Yezsuzyaq 2
2
Yezsuzyaq Nemz Song Goanz Mwz Leanj Yezliqgoz Chaenh
1 Yezsuzyaq goanz lug zaiz Naenq naeh, saengq song goanz lupliamx daeq ndaw Sehtinh bae ndaw Zaznanh leanj, dix saengq paenqdix: "Gaenqsu bae leanj dih gaeng naeh, caqsiq leanj Yezliqgoz chaenh, gaenqraeuz zux ruxndeq hoakzaqrawz saeuh paenqdix ndae nyaeuz." Song goanz gaengnaeh zoq bae leanj, laengmaz paenqdix bae taeng rownzgoanz puj kaindang ux, goanz naeh rongx hoak Lazhoah. Song goanz gaengnaeh zoq yuq rownz dix ndowj. 2Miz dij goanz haxdoq laux hongz Yezliqgoz: "Haemh naeh miz dij goanz Yixsowhleh maz dih raeuz leanj." 3Laux hongz Yezliqgoz nemz dij goanz bae dih Lazhoah naeh, hax: "Sowh dij goanz maz zawj mawz, ndonj mwz rownz mawz naeh, zawh maz leanj dihraeuz, jem dih raeuz ndae'ndowq, baenzzaqnaeh zowz paenqdix og daeuj." 4Lazhoah haeuz aeu song goanz gaengnaeh gowx ndae yaq, dix yaeng: "Paenqdix maz dih gux inxnaeh zaeh, gaj gux mboq ruxndeq paenqdix daeq rawz maz. 5Gau doxndaem naeh, zaekgaj ngaemz baegdu long ndaw chaenh naeh, paenqdix haeuz og bae, gaj paenqdix bae rawz gux mboq ruxndeq, gaenqsu bae daem naeuz kvaiq ux, ingj naengz rux daem mex naeujgah." 6Suzmboqzwz Lazhoah haeuz bwnz lingz song goanz gaengnaeh kwnj mwz nyiangzrownz, hawj paenqdix gowx bae ndaw moangj ganj banq dix yaq. 7Sowh dij goanz laux hongz nemz daeuj naeh zoq bae baih ka dah Yezdanq naeh daem sowh dij goanz maz leanj naeh, bae taengdiak dih kamj dah naeh daem. Mowh paenqdix og bae naeh, zawh mowh ngaemz baegdu long ndaw chaenh naeh, daenh zoq cenq ngaemz baegdu long ndaw chaenh naeh.
Sowh Puj Mwz Leanj Naeh Daj Lazhoah Dungzdingq
8Gau song goanz Yixsowhleh naengz mboq noanz naeh, Lazhoah zoq kwnj mwz nyiangzrownz, mwz dih paenqdix naeh, 9-11dix daj paenqdix hax: "Gux ruxndeq Yez'hoahhuah haeuz aeu dih naeh hawj su. Gaenqpiu ruxnyinz zwz su daeq Aizjih og daeuj naeh, Yez'hoahhuah hoakzaqrawz hawj naemx aen haij rongx hoak aen Haijndiang naeh yuq doqnaj su kawq, goj ruxndeq gaenqsu yuq ka dah Yezdanq baih tang'vaenz og naeh hoakzaqrawz kaj Cizhungh daj Owh song laux hongz puj Yaqmoahliq naeh, hoakzaqrawz ndaep paenqdix aeu hawj Yez'hoahhuah. Baenzzaqnaeh gaenqsu hawj gaenqpiu mbu taeuq, dij goanz inxnaeh yuq doqnaj su gawz goj mbu daengz mboq zawh haxnyaeux. Gaenqpiu gawz ruxnyinz, gawz goj mbu daengz ka saenq raeuh raeuh nauq. Yez'hoahhuah dij Sen gumx su naeh, zawh dij Sen ndaw fax mawj, goj zawh dij Sen dihndin mawj, baenzzaqnaeh mboq miz gawz miz to'zaw in yuq doqnaj su. 12-13Gannaeh gux doiq su ndae, gaenqsu