Puj Saeq 5
5
Diauq Dixbozlaz Daj Bazlaz Lownx Naeh
1Vaenz gaengnaeh, Dixbozlaz daj Bazlaz goanz lug zaiz Yaqbixnoah'anz naeh song goanz dix lownx biangz dij Sen, hax:
2"Ndaw Yixsowhleh miz puj saeq lingz goanzlai,
goanzlai goj haeggaj venq mwz dungzsaeuh,
baenzzaqnaeh gaenqsu yauq biangz Yez'hoahhuah oaj!
3"Laux hongz aj, gaenqsu biak oaj; puj saeq aj, gaenqsu ndingq chu biak oaj.
Gux lownx dwk Yez'hoahhuah;
gux biangz Yez'hoahhuah dij Sen puj Yixsowhleh.
4"Yez'hoahhuah aj, mawz daeq ndaw Cizex loangzdin,
daeq ndaw doangh Yixdungz maz,
zwz naeh dihndin fenz, pumhfax roh,
pajfax goj miz paen daeuj.
5"Bo, daengzle yuq doqnaj Yez'hoahhuah fenz nauq,
Bo Ciznaiq yuq doqnaj Yez'hoahhuah dij Sen puj Yixsowhleh goj zawh venj naeh.
6"Jeh Sanzzaz, goanz lug zaiz Yaqnah naeh,
jeh Yaxyiq naeh, ka loh dwx mboq miz gawz daeq,
puj gvaq loh vaenx daeq gangq.
7-8Puj Yixsowhleh lowg dij sen mawq,
puj yowngh ndai zoq maz saeuh puj Yixsowhleh,
siq fanh goanz puj Yixsowhleh mboq miz mbangh dwnqpaih rawz, mboq miz maeg chog rawz.
Puj Yixsowhleh sowh puj lingz daenh dungzsaeuh naeh lamq bae rawz nauq,
taengdiak gux Dixbozlaz dwnq maz,
taengdiak gux dwnq maz hoak meh puj Yixsowhleh.
9Gux aeu puj saeq Yixsowhleh nyaengxzaw;
paenqdix venq cholaeng goanzlai daengz mboq aeu aen mingh saw.
Gaenqsu yauq biangz Yez'hoahhuah oaj.
10"Sowh puj kviq dij loix kau naeh aj,#5:10 Zwz naeh sowh puj kviq dij loix kau naeh kwnz zawh puj saeq dwx loaj, laux hongz loaj.
sowh puj kviq now an paeng naeh aj,
sowh puj aeu din daeq naeh aj,
gaenqsu yauq biangz Yez'hoahhuah oaj.
11Sowh puj yuq sowh dih daj hiang maeggoang dungzgvae naeh daek naemx naeh,
paenqdix toj laemh sowh saeh ndae Yez'hoahhuah hoak naeh,
zoq zawh sowh saeh ndae dix hawj puj saeq Yixsowhleh hoak naeh.
"Zwz naeh, dij goanz Yez'hoahhuah bae dih baegdu ndaw chaenh naeh.
12"Dixbozlaz aj, jinh oaj, jinh oaj!
Bex eh, hoak lownx ndeh!
Bazlaz, goanz lug zaiz Yaqbixnoah'anz naeh, dwnq maz,
zowz sowh dij goanz mawz gaep ndaej naeh bae ndeh.
13Zwz naeh baih raeuz sowh puj saeq naengz low naeh daj goanzlai zaemh daeuj;
dij goanz Yez'hoahhuah daeuj saeh gux saeuh sowh puj dungzgaenx zaengx naeh.
14Paenqdix daeq Yixfahleanh daeuj,
dih paenqdix yuq naeh goaklaeg zawh dih puj Yaqmaxlih.
Paenqdix nowngzlaeng ngah Benqyaqminh naeh daeuj;
miz puj saeq daeq Maxjeh daeuj,
miz sowh puj saeq gaem maexdaeux anq dij goanz naeh daeq ngah Cizbuqlunh daeuj.
15Puj saeq Yixsahzaz daj Dixbozlaz zaemh daeuj,
ngah Yixsahzaz naeh daeuj, Bazlaz goj zaemh daeuj,
paenqdix nowngz Bazlaz bae din bo dih piang naeh.
Ngah Loixbenq naeh goanz ux lej nwh baenz zaq ux.
