Ліст да Эфесцаў Раздзел 3
Раздзел 3
1 #
2Цім. 1:8
Дзеля гэтай справы я, Паўла, – вязень Хрыстоў дзеля вас, паганаў.
2Хіба чулі вы аб распарадкаванні ласкі Божай, што дадзена мне адносна вас,
3што праз аб’яўленне абвешчана мне таямніца, аб чым коратка я ўжо вышэй напісаў.
4Чытаючы тое, можаце зразумець маё разуменне таямніцы Хрыста.
5 #
1Пёт. 1:12
Не была яна абвешчана сынам чалавечым у іншых пакаленнях, як цяпер аб’яўлена святым Апосталам Яго і прарокам у Духу,
6 #
Рым. 15:12
што пагане маюць быць спадкаемцамі, і членамі аднаго цела, і ўдзельнікамі абяцанняў Яго ў Хрысце Ісусе праз Евангелле,
7паслугачом якога я стаўся паводле дару ласкі Божай, дадзенай мне паводле дзеяння магутнасці Яго.
8 #
Клс. 1:27; 1Цім. 1:15 Мне, найменшаму з усіх святых, дадзена гэтая ласка: абвяшчаць добрую вестку паганам аб неабсяжным багацці Хрыста
9 #
Ян. 1:3
і выясніць усім, як павінна здзейсніцца домаўладкаванне таямніцы, скрытай ад вякоў у Богу, Які ўсё стварыў праз Ісуса Хрыста,
10 #
Клс. 2:10; 1Цім. 3:16 каб цяпер сталася вядомай начальствам і ўладам нябесным праз Царкву разнастайная мудрасць Бога
11 #
2Цім. 1:9
паводле адвечнай пастановы, што ўчыніў у Хрысце Ісусе, Госпадзе нашым,
12 #
1Ян. 2:28; Рым. 5:12; 2Кар. 3:4; Геб. 4:16 у Якім маем адвагу і доступ у надзеі праз веру ў Яго.
13 #
2Кар. 1:6; Плп. 1:14 Таму вось прашу вас, не падайце духам з-за турбот маіх пра вас, якія ёсць слава ваша.
14 #
Плп. 1:9
Дзеля гэтай справы схіляю калені мае перад Айцом Госпада нашага Ісуса Хрыста,
15ад Якога называецца ўсякае айцоўства на небе і на зямлі,
16 #
1Пёт. 5:10
каб даў вам паводле багацця славы Сваёй умацавацца сілай праз Духа Яго ва ўнутраным чалавеку,
17 #
Ян. 14:23
каб Хрыстос абжыўся праз веру ў сэрцах вашых і каб вы, укараніўшыся і ўмацаваўшыся ў любові,
18разам з усімі святымі маглі зразумець, якая ёсць шырыня і даўжыня, вышыня і глыбіня,
19 #
Ян. 1:16
а таксама пазнаць любоў Хрыста, найвышэйшае веданне, каб напоўніліся вы ўсёю поўняй Бога.
20 #
Клс. 1:29
А Таму, Які можа многа больш зрабіць, чым усё, што мы просім або разумеем, магутнасцю, якая дзейнічае ў нас,
21 #
Плп. 4:20
Яму хвала ў Царкве і ў Хрысце Ісусе праз усе пакаленні на векі вечныя. Амін.
Currently Selected:
Ліст да Эфесцаў Раздзел 3: ББЧ
Highlight
Share
Copy
Want to have your highlights saved across all your devices? Sign up or sign in
© МХРБ «Біблейскае таварыства ў Рэспубліцы Беларусь», 2017