yuq doqnaj Yez'hoahhuah daj gux haxgoak daekgoanq, hax mwznaj gaenqsu hoakrawz goj doiq rownz dez gux ndae, yaq aeu gaeng hawj gux ruxndeq gaenqsu rux jeuq bohmeh gux, bihnongx zaiz gux, bihnongx nyingz gux daj rownz paenqdix, mboq hawj piu tai, hawj gux ruxndeq gaenqsu rux hoakzaqnaeh zaeh." 14Song goanz gaengnaeh daj dix hax: "Jixzawh mawz mboq haxdoq gawz gaenqpiu maz leanj inxnaeh, gaenqpiu yinq mawz, Yez'hoahhuah aeu inxnaeh hawj piu zwzrawz, gaenqpiu ndaej hoakzaqrawz hax gaenqpiu zoq hoakzaqrawz hoak mboqyaq, gaenqpiu toj doiq gaenqsu ndae mboqyaq. Jixzawh gaenqpiu haxyai, ngwz Yez'hoahhuah aeu aen mingh piu." 15Rownz Lazhoah yuq haenz bowng'jingz homx haenz chaenh naeh, miz baih ux daeb bowng'jingz homx haenz chaenh naeh. Baenzzaqnaeh dix aeu zowg zoangq ndaw ruzdangq bae, hawj song goanz gaengnaeh loangz bae baihnog bowng'jingz. 16Dix daj song goanz gaengnaeh hax: "Gaenqsu gowx mwz ndaw bo, yaj sowh puj bae ndaem su naeh mex zoah su. Gaenqsu yuq ndaw bo gowx sam vaenz, taj paenqdix dauh maz ndaw chaenh gaenqsu goanq mwz." 17Song goanz gaengnaeh daj dix hax: "Mawz hoakzaqnaeh hoak oj, jixzawh mawz mboq biak kauq piu bae hoak, gaenq mawz yaix piu haxgoak daekgoanq naeh zoq daj gaenqpiu mboq miz gaeng mbowh. 18Gaenqpiu maz taeng dih naeh zwzrawz, mawz aeu ndaej paeng ndiang naeh qiat aen ruzdangq piu loangz bae naeh. Mawz goj hawj bohmeh mawz, bihnongx zaiz mawz, daj daengz rownz dez mawz zaemh maz yuq ndaw rownz mawz. 19Jixzawh gawz mboq yuq ndaw rownz mawz, og bae baihnog, dix zoah kaj daj piu goj mboq miz gaeng mbowh, jixzawh dix yuq ndaw rownz mawz zoah kaj, zoq hawj piu tw. 20Jixzawh mawz haxdoq gawz gaenqpiu maz leanj inxnaeh, gaenq mawz yaix piu haxgoak daekgoanq naeh zoq daj piu mboq miz gaeng." 21Lazhoah hax: "Awh, hoak zaq gaenq su hax naeh." Yaq yaix song goanz gaengnaeh mwz. Paenqdix mwz yaq, dix zoq aeu ndaej paeng ndiang naeh qiat ruzdangq dix.
Sowh Puj Mwz Leanj Naeh Dauh Daeuj Haxdoq Yezsuzyaq
22Song goanz gaengnaeh ni yaq, kwnj mwz ndaw bo, yuq ndaw bo ndowj sam vaenz, taj sowh puj daem paenqdix naeh dauh maz ndaw chaenh. Sowh puj daem paenqdix naeh daengz roizloh cha paenqdix, gaj cha mboq taen. 23Song goanz gaengnaeh daeq ndaw bo loangz daeuj, kamj ka dah Yezdanq yaq, dauh mwz dih Yezsuzyaq goanz lug zaiz Naenq naeh. Paenqdix mex zoah gaeng raeuh, paenqdix goj laemh dwk dix nauq. 24Paenqdix daeuq daj Yezsuzyaq hax: "Yez'hoahhuah haeuz aeu dih naeh hawj raeuz nauq zaeh eh; Dij goanz dihnaeh mbu raeuz daengz mboq zawh haxnyaeux."