16Gaenqsu baenzzaqrawz naengh ndaw langh dij mbej,
gaenqsu zawx biak sowh hiang naeuz baeuq rongx dij mbej naeh maj?
Ngah Loixbenq naeh changz ux lej nwh baenz zaq ux.
17Puj Jizleh yumq yuq ka dah Yezdanq baih tang'vaenz og naeh ndowj naeujngah!
Puj Danq gojvenj baenzzaqrawz naengz gaj yuq ndaw lowz ced mux?
Puj Yaqsowh yumq yuq haenz haij naengh naeujngah!
Yumq yuq baeg haij ndowj naeujngah!
18Gaj puj Cizbuqlunh dungzsaeuh mboq mbu tai;
puj Nahfuhtazliq yuq sowh dih dungzsaeuh naeh goj zawh venj naeh.
19"Puj hoak hongz daengzle maz saeuh puj Yixsowhleh;
zwz naeh, le laux hongz ndaw Zaznanh naeh
yuq haenz naemx Mixjehdoz dih rongx hoak Taznah naeh saeuh puj Yixsowhleh;
gaj paenqdix longx mboq ndaej ngaenzjenz.
20Ndaundiq yuq ndaw fax saeuh,
daeq rongh hoakri mbin naeh saeuh daeuj doq baih Cizcizlaz.
21Ka dah Jizcunq, ka dah zwzndowj naeh daengh paenqdix lae,
Minghkoan gux aj, caqsiq daeq mwz naj!
22"Zwz naeh miz hiang dij max lenh chungndae taeuq,
dij max Cizcizlaz lenh daengz mbaed yamq mboq aeu nauq.
23"Bin Yez'hoahhuah hax:
Chaenxfah puj Mixloahsez,
Chaenxfah dij goanz dih naeh naeuz naek ux,
paenqdix mboq maz saeh Yez'hoahhuah,
mboq maz saeh Yez'hoahhuah saeuh sowh puj dungzgaenx zaengx naeh.
24"Ngwz Yaxyiq goanz mijmez Cizbowh goanz puj Jiznih naeh
yuqndae nyeuz puj nyingz ndai,
sowh puj nyingz yuq ndaw zangjpungh ndowj naeh ngwz zawh Yaxyiq yuqndae nyeuz daengzle.
25 Cizcizlaz cham Yaxyiq aeu naemx ndut;
Yaxyiq aeu neuhnaix hawj dix,
aeu sowh baed biangz naeh deq sowh neuhnaix chanq baenz ndoaq naeh hawj dix.
26 Yaxyiq mungzsaix gaem saeulaek zangjpungh,
mungz sa gaem sowh hunxdog puj hoak zangh naeh;
saeuh Cizcizlaz;
dog to dix gong;
dog goaknyit dix roh.
27 Cizcizlaz yuq naj din dix koa laemx,
yuq naj din dix ed;
Cizcizlaz yuq dih naeh koa laemx,
yuq dih naeh tai.
28"Meh Cizcizlaz daeq ndaw ruzdangq lez bae doq baihnog,
yuq haenz ruzdangq hoakzaqnaeh gongz:
‘Chowz dix baenzzaqrawz ndowj ndowj naengzgaj mboq dauh maz wznoax?
Dij max dix baenzzaqrawz daeq bwnq baenzzaqnaeh wznoax?’
29Sowh puj nyingz yuq rownz hongz naeh sowh puj nyingz gvai naeh yaeng dix,
hoakri dix goj haeggaj hoakzaqnaeh yaeng hoakri:
30‘Ingj zawh paenqdix longx ndaej za'hoq, dungzbaen za'hoq naeuh!
Ingj zawh puj zaiz paenqdix naengzgaj nyaeux puj nyingz Yixsowhleh naeuh!
Laux ux nyaeux goanz ux song goanz!
Ingj zawh Cizcizlaz saeuh bex ndaej sowj laiz daengz song baih va ndog'va naeh naeuh! Aeu sowh sowj laiz naeh baz mwz goakhoz.’
31"Yez'hoahhuah aj, ngwz sowh puj daj mawz hoak dangqbaih naeh hoakzaq Cizcizlaz naeh lown nauq!
Ngwz sowh puj ngaiq mawz naeh daj tang'vaenz og maz dungzlumj, lownq taeuq, haen taeuq."
Yaq puj Yixsowhleh ndaej yuqvangq siqsip bi.
Currently Selected:
Puj Saeq 5: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.