Ліст да Гебраяў Раздзел 1

Раздзел 1

1Многа разоў і многімі спосабамі прамаўляў здаўна Бог да бацькоў нашых праз прарокаў.

2 # Мц. 17:15; Ян. 1:3 У апошнія ж гэтыя дні прамовіў Ён да нас праз Сына, Якога паставіў спадкаемцам усяго, праз Якога стварыў і вякі.

3 # Мц. 26:64; Ян. 1:14 Ён – ззянне славы і вобраз Яго істоты, Які трымае ўсё словам магутнасці Сваёй і, здзейсніўшы праз Сябе ачышчэнне грахоў нашых, сядзіць праваруч велічы на вышынях,

4настолькі вышэйшы за анёлаў, наколькі вышэйшае ад іх дастаў у спадчыне імя.

5 # 2Сам. 7:14; 1Пар. 17:13; Пс. 2:7; Дзеі 13:33 Бо каму з анёлаў сказаў Ён калісьці: «Ты – Сын Мо?, Я Цябе сёння спарадзіў»? Або зноў: «Я буду Яму Айцом, а Ён будзе Мне Сынам»?

6 # Пс. 97:7; Рым. 8:29; 1Пёт. 3:22; Адкр. 5:11 І зноў жа, калі ўводзіць Першароднага ў свет, кажа: «І будуць пакланяцца Яму ўсе Божыя анёлы».

7 # Пс. 104:4 А да анёлаў вось што кажа: «Ён творыць анёламі Сваімі духаў і паслугачамі Сваімі полымя агню».

8 # Пс. 45:7, 8 # Лк. 1:32 А да Сына: «Пасад Твой, Божа, на векі вечныя, і жазло справядлівасці – жазло валадарства Твайго.

9 # Ян. 3:34 Узлюбіў Ты справядлівасць і ўзненавідзеў беззаконне, таму намасціў Цябе, Божа, Бог Твой алеем радасці больш за супольнікаў Тваіх».

10 # Адкр. 4:11 # Пс. 102:26-28 І: «Госпадзе, напачатку заснаваў Ты зямлю, і неба – стварэнне рук Тваіх.

11 # Мц. 24:35 Яны загінуць, а Ты застанешся, і ўсе яны, як вопратка, састарэюць,

12 # Адкр. 6:14 і, як шаты, скруціш іх, і яны пераменяцца. А Ты Той самы, і гады Твае не скончацца».

13 # Пс. 110:1; Мц. 22:44; Мк. 12:36 Да каго ж з анёлаў сказаў Ён калісьці: «Сядзь праваруч Мяне, аж дакуль не пакладу непрыяцеляў Тваіх пад ногі Твае»?

14 # Пс. 103:21; Мц. 18:10; Лк. 1:19 Ці ж не ўсе яны ёсць паслугуючыя духі, пасланыя на паслугу тым, якія атрымаюць у спадчыну збаўленне?

Currently Selected:

Ліст да Гебраяў Раздзел 1: ББЧ

Highlight

Copy