Ta̤htû̌sò̌ǐ 136
136
Ta̤htû̌sò̌ǐ Cǒmara ata̤mo̤ǐ htě ahǎbòjò tò̤
1Cǒmara tûjûpwa̤ wǒ mè̤mè̤̌, hî̌bwǐhî̌sîrîhtò̌ lǒkho yǎ.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.#Ta̤khwè̌mǎnǎ awǐlǒ tabǎ 16:34; Ta̤khwè̌mǎnǎ ginǐ̤bǎ tabǎ 5:13, 7:3; Esara 3:11; Ta̤htû̌sò̌ǐ 100:5, 106:1, 107:1, 118:1; Jeremǐa 33:11
2Hî̌bwǐhî̌sîrîhtò̌ Cǒmaradû̌ htě asîrîpo̤phǎkhlo ta Cǒmara ahǔwa̤ toǒ.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
3Hî̌bwǐhî̌sîrîhtò̌ Běcǎ ta̤adû̌ htě asîrîdû̌sîrîhtûkhlo ta Běcǎ ahǔwa̤ toǒ.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
4Pwa̤ htě a ma̤jò ta̤cǒklî̌kî̌ya numî̌ pǒ̤꤮ Cǒmara pwǎ.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
5Cǒmara mî̌ pwa̤ htě a bǒlò̤ mǒkhû̌ ta ata̤sî̌yaphlophǎ.#Mǒhtûlû̌hǎhtûsa 1:1-19; Ta̤htû̌sò̌ǐ 104:24; Pwa̤sî̌pwa̤jòphû̌ ta̤dǒnèǐ 8:27-30
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
6A mî̌ pwa̤ htě a dalò̤ hǎkhû̌ dě shidû̌shite̤we̤kû.#Mǒhtûlû̌hǎhtûsa 1:2; Isaǐa 42:5, 44:24
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
7A mî̌ pwa̤ htě a bǒlò̤ lṳmṳ, la ta shǎ.#Mǒhtûlû̌hǎhtûsa 1:16
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
8A mî̌ pwa̤ htě a nopǒǐ lṳmṳ ta lṳmṳsha.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
9A mî̌ pwa̤ htě a nopǒǐ la, shǎ ta lṳmṳkhǐ.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
10Cǒmara mî̌ pwa̤ htě a ma̤sikèbò Egyptga phû̌wè̤pwa̤ toǒ.#Ta̤lû̌htò̌ge 12:29; Ta̤htû̌sò̌ǐ 78:51, 135:8
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
11A mî̌ pwa̤ htě a kaǎhǎhtò̌kè Israelkhlilèphû̌ toǒ dě Egyptga.#Ta̤lû̌htò̌ge 12:29; Ta̤htû̌sò̌ǐ 78:51, 135:8
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
12A mî̌ pwa̤ htě a kaǎhtò̌ge asî ta acǔde htě asîrîshû̌sho, acû̌go htě asîrîpo̤phǎ.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
13A mî̌ pwa̤ htě a ma̤phò̌ shidû̌shite̤we̤ ginǐ̤kho.#Ta̤lû̌htò̌ge 14:21-29
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
14A mî̌ pwa̤ htě a nocû̌tûlû̌ Israelkhlilèphû̌ toǒ dě shidû̌shite̤we̤ akǎmakû.#Ta̤lû̌htò̌ge 14:22
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
15A mî̌ pwa̤ htě a ma̤lòcǔsi kèbò Egyptgaphû̌ ta akliphû̌ toǒ dě shidû̌shite̤we̤kû.#Ta̤lû̌htò̌ge 14:27
Ata̤mo̤ǐ dě ahǎbòjò tò̤nu, a ǒgloǒmě tûjûpwa̤.
16A mî̌ pwa̤ htě a sûcû̌tûlû̌bò̌kè akòyò toǒ ta lo̤mî̌shǒklakhû̌.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
17Cǒmara mî̌ pwa̤ htě a ma̤pè̤kè Khwǐ htě a sîrîshû̌sho toǒ.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
18A mî̌ pwa̤ htě a ma̤sikè Khwǐ htě asîrîdû̌sîrîhtû toǒ.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
19A mî̌ pwa̤ htě a ma̤sikè Amò̌rî̌khlilèphû̌khwǐ Khwǐsǐho.#Ta̤dǒbǎ 21:21-30; Ta̤dǒhtû̌ǐ 2:30-33; Ta̤htû̌sò̌ǐ 135:11
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
20A mî̌ pwa̤ htě a ma̤sikè Bashagakhwǐ Khwǐokǎ.#Ta̤dǒbǎ 21:31-35
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
21A mî̌ pwa̤ htě a ǐ Khwǐnu toǒ ahǎkhû̌ ta akòyò toǒ aya û̌cata̤bî̌.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
22Û̌cata̤bî̌ htǒo, aǐkè nû̌ûta apwa̤ma̤ta̤phû̌ Israelkhlilèphû̌.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
23Bǎ pa khû̌ǎyû̌lò̤ mè̤mè̤̌ akhanu, Cǒmara shope̤kè nǒ pa tò̤.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
24A mî̌ pwa̤ htě a ma̤lû̌htò̌ge pa dě pwa̤sò̌khě pa toǒ acǔdekû.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
25A mî̌ pwa̤ htě a ǐ ta̤bǒlò̤ ta asò̌htûpwa̤ ǒ lǒ̤꤮ bò ala̤ǎla̤o aya.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
26Hî̌bwǐhî̌sîrîhtò̌ Cǒmaradû̌ htě a pǒǐ mǒkhû̌nu tapwa̤.
Ata̤mo̤ǐ htě ahǎbòjò tò̤nu, a ǒměǒgle tûjûpwa̤.
Currently Selected:
Ta̤htû̌sò̌ǐ 136: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
