Yezsuzyaq 1
1
Dij Sen Nemz Yezsuzyaq Lingz Dij Goanz Yixsowhleh Mwz Zaznanh
1Puj koij Yez'hoahhuah Moahciz tai yaq, Yez'hoahhuah zoq daj Yezsuzyaq hax kauq. Yezsuzyaq zawh lugzaiz laux rongx hoak Naenq naeh, zawh goanz yuq baihdawj Moahciz, saeh Moahciz hoak raeng raeng naeh. Yez'hoahhuah daj dix hoakzaqnaeh hax: 2"Puj koij gux Moahciz tai yaj. Gannaeh mawz dwnq maz, zowz daengzle dij goanz Yixsowhleh kamj ka dah Yezdanq naeh, mwz dih gux aeu hawj dij goanz Yixsowhleh naeh. 3Gux ndaej yinq Moahciz hoakzaqrawz gux zoq hoakzaqrawz, mbaed naeh gaenqsu mwz, daeq zoah ijrawz, gux zoq aeu ijrawz hawj su nauq. 4Zoq zawh baih nanhfangz loah'ej zawh daeq ndaw doanghmowz mwz, mwz taeng baih bowhfangz dih rongx hoak Lihbaznaenq naeh, baih tang'vaenz og loah'ej zawh daeq ka dah Yaeuqfahlazdix mwz, mwz taeng baih tang'vaenz doak dih Aen Haij Dwx naeh. Dih naeh ndaw dix miz daengzle dih dij goanz puj Howx nauq. 5Zoh goanz mawz, toj mboq rux miz gawz saeuh bex mawz. Gux hoakzaqrawz daj Moahciz zaemh yuq, gux goj hoakzaqrawz daj mawz zaemh yuq mboqyaq. Gux toj mboq rux ni mawz, goj mboq rux viangh mawz. 6Mawz toj hawj dij goanz Yixsowhleh ndaej dih naeh hoak dih hoakjin mboqyaq. Dih naeh gux haeuz ndaej yinq puj jeq rownz paenqdix. Baenzzaqnaeh, mawz laek mbu gaeng oaj, miz to'zaw oaj. 7Mawz laek mbu gaeng, miz to'zaw, biak sowh fahlih puj koij gux Moahciz saengq mawz naeh, laek pit saek'i, mawz daengz hoak gaeng goj hoak baenz ndaej mboqyaq. 8Bwnz sw fahlih naeh mboq jinx ni baeg mawz, vaenzlinzhwnz nwh, hoakzaqnaeh mawz zux biak sowh kauq ndaw sw mai naeh bae hoak. Hoakzaqnaeh, ka loh mawz zoq nowngzzaw, hoak gaeng goj hoak baenzndaej. 9Gux haeuz saengq mawz yaq laek mbu gaeng, miz to'zaw, laek dij, goj laek huangz. Gux zawh Yez'hoahhuah dij Sen mawz, daengz mawz bae rawz, gux goj daj mawz zaemh yuq mboqyaq."
