YouVersion Logo
Search Icon

Yezhanq 1

1
Kauq Dij Sen Byenqbaenz Dij Goanz
1Zwz nduqnduq miz kauq dij Sen, sowh kauq naeh haeuz bwnz miz, sowh kauq naeh daj dij Sen zaemh yuq, sowh kauq naeh zoq zawh dij Sen. 2Kauq dij Sen zwz nduqnduq daj dij Sen zaemh yuq. 3Gaeng goj zawh dij Sen aeu gaenq naeh chauq. Daengzle nauq nauq, mboq miz saek yowngh mboq zawh dij Sen aeu gaenq naeh chauq. 4Kauq dij Sen zawh goaklaeg aen mingh, aen mingh naeh aeu gaenqrungh hawj dij goanz, hawj dij goanz rux leztaen ka loh dij Sen. 5Gaenqrungh yangz bae gaenq ndaem, gaenq ndaem bex mboq ndaej gaenqrungh.
6Miz goanz ux, minxzwh rongx hoak Yezhanq, zawh dij Sen nemz daeuj. 7Yezhanq daeuj, zawh daeuj haxdoq dij goanz gaenqrungh naeh zawh gaeng, hawj daengzle cholaeng Yezhanq sinq gaenqrungh gaengnaeh baenz. 8Hoakri Yezhanq mboq zawh gaenqrungh gaengnaeh, dix zawh daeuj haxdoq dij goanz gaenqrungh gaengnaeh zawh gajraeng. 9Gaenqrungh gaengnaeh zawh gaenqrungh zaeh, zawh daeuj dihndin yangz daengz dij goanz dawj fax nauq. 10Dawj fax now ndin zawh dij Sen aeu gaenq naeh chauq, gaj zwz gaenq rungh naeh yuq dihndin naeh, dij goanz dihndin mboq ruxnaj dix. 11Dix daeuj dih hoakri, gaj dij goanz hoakri mboq zaemz dix. 12Nanghgaj sowh dij goanz zaemz dix, sinq dix naeh, dix zoq hawj paenqdix daengzle miz qenhliq hoak lug dij Sen. 13Zoq zawh hax dij Sen haeggaj hoak dez paenqdix, hawj paenqdix byenqbaenz lug dix. Mboq zawh hoakzaq dij goanz dihndin zowngx lug naeh, mboq zawh puj zaiz daj puj nyingz zaemhnoanz ej zowngx daeuj, goj mboq zawh po zawx zowngx ej zowngx daeuj.
14Sowh kauq gaengnaeh byenqbaenz goanz ux, daj raeuz zaemh ndowj. Dix yumq nwh raeuz taeuq, aeu gaenqjing haxdoq raeuz. Gaenqraeuz goj ndaej taen dix miz najta, zoq zawh aen najta lug zaiz doag Dez ndaw fax naeh. 15Yezhanq haxdoq daenh goanz naeh zawh gawz, dix caqsiq hax: "Goanz naeh zoq zawh goanz koax daekgoanq gux hax naeh, gux ndaej hax: ‘Goanz daeuj doaklaeng gux naeh, gux naengz mboq zowngx daeuj dix haeuz bwnz miz, baenzzaqnaeh dix najta dwx nyeuz gux lai.’" 16Dix yumq nwh dij goanz taeuq, gaenqraeuz haeuz ndaej sowh gaenq dix aeu hawj daengzndai naeh, dix naengz goq hawj hawj. 17Dij Sen hawj Moahciz aeu Fahlih haxdoq goanzlai.#1:17 Moahciz zawh zwzpujjeq goanz puj zawxkauq dij Sen ux. Dij Sen hawj dix mai fahlih dij Sen, aeu sowh fahlih naeh zau puj Yixsowhleh. Yaq Yezsuz Jizduz zawh goanz hoak nauq sowh gaenq fahlih yaix hoak naeh. Gaj dij Sen hawj Yezsuz Jizduz haxdoq dij goanz dix yumq nwh dij goanz taeuq, hawj dix aeu gaenqjing haxdoq dij goanz.#1:17 Jizduzzawh hax: "Goanz zoah aeu yuz maeghit zoaj ndaw to naeh." Zwzndowj, dij Sen lowg puj Yixsowhleh goanz rawz hoak puj mbud dix, raj lowg goanz rawz hoak hongz puj Yixsowhleh, dix nemz puj Yixsowhleh aeu yuz maeghit zoaj ndaw to sowh goanz dix lowg naeh. Dij Sen tungzgoaq puj zawxkauq dix yinq dij goanz dix, yinq hawj paenqdix goanz Jizduz ux, hawj goanz Jizduz naeh daeuj dihndin jeuq dij goanz daj gvanx dij goanz. 18Mboq sanz miz gawz ndaej taen dij Sen, mizgaj goanz daj puj ndai mboq dungzlumj naeh, hoakri dix goj zawh dij Sen, goanz daj Dez ndaw fax ndiang nyeuz daengzle naeh hawj raeuz ruxndeq dij Sen baenzzaqrawz.#1:18 Mbangj bwnz inxnaeh hax: Mboq sanz miz gawz ndaej taen dij Sen, mizgaj lug zaiz doag dij Sen, goanz dij Sen nwh taeuq naeh hawj raeuz ruxndeq dij Sen baenzzaqrawz.
