Ta̤htû̌sò̌ǐ 43
43
Ta̤kè̌shunǎla̤ǐ Cǒmara ata̤ma̤jè bǎ ta̤pò̤ta̤sha akla#43:1 (Ta̤htû̌sò̌ǐalî̤ htǒoto̤to̤ mî̌ a tucu hè nû̌û ta ta̤htû̌sò̌ǐalî̤ 42)
1Kǒ Cǒmaradû̌ pwe̤ǐlṳ mò̌ bǎ kò ta he ta̤sǔ ǒtò̤.
Hî̌bǎma̤kwaǐ mò̌ bǎ he ta kòyò htě a sî̌ya kû̌kò Cǒmara tò̤nu toǒ bè̌ he ta̤sǔ htǒo.
Na mî̌ Cǒmaradû̌ htě a ma̤kwaǐ he tapwa̤ akhû̌akhî, ma̤lû̌htò̌ge mò̌ he dě kòyò lòhǎlòho, kòyòkhuphû̌mò̤ acǔdekû.
2Ma̤tè̤dě na cû̌wîkè he ma̤tè?
Ma̤tè̤dě pwa̤khû̌khwè he toǒ ma̤nûma̤cě ma̤hǎ he ma̤tè?
3Nolîlṳhtò̌ mò̌ bǎ he ta nata̤lî, noyṳ̂klè̌nè̌klò mò̌ he ta nata̤te̤ta̤mǎ.
Sûcû̌ he dě nakholocahtǐ alo̤ bǎ nala̤ǒ agûla̤nu tò̤glò.
4He hè dě Cǒmaradû̌ ata̤lṳhtò̌wa̤ ǒnu pě, Cǒmaradû̌ mî̌ heta̤sò̌le̤sò̌lò̤, heta̤mo̤sû̌mo̤sò̌.
He glè dǒ tǐtute̤gwe, sò̌po̤htû̌sò̌ǐ Cǒmaradû̌, hecǒmara.
5Ǒ꤮ he cû̌ sǎpla̤ mè̤mè̤̌ ma̤tè?
He cû̌ gugè mè̤mè̤̌ ma̤tè?
Tûrû̌꤮ kè̌shuǐ Cǒmaradû̌nu, he glè htû̌sò̌ǐ gesǒ Cǒmaradû̌ htě a ma̤lû̌htò̌ge he, amî̌ hecǒmaradû̌ htǒotapwa̤.
Currently Selected:
Ta̤htû̌sò̌ǐ 43: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