Yezsuzyaq Haxdoq Dij Goanz Yixsowhleh Zaekgaj Kamj Dah Yezdanq Yaj
10Yaq Yezsuzyaq hoakzaqnaeh nemz puj saeq dij goanz Yixsowhleh: 11"Gaenqsu bae dih dij goanz Yixsowhleh daengj zangjpungh ndowj naeh, haxdoq paenqdix: ‘Sam vaenz yaq, gaenqsu kamj ka dah Yezdanq naeh mwz, mwz aeu dih Yez'hoahhuah dij Sen su aeu hawj su hoak dih hoak jin naeh, baenzzaqnaeh gaenqsu dox gaenqjin nyaengx.’" 12Yezsuzyaq daeuq daj ngah Loixbenq naeh, ngah Zazdowh naeh, mbengj ngah Yezsowh ngah Maxnahciz naeh, daj paenqdix hax: 13"Gaenqsu caqsiq nyen suq kauq puj koij Yez'hoahhuah Moahciz saengq su naeh, dix hax: ‘Yez'hoahhuah dij Sen su hawj su ndaej yuqvangq, goj aeu dih inxnaeh hawj su mboqyaq.’ 14Mijmez su, lug su, daj doihdo su ndaej yuq ka dah Yezdanq baih tang'vaenz og inxnaeh ndowj, zoq zawh dih Moahciz aeu hawj su naeh. Gaj gaenqsu sowh puj dongzgaenx zaengx, sowh puj miz to'zaw naeh, gaem gaenq dungzsaeuh, daeq daekgoanq dij goanz Yixsowhleh hoakri kamj ka dah naeh mwz, saeh puj Yixsowhleh su ngah ndai saeuh. 15Taj Yez'hoahhuah goj hawj paenqdix daj su dungzlumj ndaej yuqvangq, goj hawj paenqdix ndaej dih Yez'hoahhuah dij Sen paenqdix aeu hawj paenqdix hoak dih hoakjin naeh. Taeng zwz naeh, gaenqsu zux ndaej dauh daeuj dih su ndaej naeh, aeu dih naeh hoak dih hoakjin. Dih naeh zoq zawh dih puj koij Yez'hoahhuah Moahciz aeu hawj su naeh. Dih naeh yuq ka dah Yezdanq baih tang'vaenz og naeh." 16Paenqdix yaeng Yezsuzyaq: "Mawz nemz piu hoak gaeng, gaenqpiu zoq hoak gaeng. Daengz mawz nemz piu bae rawz, gaenqpiu goj bae mboqyaq. 17Koax daekgoanq gaenqpiu hoakzaqrawz gaj yowngh gaj biak kauq Moahciz, gannaeh gaenqpiu goj zaemh hoakzaqrawz biak kauq mawz; Gaeqpiu vanz Yez'hoahhuah dij Sen mawz daj mawz zaemh yuq, hoakzaq dix daj Moahciz zaemh yuq naeh. 18Gawz mboq biak kauq mawz, mboq biak gaenq mawz nemz, dix zoq zoah tai. Mawz laek mbu gaeng, miz to'zaw oaj."
Currently Selected:
Yezsuzyaq 1: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
Yezsuzyaq 1
1
Dij Sen Nemz Yezsuzyaq Lingz Dij Goanz Yixsowhleh Mwz Zaznanh
1Puj koij Yez'hoahhuah Moahciz tai yaq, Yez'hoahhuah zoq daj Yezsuzyaq hax kauq. Yezsuzyaq zawh lugzaiz laux rongx hoak Naenq naeh, zawh goanz yuq baihdawj Moahciz, saeh Moahciz hoak raeng raeng naeh. Yez'hoahhuah daj dix hoakzaqnaeh hax: 2"Puj koij gux Moahciz tai yaj. Gannaeh mawz dwnq maz, zowz daengzle dij goanz Yixsowhleh kamj ka dah Yezdanq naeh, mwz dih gux aeu hawj dij goanz Yixsowhleh naeh. 3Gux ndaej yinq Moahciz hoakzaqrawz gux zoq hoakzaqrawz, mbaed naeh gaenqsu mwz, daeq zoah ijrawz, gux zoq aeu ijrawz hawj su nauq. 4Zoq zawh baih nanhfangz loah'ej zawh daeq ndaw doanghmowz mwz, mwz taeng baih bowhfangz dih rongx hoak Lihbaznaenq naeh, baih tang'vaenz og loah'ej zawh daeq ka dah Yaeuqfahlazdix mwz, mwz taeng baih tang'vaenz doak dih Aen Haij Dwx naeh. Dih naeh ndaw dix miz daengzle dih dij goanz puj Howx nauq. 5Zoh goanz mawz, toj mboq rux miz gawz saeuh bex mawz. Gux hoakzaqrawz daj Moahciz zaemh yuq, gux goj hoakzaqrawz daj mawz zaemh yuq mboqyaq. Gux toj mboq rux ni mawz, goj mboq rux viangh mawz. 6Mawz toj hawj dij goanz Yixsowhleh ndaej dih naeh hoak dih hoakjin mboqyaq. Dih naeh gux haeuz ndaej yinq puj jeq rownz paenqdix. Baenzzaqnaeh, mawz laek mbu gaeng oaj, miz to'zaw oaj. 7Mawz laek mbu gaeng, miz to'zaw, biak sowh fahlih puj koij gux Moahciz saengq mawz naeh, laek pit saek'i, mawz daengz hoak gaeng goj hoak baenz ndaej mboqyaq. 8Bwnz sw fahlih naeh mboq jinx ni baeg mawz, vaenzlinzhwnz nwh, hoakzaqnaeh mawz zux biak sowh kauq ndaw sw mai naeh bae hoak. Hoakzaqnaeh, ka loh mawz zoq nowngzzaw, hoak gaeng goj hoak baenzndaej. 9Gux haeuz saengq mawz yaq laek mbu gaeng, miz to'zaw, laek dij, goj laek huangz. Gux zawh Yez'hoahhuah dij Sen mawz, daengz mawz bae rawz, gux goj daj mawz zaemh yuq mboqyaq."