Yezhanq Haxdoq Daenh Dix Mboq Zawh Jizduz
19-20Yuq ndaw Yezluqsaxlaengx chaenh puj saeq puj Yaeuhtaiq ruxndeq gaenq Yezhanq hoak naeh. Paenqdix ruxnyinz yaq, paenqdix zoq nemz puj mbud dij Sen daj puj Liqvaeq#1:19-20 Inxnaeh hax puj Liqvaeq mboq zawh hax sowh puj hoak puj mbud dij Sen naeh, zawh hax sowh puj gvanx rownz dij Sen naeh. Puj Liqvaeq zawh luglan Liqvaeq goanz lug zaiz Yaqgowh naeh. bae dih Yezhanq naeh, cham dix: "Mawz zawh gawz?" Yezhanq mboq yai paenqdix, daj paenqdix hax swhlit, dix hax: "Gux mboq zawh Jizduz." 21Paenqdix daeuq cham dix: "Haenx, mawz zawh gawz mawj? Zawh Yixliqyaq vah?"#1:21 Yixliqyaq zawh zwzpujjeq goanz puj zawxkauq dij Sen ux. Lez Sw Laux hongz Bwnz Daih Aet Naeh, Sw Laux hongz Bwnz Daih Ngih Naeh. Dix hax: "Gux mboq zawh." Paenqdix daeuq cham: "Zawh goanz puj zawxkauq dij Sen gaengnaeh vah?"#1:21 Zwzpujjeq dij Sen haxdoq Moahciz mwznaj dix rux hawj puj Yixsowhleh miz goanz puj zawxkauq dij Sen ux daj Moahciz dungzlumj, yaix puj Yixsowhleh biak kauq goanz naeh. Lez Sw Fahlih Daih Ngih 18:15, 18. Dix hax: "Mboq zawh." 22Yaq paenqdix zoq hax: "Mawz zawh gawz mux? Mawz haeggaj hax, mawz zawh gawz, hoakzaqnaeh gaenqpiu zux mwz haxdoq sowh dij goanz nemz piu daeuj naeh baenz." 23Dix hax:
"Gux zoq zawh goanz zwzpujjeq puj zawxkauq dij Sen Yixsaiqyaq ndaej hax naeh,
zoq zawh goanz yuq ndaw doanghmowz caqsiq rongx:
‘Diq swh ka loh Zaeuj’ naeh."#Yixsaiqyaq 40:3.
