Ta̤htû̌sò̌ǐ 21
21
Khwǐdǎ̤wi̤ htû̌sò̌ǐ ta̤ma̤pè̤
Khwǐdǎ̤wi̤ ata̤sò̌po̤. Ta̤sò̌po̤ htǒomî̌ pwa̤sò̌po̤ ta̤ toǒ ahǐkǒdû̌ dě ta̤lṳhtò̌hokûnu tapwa̤ aya.
1Kǒ Cǒmara tûjûpwa̤, na ǐ Khwǐdû̌ ta̤shû̌ta̤sho akhû̌akhî, a sò̌le̤sò̌lò̤ mè̤mè̤̌.
Na ma̤jè yǎ dě a ma̤pè̤kè pwa̤sò̌khě nû̌û akhû̌akhî, a mo̤sû̌mo̤sò̌ mè̤mè̤̌.#Ta̤htû̌sò̌ǐ 59:16-17
2Na ma̤lǒbebò tû̌ asò̌phlǒ ta̤sò̌yṳ.
Na la̤lò̤kè ata̤kwigwèbǎǐ na tò̤.
3Na ǐtû̌ yǎ ta̤howi̤ htě awî̤awǒ.
Na glûhtò̌ bǎ yǎ khû̌glûhta htě kò ma̤ yǎta htaacè̌.#Shamuělè ginǐ̤bǎ tabǎ 12:30
4A kwihtò̌ na ta̤htûpwa̤ nědû̌lahtû.
Na ǐyǎ mṳni̤mṳsa tûjûpwa̤ talakhǎ.
5Na ǐyǎ ta̤ma̤pè̤ akhû̌akhî, kò bè̌dubè̌na̤ mè̤mè̤̌ nû̌û.
Na ǐyǎ ta̤shû̌ta̤shopo̤phǎ dě alîarakha.
6Nata̤howi̤ ǒkû̌ yǎ tûjûpwa̤.
Na ǒplǒkû̌ yǎ akhû̌akhî, a sò̌le̤sò̌lò̤ mè̤mè̤̌.#Ta̤khwè̌mǎnǎ awǐlǒ tabǎ 17:27
7Htǒomî̌ Khwǐdû̌ yṳǎ Cǒmara tûjûpwa̤ akhû̌akhî hǒ.
Cǒmara htě adû̌ayǒkhlo kò htǒotapwa̤ mo̤ǐ nû̌û ta ta̤mo̤ǐ htě ahǎbòjò tò̤ akhû̌akhî, a gu hǎnòò̌ yî̤ mè̤mè̤̌ dě khû̌glûhtakhû̌.#Ta̤htû̌sò̌ǐ 125:1
8Khwǐdû̌ glè pṳ̂ǐbò pwa̤khuwè nû̌û toǒ ta acǔde.
A glè gîměbòtû̌ akhuwènu toǒ ta acǔdemû.
9Bǎ Cǒmara tûjûpwa̤ hèǒlṳhtò̌ akha pěnu, a ma̤pî̌kèbò asî lò̤ta mî̌gèdû̌.
A sò̌phlǒdû̌ lî̤pi̤sǐ akhû̌akhî, mî̌gète̤we̤bǐ kèbò asî.
A gèlò̤ sibò asî.
10Khwǐdû̌ glè ma̤sima̤hǎmǎkèbò asî akhlialè bǎ hǎkhû̌.
A gu ma̤tṳkèbò asî aphû̌ali̤ hǎte̤gilò̤ toǒ dě kòyòhǎkhû̌phû̌ akla.
11Asî shokhû̌ye̤yo̤ ma̤phû̌mò̤ lǒkho Khwǐdû̌ pwǎtadě ata̤yè̤lò̤ shokhû̌ye̤yo̤ ma̤phû̌mò̤ toǒnu a behtò̌belò̤ dǐcǎ tò̤.
12A mṳ̂to asî ta akhlǐ akhû̌akhî, asî htû̌tiwǐ hǎhtò̌khlè̌gebò.#Ta̤htû̌sò̌ǐ 18:40
13Kǒ Cǒmara tûjûpwa̤, pa glè htû̌sò̌ǐ nata̤sîrîshû̌sho.
Pa sò̌po̤htû̌sò̌ǐ nata̤po̤ta̤phǎ pě.
Currently Selected:
Ta̤htû̌sò̌ǐ 21: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
