Першы ліст да Цімафея Раздзел 6
Раздзел 6
1 #
Эф. 6:5; Ціт. 2:9; 1Пёт. 2:18 Нявольнікі, якія пад ярмом, няхай лічаць сваіх гаспадароў дастойнымі ўсякай павагі, каб імя Божае і навука не зневажаліся.
2Якія маюць верных гаспадарамі, няхай імі не пагарджаюць, дзеля таго, што яны браты, але няхай служаць больш, бо яны верныя і ўлюбёныя, яны саўдзельнікі ў дабрачыннасці. Вучы гэтаму і заклікай.
3Калі хто вучыць інакш і не прытрымліваецца здаровых слоў Госпада нашага Ісуса Хрыста і навукі, згоднай з пабожнасцю,
4 #
1Кар. 8:2; 1Цім. 1:7; 2Цім. 2:14 той ганарлівец, які нічога не разумее, але мае схільнасць спрачацца ў справах і кідаць словамі, з якіх паўстаюць зайздрасць, звадкі, блюзненні, ліхія падазрэнні,
5 #
2Цім. 3:5; Ціт. 3:9 пустыя спрэчкі між людзьмі тупагаловымі, пазбаўленымі праўды і думаючымі, што пабожнасць для набытку. Ухіляйся ад гэткіх.
6 #
Мц. 6:25; Плп. 4:11; Геб. 13:5 Але вялікім набыткам ёсць пабожнасць разам з задаволенасцю.
7Бо нічога мы не прынеслі на свет, ясна, і вынесці нічога не можам.
8Маючы ж ежу і ў што апрануцца, будзем гэтым задаволены.
9 #
Мк. 4:19; Лк. 12:15 А вось тыя, што хочуць стаць багатымі, трапляюць у спакусу і ў пятлю ды ў многія неразумныя і шкодныя пажадлівасці, якія топяць людзей у знішчэнні і загубе.
10 #
Лк. 12:15
Бо корань усяго ліхога ёсць сквапнасць, гонячыся за якой, некаторыя адступілі ад веры і аддалі сябе на шматлікія пакуты.
11 #
2Кар. 6:14; 2Цім. 2:19; 1Ян. 3:7 А ты, чалавек Божы, пазбягай гэтага. Шукай справядлівасці, пабожнасці, веры, любові, цярплівасці, лагоднасці.
12 #
2Цім. 2:2; Плп. 3:12; Геб. 10:23 Змагайся добрым змаганнем веры, трымайся вечнага жыцця, да якога ты і пакліканы і дзеля якога ты вызнаў добрае сведчанне перад шматлікімі сведкамі.
13Загадваю табе перад Богам, Які ажыўляе ўсё, і Ісусам Хрыстом, Які засведчыў перад Понцкім Пілатам добрае вызнанне,
14каб ты захаваў прыказанне беззаганна і няўхільна аж да прыходу Госпада нашага Ісуса Хрыста,
15якое выявіць у свой час дабраславёны і адзіна магутны Валадар валадароў і Госпад пануючых,
16Які Сам адзін мае несмяротнасць і жыве ў светласці недаступнай, Якога ніхто з людзей не бачыў і бачыць не можа; Яму ўшанаванне і валадаранне вечнае. Амін.
17Багатым гэтага веку загадвай, каб лішне высока пра сябе не думалі і не пакладалі надзеі на няпэўнасць багацця, але спадзяваліся на Бога жывога, Які шчодра дае нам усё патрэбнае для асалоды,
18каб як найбольш рабілі дабра, багацелі добрымі ўчынкамі, былі шчодрымі, дзяліліся,
19збіралі сабе скарб, як падмурак на будучае, каб атрымаць жыццё вечнае.
20 #
2Цім. 1:14; Ціт. 1:14 О Цімафею, беражы перададзенае табе, пазбягай агіднага пустаслоўя і супярэчлівых сцвярджэнняў фальшывай навукі,
21 #
2Цім. 4:22
якой аддаўшыся, некаторыя адступіліся ад веры. Ласка з табою. Амін.
Currently Selected:
Першы ліст да Цімафея Раздзел 6: ББЧ
Highlight
Share
Copy
Want to have your highlights saved across all your devices? Sign up or sign in
© МХРБ «Біблейскае таварыства ў Рэспубліцы Беларусь», 2017
