Puj Saeq 12
12
Yezfuhtaz Daj Puj Yixfahleanh Dungzsaeuh
1Puj Yixfahleanh zaemh maz, kamj ka dah Yezdanq maz taeng Saxfaenz, daj Yezfuhtaz hax: "Mawz kamj bae saeuh puj Yaqmaenh, mawz baenzzaqrawz mboq rongx piu daj mawz zaemh bae mux? Mbaenqnaeh gaenqpiu aeu faez pyaeu mawz daj aen rownz mawz." 2Yezfuhtaz daj paenqdix hax: "Gux, dij goanz gux daj puj Yaqmaenh dungzsaeuh jinx taeuq, gux rongx su, gaj gaenqsu mboq daeuj jeuq gaenqpiu ni dawj mungz paenqdix. 3Gux taen gaenqsu mboq daeuj jeuq gux, gux zoq mwz daj puj Yaqmaenh dungzsaeuh daengz mboq aeu aen mingh saw, Yez'hoahhuah hawj paenqdix doak dawj mungz gux. Gannaeh gaenqsu baenzzaqrawz naengz maz inxnaeh saeuh gux mawj?" 4Puj Yixfahleanh ndaej hoakzaqnaeh hax puj Jizleh: "Puj Jizleh su yuq ndaw Yixfahleanh daj Maxnahciz, dungzsaeuh zaeh maz, ruxgaj lenh gowx puj Yixfahleanh piu naeuj." Baenzzaqnaeh Yezfuhtaz zoq rongx daengzle dij goanz ndaw Jizleh maz, daj puj Yixfahleanh dungzsaeuh, paenqdix kaj puj Yixfahleanh. 5Puj Jizleh dawz baegloh ka dah Yezdanq naeh nauq nauq, mboq jinx puj Yixfahleanh gvaq bae. Jixzawh puj Yixfahleanh sowh puj lenh ni naeh hax: "Hawj gux gvaq bae mah." Puj Jizleh zoq cham dix: "Mawz zawh puj Yixfahleanh vah?" Jixzawh dix hax: "Mboq zawh." 6Puj Jizleh zoq daj dix hax: "Mawz ciq hax ‘Swqbozleh,’" Puj Yixfahleanh hax gaemz naeh hax mboq saw, hax baenz: "Cizbozleh," Puj Jizleh zoq jenj paenqdix, yuq ndaw baegloh Yezdanq naeh kaj paenqdix. Zwz naeh, puj Yixfahleanh zoah kaj siqfanh ngih goanz.
Yezfuhtaz Tai
7 Yezfuhtaz goanz puj Jizleh naeh gvanx puj Yixsowhleh choak bi. Dix tai yaq, aeu moak ndaw chaenh Jizleh.
Yixbixzanq
8 Yezfuhtaz tai yaq, Yixbixzanq goanz ndaw Bozliqhaenh naeh gvanx puj Yixsowhleh. 9Dix miz samsip goanz lug zaiz, samsip goanz lug nyingz; Dix kai daengz samsip goanz lug nyingz dix bae baihnog, dix goj daeq baihnog raep puj nyingz maz hawj samsip goanz lug zaiz dix hoak mez. Dix gvanx puj Yixsowhleh jiat bi. 10Yixbixzanq tai yaq, aeu moak ndaw Bozliqhaenh.
Yixlunh
11 Yixbixzanq tai yaq, Yixlunh goanz puj Cizbuqlunh naeh gvanx puj Yixsowhleh sip bi. 12Dix tai yaq, aeu moak dih Yaqyaxlunh ndaw Cizbuqlunh naeh.
Yazdunq
13Yixlunh tai yaq, Yazdunq goanz lug zaiz Cizleh goanz puj Bixlazdunq naeh gvanx puj Yixsowhleh. 14Dix miz siqsip goanz lug zaiz, samsip goanz lan zaiz, boangxnaeh kviq jiatsip do loix. Yazdunq gvanx puj Yixsowhleh biad bi. 15Dix tai yaq, aeu moak dih Bixlazdunq ndaw Yixfahleanh naeh, zoq zawh bo'mbanj puj Yaqmaxlih naeh.
Currently Selected:
Puj Saeq 12: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