24Sowh dij goanz maz cham naeh paenqdix zawh dij goanz Fahliqsaiq nemz maz.#1:24 Baih Fahliqsaiq zawh dij goanz puj Yaeuhtaiq. Paenqdix hax paenqdix biak fahlih Moahciz, gaj paenqdix goj zau daenh sowh gaenq zwzpujjeq zauh naeh. 25Paenqdix zoq cham Yezhanq: "Mawz mboq zawh Jizduz, mboq zawh Yixliqyaq, goj mboq zawh goanz puj zawxkauq dij Sen gaengnaeh, haenx, mawz baenzzaqrawz saeh daenh hoak diauq zauh soiq naeh mawj?"#1:25 Hoak Diauq Zauh Soiq Naehzoq zawh hax aeu naemx soiq ndang. Yezhanq aeu naemx saeh sowh puj ndaw zaw gaix naeh hoak diauq zauh soiq naeh, vanz dij Sen yangq gaenq hoakloang paenqdix, hoakzaqnaeh daj aeu naemx saeh paenqdix soiq ndang dungzlumj. 26Yezhanq hax: "Gux zawh aeu naemx saeh dij goanz hoak diauq zauh soiq naeh, gaj miz goanz ux daeuj zawj su, goanz naeh gaenqsu mboq ruxnaj dix. 27Dix daeuj doaklaeng gux, gux daengz saeh dix hih sai'haiz naengz mboq paeq." 28Yezhanq hoakzaqnaeh hax zawh zwz dix yuq ka dah Yezdanq baih gaengnaeh, dih dix saeh daenh hoak diauq zauh soiq naeh naeh, yuq ndaw longq Boahdaqnih naeh hax.
Dij Mbej Ix Dij Sen
29Vaenzlaeng, Yezhanq taen Yezsuz daeq maz doq dix, zoq hax: "Su lez, goanz naeh zawh dij mbej ix dij Sen, hawj sowh gaenq dij goanz dihndin hoak loang naeh ni! 30Goanz naeh zoq zawh goanz koax daekgoanq gux hax naeh, gux ndaej hax: ‘Goanz daeuj doaklaeng gux naeh, gux naengz mboq zowngx daeuj dix haeuz bwnz miz, baenzzaqnaeh dix najta dwx nyeuz gux lai.’ 31Cholaeng hawj dij goanz puj Yixsowhleh ruxnaj dix zawh gawz, gux aeu naemx saeh goanzlai hoak diauq zauh soiq naeh. Mbaednduq daengz gux goj mboq ruxnaj dix. 32-33Zwz gux naengz mboq ruxnaj dix naeh, laux nemz gux daeuj aeu naemx saeh daenh hoak diauq zauh soiq naeh, dix daj gux hax: ‘Mawz leztaen Minghkoan gux loangz daeuj ndaw ndang gawz, yuq ndang gawz ndowj, gawz zoq zawh goanz aeu minghkoan gux saeh daenh hoak diauq zauh soiq naeh.’" Yaq Yezhanq daeuq hoakzaqnaeh haxdoq daenh, dix hax: "Gux ndaej taen Minghkoan dij Sen daj noagbiadhaeb dungzlumj loangz daeuj ndaw ndang dix, yuq ndaw ndang dix ndowj. 34Gux ndaej taen singjringh, zoq haxdoq su: ‘Goanz naeh zawh lug zaiz dij Sen.’"#1:34 Mbangj bwnz hoakzaqnaeh hax: Goanz naeh zawh goanz dij Sen lowg daeuj naeh.
Le Goanz Cohsaenz Caeu Daekgoanq Naeh
35Gvaq vaenz ux yaq, Yezhanq daj song goanz cohsaenz dix zaemh yuq, 36Yezhanq leztaen Yezsuz gvaq dih naeh, zoq hax: "Su lez, dij mbej ix dij Sen!" 37Song goanz cohsaenz naeh ruxnyinz kauq dix yaq, zoq bae nowngz Yezsuz. 38Yezsuz ueq maz, leztaen paenqdix nowngz dix, zoq cham: "Gaenqsu nowngz gux hoak gaeng ah?" Paenqdix hax: "Lazbix, mawz yuq rawz ndowj?" Lazbix zoq zawh hax lauxswz. 39Dix hax: "Gaenqsu zaemh mwz lez maj!" Yaq paenqdix zoq mwz lez dih dix ndowj naeh. Gau paenqdix mwz taeng naeh zawh zang'vaenz teq swq denx ux naeh, haemh gaengnaeh paenqdix zoq daj Yezsuz zaemh ndowj. 40Song goanz ruxnyinz kauq Yezhanq yaq bae nowngz Yezsuz naeh, goanz ux zawh Anzdowhleh goanz nongx zaiz Cizmaenh-Bihdowh naeh. 41Anzdowhleh dauh maz cha goz dix Cizmaenh daekgoanq, dix haxdoq goz dix: "Gaenqpiu mex Mihsaiqyaq eh!" Mihsaiqyaq zoq zawh hax Jizduz. 42Anzdowhleh zoq zowz goz dix mwz dih Yezsuz naeh. Yezsuz lez dix gau ux yaq, hax: "Mawz zawh Cizmaenh goanz lug zaiz Yezhanq naeh, mwznaj rongx mawz hoak Jizfah." Jizfah zoq zawh hax Bihdowh. Jizfah zawh kauq Yaqlanh, Bihdowh zawh kauq Cizlah, daengz song aen minxzwh naeh zawh hax "tin dwx."
