Ta̤htû̌sò̌ǐ 2
2
Běcǎ Cǒmaradû̌ wû̌lǎ Khwǐ
1Khlilèphû̌hǔwa̤ toǒ cû̌ sò̌dû̌gûhî꤮ ma̤tè?
Kòyò toǒ cû̌shokhû̌ye̤yo̤ ma̤phû̌mò̤ ta̤ ta a nòdû̌ ma̤tè?#Pwa̤nophû̌ toǒ 4:25-26
2Hǎkhû̌ Khwǐcophǎ toǒ tîwî̌tòwònǎ ana̤ dě a glè shě Cǒmara tûjûpwa̤ ta Khwǐ htě Cǒmara wû̌lǎ nû̌û.
Pwa̤pǒta̤ toǒ ǒhtuhî̌bǎplǒ nû̌û dě a glè shěplǒ ta hǎkhû̌ akhwǐcophǎ.#Pwa̤nophû̌ toǒ 4:26
3Asî hî̌lǒkho, “Pa bòphlǔkè asî pṳ̂coklomě pa.
“Pa ma̤tṳkè asîsǒpli̤ htǒo hò̌.”
4Běcǎ ta̤adû̌ hǎnòò̌lò̤ dě mǒkhû̌ sǎya̤ǐ asî.
A hî̌tukutakǎ asî.
5A sò̌phlǒdû̌ dě a sǎhtǎ asî.
A sò̌phlǒdû̌ tûlû̌꤮ dě a ma̤sò̌gònò̤ ǐsha asî.
6A hî̌ ta, “Khwǐ htě hewû̌lǎ yǎnu, he nohtò̌ pǒǐ yǎ dě Sǐokholo, hekholocahtǐkhû̌.”
7Khwǐ htě Cǒmara tûjûpwa̤ wû̌lǎ nû̌ûnu ta̤pwa̤ hî̌, “He dǒhtû̌ǐ ta̤ htě Cǒmara tûjûpwa̤ hî̌lò̤lṳ he htǒo pě.
“A hî̌ he ta, ‘Na mî̌ hephû̌khû. Khò̌ti̤ni̤, he htû napha hǒ.#Pwa̤nophû̌ toǒ 13:33; Ebrephû̌ 1:5, 5:5
8“‘Kwi mò̌ he, khlilèphû̌ htǒotoǒ he glè nohtûhtò̌bò yǎta naû̌cata̤bî̌.
“‘Hǎkhû̌ sawî̤la̤ glè htûbò nata.
9“‘Na glè degakè asî ta nò̌po̤te̤htò̌.
“‘Na glè ma̤mǔkîî̌bòkè asî pwǐ gopo̤lo̤hǎ.’”#Ta̤dǔlè̌nǎ 2:26-27, 12:5, 19:15
10Kǒ hǎkhû̌khwǐ sî, bè̌sû̌bè̌sǎkû̌ lǒkho.
Kǒ hǎkhû̌khwǐcophǎ sî, sè̌rè̌ǐtû̌ sîna̤.
11Ǐsha dě bè̌dubè̌na̤ Cǒmara tûjûpwa̤, sabahtò̌ lǒkho a.
Yò̤lò̤ge sîsò̌ dě ta̤gònò̤ akû.
12Gene̤lò̤ dě phû̌khûlo̤mo̤nu. Pěmî̌ asò̌phlǒdû̌ dě bǎ sîcû̌ klè̌lo̤ akhanu, dě ta̤gènè̤to̤tò̤ akû sîsihtò̌sumṳ hè̌.
Teděsǎ akûnu asò̌phlǒdû̌ htò̌phwè mè̤mè̤̌.
Kòyò hèǒtûdû ana̤ dě aǒnu a nî̤bǎ ta̤howi̤.
Currently Selected:
Ta̤htû̌sò̌ǐ 2: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