Yezsuzyaq Haxdoq Dij Goanz Yixsowhleh Zaekgaj Kamj Dah Yezdanq Yaj
10Yaq Yezsuzyaq hoakzaqnaeh nemz puj saeq dij goanz Yixsowhleh: 11"Gaenqsu bae dih dij goanz Yixsowhleh daengj zangjpungh ndowj naeh, haxdoq paenqdix: ‘Sam vaenz yaq, gaenqsu kamj ka dah Yezdanq naeh mwz, mwz aeu dih Yez'hoahhuah dij Sen su aeu hawj su hoak dih hoak jin naeh, baenzzaqnaeh gaenqsu dox gaenqjin nyaengx.’" 12Yezsuzyaq daeuq daj ngah Loixbenq naeh, ngah Zazdowh naeh, mbengj ngah Yezsowh ngah Maxnahciz naeh, daj paenqdix hax: 13"Gaenqsu caqsiq nyen suq kauq puj koij Yez'hoahhuah Moahciz saengq su naeh, dix hax: ‘Yez'hoahhuah dij Sen su hawj su ndaej yuqvangq, goj aeu dih inxnaeh hawj su mboqyaq.’ 14Mijmez su, lug su, daj doihdo su ndaej yuq ka dah Yezdanq baih tang'vaenz og inxnaeh ndowj, zoq zawh dih Moahciz aeu hawj su naeh. Gaj gaenqsu sowh puj dongzgaenx zaengx, sowh puj miz to'zaw naeh, gaem gaenq dungzsaeuh, daeq daekgoanq dij goanz Yixsowhleh hoakri kamj ka dah naeh mwz, saeh puj Yixsowhleh su ngah ndai saeuh. 15Taj Yez'hoahhuah goj hawj paenqdix daj su dungzlumj ndaej yuqvangq, goj hawj paenqdix ndaej dih Yez'hoahhuah dij Sen paenqdix aeu hawj paenqdix hoak dih hoakjin naeh. Taeng zwz naeh, gaenqsu zux ndaej dauh daeuj dih su ndaej naeh, aeu dih naeh hoak dih hoakjin. Dih naeh zoq zawh dih puj koij Yez'hoahhuah Moahciz aeu hawj su naeh. Dih naeh yuq ka dah Yezdanq baih tang'vaenz og naeh." 16Paenqdix yaeng Yezsuzyaq: "Mawz nemz piu hoak gaeng, gaenqpiu zoq hoak gaeng. Daengz mawz nemz piu bae rawz, gaenqpiu goj bae mboqyaq. 17Koax daekgoanq gaenqpiu hoakzaqrawz gaj yowngh gaj biak kauq Moahciz, gannaeh gaenqpiu goj zaemh hoakzaqrawz biak kauq mawz; Gaeqpiu vanz Yez'hoahhuah dij Sen mawz daj mawz zaemh yuq, hoakzaq dix daj Moahciz zaemh yuq naeh. 18Gawz mboq biak kauq mawz, mboq biak gaenq mawz nemz, dix zoq zoah tai. Mawz laek mbu gaeng, miz to'zaw oaj."
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.