Ta̤htû̌sò̌ǐ 41
41
Ta̤kwisaba bǎ khòbǎ ta̤shǐta̤sha akha
Khwǐdǎ̤wi̤ ata̤sò̌po̤ htû̌sò̌ǐ. Ta̤sò̌po̤ htǒomî̌ pwa̤sò̌po̤ ta̤ toǒ ahǐkǒdû̌ ta ta̤lṳhtò̌hokûnu tapwa̤ aya.
1Kòyò htě a gènè̤to̤bǎ kòyò shuphǔshèwèphû̌ toǒnu, a nî̤bǎ ta̤howi̤.#Pwa̤sî̌pwa̤jòphû̌ ta̤dǒnèǐ 14:21
Bǎ a shěto̤bǎ ta ta̤pò̤ta̤sha akhanu, Cǒmara tûjûpwa̤ ma̤lû̌htò̌ge tû̌ta yǎ.
2Cǒmara tûjûpwa̤ ma̤kwaǐ, a ǒpo̤kè̌ǐkhwè̌ǐ tû̌ta nû̌û sò̌phlǒhtûpwa̤.
Cǒmara tûjûpwa̤ glè howi̤ nû̌û dě gakû.
Pwa̤sò̌khě nû̌û toǒ sò̌yṳma̤ hî̌tè꤮ nu a noma̤ tò̤.
3Bǎ a shǐsha hǎmoǒtò̤ dě la̤mi̤khû̌ akhanu, Cǒmara tûjûpwa̤ glè khwè̌ǐ ma̤jè nû̌û, a gu noǒshû̌ǒmo̤wǒ gesǒ nû̌û.
4He dě, he hî̌ ta, “Kǒ Cǒmara tûjûpwa̤, he ma̤sǔma̤plě na hǒ, gwèbǎǐ pû he, ma̤ ǒmo̤ǒkwǐ mò̌ he.”
5Pwa̤khû̌khwè he toǒ sò̌khě dě a hî̌phû̌mò̤shî̌hto he ta, “A si pě dě a phû̌ǒkè tò̤ akhli hǎmǎkè pě.”
6Bǎkhò tè꤮ bǎbǎ, kòyò tapwa̤pwa̤ dè hèǒlè kè̌shǐ ta he hî̌nu, a hè jîkhǒjîwa̤ pwǐ sû̌kho, dě a gènè̤ còcè̌ la̤hî̌pi̤ hemi̤.
Bǎ a hǎhtò̌ge akhanu, a cû̌dǒbò heyo̤ pṳ̂̌꤮ tò̤glò.
7Bò꤮ kòyò htě a sò̌khěkhû̌khwè he toǒnu, a dǒhǔdǒsè̌ plǒbò nû̌û ta heyo̤.
A yè̤lò̤nǎ ta a glè ma̤ phû̌mò̤shî̌hto he.
8A hî̌ lǒkho ta, “A ǒtṳ̂rṳ̂kè hǒ, a ihtǒbò̌pe lòtṳ̌ tò̤ hǒ.” 9Hekhobǒsû̌ htě he bǒsû̌khǎkho mo̤ǐkhlo nû̌û ta he yṳǎkhlo nû̌ûnu tapwa̤ bǎbǎ, a ǎhtuohtu kû̌ ta henu tapwa̤ bǎbǎ, a sò̌yṳ shaǎkè hemi̤.#Matěo 26:23; Mǎ̤riko 14:18; Lǔka 22:21; Jowǎ̤ni̤ 13:18
10Pwǎ̤tadě kǒ Cǒmara tûjûpwa̤, ma̤pûhǐ he ma̤ geshǔbò̌ asî ayanu, gwèbǎǐ he, cǐihtǒpû he.
11Pwa̤khû̌khwè he toǒ ma̤pè̤jò he tò̤ akhû̌akhî, he sî̌yatû̌ ta na sò̌phlǒǒ sò̌phlǒto kû̌ta he.
12Hecǒhetè̤ akhû̌akhî, na ma̤jè he.
Na bè̌ǒhtu kû̌ he ta na dě nalo̤mo̤ tûjûpwa̤ talakhǎ.
13Htû̌sò̌ǐ Cǒmara tûjûpwa̤, amî̌ Israelkhlilèphû̌ acǒmaradû̌ htǒo tûjûpwa̤ talakhǎ nî̌.#Ta̤htû̌sò̌ǐ 106:48
Amè̤, Amè̤.
Currently Selected:
Ta̤htû̌sò̌ǐ 41: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