Currently Selected:
Yezsuzyaq 2: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
Yezsuzyaq 2
2
Yezsuzyaq Nemz Song Goanz Mwz Leanj Yezliqgoz Chaenh
1 Yezsuzyaq goanz lug zaiz Naenq naeh, saengq song goanz lupliamx daeq ndaw Sehtinh bae ndaw Zaznanh leanj, dix saengq paenqdix: "Gaenqsu bae leanj dih gaeng naeh, caqsiq leanj Yezliqgoz chaenh, gaenqraeuz zux ruxndeq hoakzaqrawz saeuh paenqdix ndae nyaeuz." Song goanz gaengnaeh zoq bae leanj, laengmaz paenqdix bae taeng rownzgoanz puj kaindang ux, goanz naeh rongx hoak Lazhoah. Song goanz gaengnaeh zoq yuq rownz dix ndowj. 2Miz dij goanz haxdoq laux hongz Yezliqgoz: "Haemh naeh miz dij goanz Yixsowhleh maz dih raeuz leanj." 3Laux hongz Yezliqgoz nemz dij goanz bae dih Lazhoah naeh, hax: "Sowh dij goanz maz zawj mawz, ndonj mwz rownz mawz naeh, zawh maz leanj dihraeuz, jem dih raeuz ndae'ndowq, baenzzaqnaeh zowz paenqdix og daeuj." 4Lazhoah haeuz aeu song goanz gaengnaeh gowx ndae yaq, dix yaeng: "Paenqdix maz dih gux inxnaeh zaeh, gaj gux mboq ruxndeq paenqdix daeq rawz maz. 5Gau doxndaem naeh, zaekgaj ngaemz baegdu long ndaw chaenh naeh, paenqdix haeuz og bae, gaj paenqdix bae rawz gux mboq ruxndeq, gaenqsu bae daem naeuz kvaiq ux, ingj naengz rux daem mex naeujgah." 6Suzmboqzwz Lazhoah haeuz bwnz lingz song goanz gaengnaeh kwnj mwz nyiangzrownz, hawj paenqdix gowx bae ndaw moangj ganj banq dix yaq. 7Sowh dij goanz laux hongz nemz daeuj naeh zoq bae baih ka dah Yezdanq naeh daem sowh dij goanz maz leanj naeh, bae taengdiak dih kamj dah naeh daem. Mowh paenqdix og bae naeh, zawh mowh ngaemz baegdu long ndaw chaenh naeh, daenh zoq cenq ngaemz baegdu long ndaw chaenh naeh.
Sowh Puj Mwz Leanj Naeh Daj Lazhoah Dungzdingq
8Gau song goanz Yixsowhleh naengz mboq noanz naeh, Lazhoah zoq kwnj mwz nyiangzrownz, mwz dih paenqdix naeh, 9-11dix daj paenqdix hax: "Gux ruxndeq Yez'hoahhuah haeuz aeu dih naeh hawj su. Gaenqpiu ruxnyinz zwz su daeq Aizjih og daeuj naeh, Yez'hoahhuah hoakzaqrawz hawj naemx aen haij rongx hoak aen Haijndiang naeh yuq doqnaj su kawq, goj ruxndeq gaenqsu yuq ka dah Yezdanq baih tang'vaenz og naeh hoakzaqrawz kaj Cizhungh daj Owh song laux hongz puj Yaqmoahliq naeh, hoakzaqrawz ndaep paenqdix aeu hawj Yez'hoahhuah. Baenzzaqnaeh gaenqsu hawj gaenqpiu mbu taeuq, dij goanz inxnaeh yuq doqnaj su gawz goj mbu daengz mboq zawh haxnyaeux. Gaenqpiu gawz ruxnyinz, gawz goj mbu daengz ka saenq raeuh raeuh nauq. Yez'hoahhuah dij Sen gumx su naeh, zawh dij Sen ndaw fax mawj, goj zawh dij Sen dihndin mawj, baenzzaqnaeh mboq miz gawz miz to'zaw in yuq doqnaj su. 12-13Gannaeh gux