Yezsuz Caeu Faezliq Daj Nahdanqyeh Hoak Cohsaenz Dix
43Gvaq vaenz ux yaq, Yezsuz loangzdin bae mbanj Zazliqliq. Dix bae taen Faezliq, dix zoq daj Faezliq hax: "Maz nowngz gux, hoak cohsaenz gux." 44Laemh goanz Faezliq naeh, dix zawh dij goanz ndaw longq Boahsaiqdaq, daj Anzdowhleh, Bihdowh zawh daeq dihndeu maz. 45Faezliq zoq hoak cohsaenz dix, yaq dix bae taen Nahdanqyeh, dix haxdoq Nahdanqyeh: "Goanz ndaw Sw fahlih Moahciz laiz hax rux daeuj naeh, goanz daengzle puj zawxkauq dij Sen mai hax rux daeuj naeh, haeuz daeuj zaeh eh, gaenqpiu haeuz taen eh, dix zoq zawh Yezsuz ndaw longq Nazsahlowh, goanz lug zaiz Yezsowh naeh." 46Nahdanqyeh hax: "Nazsahlowh naengz rux miz gaeng baenz ndaej ah?" Faezliq hax: "Mawz maz lez!" 47Yezsuz leztaen Nahdanqyeh daeq maz doq dix, zoq hax: "Su lez, goanz naeh zawh dij goanz Yixsowhleh singjringh, ndaw zaw dix mboq goix saek'i." 48Nahdanqyeh cham dix: "Mawz hoakzaqrawz ruxnaj gux mux?" Yezsuz hax: "Faezliq naengz mboq goak dwk mawz, mawz yuq goak maex maeg'vowh, gux zoq leztaen mawz yah." 49Nahdanqyeh hax: "Lazbix, mawz zawh lug zaiz dij Sen, mawz zawh laux hongz Yixsowhleh!" 50Yezsuz hax: "Cholaeng gux haxdoq mawz ‘Gux leztaen mawz yuq goak maex maeg'vowh,’ mawz zoq sinq yax? Mawz naengz rux ndaej taen sowh saeh dwx nyeuz sowh saeh naeh." 51Dix daeuq hax: "Gux haxdoq su swhlit, gaenqsu rux ndaej taen fax aj, boangx Bin dij Sen yuq ndang gux Lug dij Goanz kwnj loangz kwnj loangz."#1:51 Yezsuz kwnzkwnz aeu aen minxzwh Lug Dij Goanz naeh nyaek hoakri. Aen minxzwh Lug Dij Goanz naeh yuq Sw Danqyixlix 7:13-14. Pujzawxkauq dij Sen, Danqyixlix, hax: Zang'haemh gux daj paen'hwnz dungzlumj leztaen miz goanz ux daj lug dij goanz dungzlumj. Dix kviq pajfax maz dih dij Sen bwnzmiz miz daengznauq naeh. Daenh zoq lingz dix mwz doqnaj dij Sen naeh. Gaenqdix ndaej dawjfax sowh rux gvanx daengzle naeh, gaj goanz gaj biangz dix, gaj goanz gaj biak dix. Hoakzaqnaeh, goh rawz gojvenj, changz rawz gojvenj, dij goanz hax sowh kauq rawz gojndae daengzle biangz dix, nwngz dix. Lug dij Goanz gvanx daenh daengznauq, mboq miz gawz hawj goh dix lown.

Currently Selected:

Yezhanq 1: ZHN

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy