsǒta Olivamṳ htě a dǒhtò̌dû̌htò̌wî̤ dě Cǒmaradû̌ ahǐ kòshî̌nu tṳmṳ.
He glè yṳǎ Cǒmaradû̌ ata̤mo̤ǐ htě a hǎbòjò tò̤ htǒonu tûjûpwa̤ talakhǎ.
9Na ma̤hto bǎ panu toǒ akhû̌akhî, he hî̌bwǐhî̌sîrîhtò̌ na tûjûpwa̤ pě.
Nami̤nu awǒ mè̤mè̤̌ akhû̌akhî, he htû̌sò̌ǐ na dě kòyò bè̌dubè̌na̤ nanu toǒ alo̤mo̤ pě.
Currently Selected:
Ta̤htû̌sò̌ǐ 52: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
