Першы ліст да Цімафея Раздзел 5
Раздзел 5
1 #
Мц. 23:8
На старэйшага не сварыся сурова, але ўпрошвай, як бацьку; маладых – як братоў;
2старэйшага ўзросту жанчын – як мацерак, а маладых – як сясцёр з усёй чысцінёй.
3Удоў шануй, якія сапраўды ўдовы.
4 #
Мк. 7:10
Калі ж якая ўдава мае дзяцей або ўнукаў, дык няхай перш навучыцца кіраваць пабожна домам сваім ды няхай умее аддаць належнае бацькам, бо гэта добра і ўгодна Богу.
5 #
Лк. 2:37
Тая ж, што сапраўды ўдава і адзінокая, мае надзею на Бога і не перастае ўпрошваць Бога і маліцца ўночы і днём.
6 #
Адкр. 3:1
А тая, што ў распусце жыве, тая мёртвая.
7І гэта загадвай ім, каб яны былі беззаганнымі.
8 #
Гал. 6:10
Калі ж хто не апякуецца над сваімі, тым больш хатнімі, той выракся веры і горшы за нявернага.
9У патрэбе выбіраць трэба ўдаву не менш шасцідзесяці гадоў, меўшую аднаго толькі мужа,
10 #
Дзеі 16:15; Ян. 13:14; Геб. 13:2 выпрабаваную ў добрых справах, гэта значыць, што добра выгадавала дзяцей, што яна гасцінная, што святым ногі абмывала, што пакутуючых у горы суцяшала, што рупілася пра добрыя справы.
11А маладых удоў не прымай, бо яны, раскашуючы, жывуць супраць Хрыста і хочуць выйсці замуж.
12 #
Адкр. 2:4
Яны падлягаюць асуджэнню, бо страцілі першую веру.
13 #
2Тэс. 3:11
Да таго ж яны, гультайкі, прывучаюцца хадзіць па хатах; і не толькі гультайкі, але і пляткаркі, і цікаўныя, і лапочуць, што не належыць.
14 #
1Кар. 7:9
Таму хачу, каб маладыя выходзілі замуж, нараджалі дзяцей, кіравалі домам, не давалі аніякай падставы ворагу для знеслаўлення.
15 #
2Цім. 2:26; Адкр. 20:10 Бо ўжо некаторыя павярнуліся назад за шатанам.
16 #
Дзеі 6:1
Калі ж які верны, ці верная, мае ўдоў, дык няхай апякуецца над імі і не абцяжарвае царквы, каб яна магла ўспамагаць тым, якія сапраўды ўдовы.
17 #
1Тэс. 5:12
Старэйшыны, якія добра кіруюць, вартыя падвойнай пашаны, асабліва тыя, што працуюць у слове і ў навуцы.
18 #
Паўт. Зак. 25:4; Лк. 10:7; 1Кар. 9:7 Вось жа, кажа Пісанне: «Не завязвай пысы валу, які малоціць» і «Работнік варты платы сваёй».
19 #
Паўт. Зак. 17:6; 19:15; Геб. 10:28 Не прымай абвінавачванняў на старэйшыну, хіба ў прысутнасці двух ці трох сведкаў.
20 #
Гал. 2:14; Эф. 5:11 Грэшнікаў павучай перад усімі, каб іншыя баяліся.
21 #
1Цім. 6:13; 2Цім. 4:1 Заклінаю цябе перад Богам і Ісусам Хрыстом і выбранымі анёламі захаваць гэта без перадузятасці, не хістаючыся ў той ці іншы бок.
22 #
2Ян. 11; Эф. 5:6 Не ўскладай ні на каго паспешліва рук, каб не стаць табе супольнікам чужых грахоў; захоўвай сябе чыстым.
23З гэтай пары не пі вады, але патроху ўжывай віна з увагі на твой страўнік, дзеля частых тваіх захворванняў.
24 #
Гал. 5:19; Эф. 5:13 Грахі некаторых людзей выяўляюцца непасрэдна перад судом, а за іншымі ідуць следам.
25 #
Мц. 5:14
Падобна і добрыя ўчынкі яўныя, а калі інакш, схавацца не змогуць.
Currently Selected:
Першы ліст да Цімафея Раздзел 5: ББЧ
Highlight
Share
Copy
Want to have your highlights saved across all your devices? Sign up or sign in
© МХРБ «Біблейскае таварыства ў Рэспубліцы Беларусь», 2017