doiq su ndae, gaenqsu yuq doqnaj Yez'hoahhuah daj gux haxgoak daekgoanq, hax mwznaj gaenqsu hoakrawz goj doiq rownz dez gux ndae, yaq aeu gaeng hawj gux ruxndeq gaenqsu rux jeuq bohmeh gux, bihnongx zaiz gux, bihnongx nyingz gux daj rownz paenqdix, mboq hawj piu tai, hawj gux ruxndeq gaenqsu rux hoakzaqnaeh zaeh." 14Song goanz gaengnaeh daj dix hax: "Jixzawh mawz mboq haxdoq gawz gaenqpiu maz leanj inxnaeh, gaenqpiu yinq mawz, Yez'hoahhuah aeu inxnaeh hawj piu zwzrawz, gaenqpiu ndaej hoakzaqrawz hax gaenqpiu zoq hoakzaqrawz hoak mboqyaq, gaenqpiu toj doiq gaenqsu ndae mboqyaq. Jixzawh gaenqpiu haxyai, ngwz Yez'hoahhuah aeu aen mingh piu." 15Rownz Lazhoah yuq haenz bowng'jingz homx haenz chaenh naeh, miz baih ux daeb bowng'jingz homx haenz chaenh naeh. Baenzzaqnaeh dix aeu zowg zoangq ndaw ruzdangq bae, hawj song goanz gaengnaeh loangz bae baihnog bowng'jingz. 16Dix daj song goanz gaengnaeh hax: "Gaenqsu gowx mwz ndaw bo, yaj sowh puj bae ndaem su naeh mex zoah su. Gaenqsu yuq ndaw bo gowx sam vaenz, taj paenqdix dauh maz ndaw chaenh gaenqsu goanq mwz." 17Song goanz gaengnaeh daj dix hax: "Mawz hoakzaqnaeh hoak oj, jixzawh mawz mboq biak kauq piu bae hoak, gaenq mawz yaix piu haxgoak daekgoanq naeh zoq daj gaenqpiu mboq miz gaeng mbowh. 18Gaenqpiu maz taeng dih naeh zwzrawz, mawz aeu ndaej paeng ndiang naeh qiat aen ruzdangq piu loangz bae naeh. Mawz goj hawj bohmeh mawz, bihnongx zaiz mawz, daj daengz rownz dez mawz zaemh maz yuq ndaw rownz mawz. 19Jixzawh gawz mboq yuq ndaw rownz mawz, og bae baihnog, dix zoah kaj daj piu goj mboq miz gaeng mbowh, jixzawh dix yuq ndaw rownz mawz zoah kaj, zoq hawj piu tw. 20Jixzawh mawz haxdoq gawz gaenqpiu maz leanj inxnaeh, gaenq mawz yaix piu haxgoak daekgoanq naeh zoq daj piu mboq miz gaeng." 21Lazhoah hax: "Awh, hoak zaq gaenq su hax naeh." Yaq yaix song goanz gaengnaeh mwz. Paenqdix mwz yaq, dix zoq aeu ndaej paeng ndiang naeh qiat ruzdangq dix.
Sowh Puj Mwz Leanj Naeh Dauh Daeuj Haxdoq Yezsuzyaq
22Song goanz gaengnaeh ni yaq, kwnj mwz ndaw bo, yuq ndaw bo ndowj sam vaenz, taj sowh puj daem paenqdix naeh dauh maz ndaw chaenh. Sowh puj daem paenqdix naeh daengz roizloh cha paenqdix, gaj cha mboq taen. 23Song goanz gaengnaeh daeq ndaw bo loangz daeuj, kamj ka dah Yezdanq yaq, dauh mwz dih Yezsuzyaq goanz lug zaiz Naenq naeh. Paenqdix mex zoah gaeng raeuh, paenqdix goj laemh dwk dix nauq. 24Paenqdix daeuq daj Yezsuzyaq hax: "Yez'hoahhuah haeuz aeu dih naeh hawj raeuz nauq zaeh eh; Dij goanz dihnaeh mbu raeuz daengz mboq zawh haxnyaeux."
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.