Ta̤htû̌sò̌ǐ 138
138
Ta̤hî̌bwǐsîrî ata̤kwisaba
Khwǐdǎ̤wi̤ ata̤sò̌po̤ htû̌sò̌ǐ
1Kǒ Cǒmara tûjûpwa̤, he glè hî̌bwǐhî̌sîrîhtò̌ na ta hesò̌phlǒsamabò.#Ta̤htû̌sò̌ǐ 111:1
He sò̌po̤ htû̌sò̌ǐ na dě Cǒmara ahǔwa̤ toǒ alo̤mo̤.#138:1 Lî̤cahtǐ toǒǒ mî̌ a khwè̌ nû̌ûta mǒkhû̌tanaphû̌.
2Nami̤ ta nata̤olò̤ toǒnu na bè̌htò̌yî̤khlo yǎta ta̤lǒ̤꤮ bò akhû̌akhî, he glè û̌gene̤lò̤ to dě nata̤lṳta̤ho cahtǐ ǒnu tokho.
Nata̤mo̤ǐnu ahǎbòjò tò̤, na cǒtè̤ ta nayo̤ akhû̌akhî, he htû̌sò̌ǐ na.
3Bǎ he kwihtò̌ na ta̤ma̤jè akhanu, na ma̤jè he.
Na ǐ he ta̤khuta̤ha, ta̤khû̌ta̤ǎ.
4Kǒ Cǒmara tûjûpwa̤, hǎkhû̌ akhwǐdû̌ lǒ̤꤮ bò gana̤de nale̤nayo̤ htě na hî̌lò̤nu toǒ akhû̌akhî, asî hî̌bwǐhî̌sîrîhtò̌bò tû̌ta na.
5Cǒmara tûjûpwa̤ ata̤sîrîpo̤phǎnu adû̌ayǒ mè̤mè̤̌ akhû̌akhî, asî glè sò̌po̤htò̌ lǒkho ta̤ htě Cǒmara tûjûpwa̤ ma̤htonu toǒ.
6Cǒmara tûjûpwa̤nu asîrîpo̤phǎ mè̤mè̤̌ pwǎ̤tadě a ǒphǔ kè̌ǐkhwè̌ǐ kòyò htě a shò̌lò̤ asò̌phlǒ.
A ǒ dě ayî̤ dě a sî̌ya kòyò htě aphî̌dû̌phî̌htû ana̤.#Isaǐa 57:15
7Ta̤pò̤ta̤sha ǒte̤we̤bò ta he pwǎ̤tadě na ǐ ǒhtûpwa̤po̤ he.
Na yṳ̂hè nacǔde na ma̤kwaǐ he dě pwa̤sò̌khě he toǒ ata̤sò̌phlǒdû̌ akû.
Na ma̤lû̌htò̌ he ta nasîrîpo̤phǎ.
8Pwǐ Cǒmara tûjûpwa̤ olò̤htonu a ma̤lǒma̤be bǎ he pě.
Kǒ Cǒmara tûjûpwa̤, nata̤mo̤ǐ htě ahǎbòjò tò̤nu a ǒměǒgle tûjûpwa̤.
Wîkè pûma̤ ta̤ma̤ htě na ma̤ yǎta nacǔdenu toǒ ma̤.
Currently Selected:
Ta̤htû̌sò̌ǐ 138: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
