Ta̤htû̌sò̌ǐ 125
125
Cǒmara ma̤kwaǐ akòyò
Bǎ kòyò toǒ kihtò̌ lǒkho dě Ye̤rǔshèlèwî̤ ta̤lṳhtò̌hokû akhanu, a sò̌po̤ lǒkho ta̤sò̌po̤ htǒoto̤to̤.
1Kòyò htě a nǎla̤ǐ pǒ̤꤮ pwǎ Cǒmara tûjûpwa̤ mî̌ alò̤ta Sǐokholo.
A guyṳ nǒ dǐkhò̌꤮ tò̤, a ǒměǒgle tûjûpwa̤.
2Pwǐ kholo toǒ ǒte̤we̤bò Yerǔshèlèwî̤nu, Cǒmara tûjûpwa̤ ǒpo̤ te̤we̤lṳ̂ akòyò toǒ sahtò̌ khònò̤htǒo tǒ̤hè tûjûpwa̤ talakhǎ.
3Kòyòphû̌mò̤ toǒ glè pǒ sělějò nǒ kòyòcǒkòyòtè̤ ashiaga tò̤.
Asî dè pǒǐ hî̌mî̌, kòyòcǒtè̤ ana̤sana̤ glè ma̤bò lǒkho ta̤phû̌mò̤shî̌hto.
4Kǒ Cǒmara tûjûpwa̤, ma̤bwǐma̤sîrî ma̤mo̤ma̤wǒ kòyò htě awǒ, asò̌phlǒ cǒtè̤.
5Kòyò cû̌ dě klè̌sǔklè̌bǎ akû toǒ lè̌dě, Cǒmara tûjûpwa̤ glè wṳ̂hǎhtò̌htu kû̌bò asî ta pwa̤ma̤ ta̤phû̌mò̤shî̌hto.
Sî Israelphû̌ nî̤bǎ tû̌ta ta̤ǒmo̤ǒkwǐ nî̌.
Currently Selected:
Ta̤htû̌sò̌ǐ 125: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
