Habacuc 1
1
Habacuc ya sc'an parte yu'un bila ma lecuc ta pasel
1Ja' sc'op Cajwaltic te ac'bot sna' stojol te j'alwanej Habacuc.
2La yal te Habacuc:
—Cajwal, ¿jayeb to buelta ya x'awunon ta sc'anel coltayel,
te ma ba ya awaiybon stojole?
¿Jayeb to buelta ya xc'opojon ta aw yu'un te uts'inel yac ta pasel,
te ma xtal acoltayon yu'une?#Job 21; Sal 13.1-2; 73.4-14; Jer 12.1-4; 14.9; Ap 6.10.
3¿Bistuc ya awac'bon quil bayal uts'inel soc te bila amene?
Joytaybilon yu'un te j'uts'inwanejetic soc te jlajinwanejetique;
ta spisil ta bayuc ay guerraetic soc c'opetic.
4Ma ja'uc ay ta tuuntesel te mandaliletique;
ja' nax ay ta pech'el ta teq'uel te bitic sc'oplal ya xc'ot ta jwentatique.
Te bila amen ja' yac ta stenel te bila leque;
jich yac ta jinel te chajbanele —xi'.
Cajwaltic ya yac'bey sujt'ib
5La yal te Cajwaltic:
—Te ja'exe ilawilic te nacionetic te sjoytayejexe;
ilawil, soc nojuc me ta awo'tanic xiwel yu'unic.
Ayonix ta spasel jchajp at'elil te yan yilel,
te ma niwan ya xch'uun awo'tanic,
manchuc me ay mach'a ya yalbeyex awaiyique.#Hch 13.41.
6Ya cac' xchajban sbaiquix ta guerra te caldeoetique,#2 R 24.2.
ja'ic te c'ajc' yo'tanic, te spisil ora toyol yo'tanic yu'un
te ya xbeenic ta spamal balumilal ta juju-jejch'
ta swenta yu'uninel te q'uinaletic te ma'yuc ta swentaique.
7Tulanic ta jyalel, soc xiweltic me sbaic,
ma'yuc bay ya sna'ic yan mandalil a te bit'il ay yu'unique.
8Te scaballoic c'axem jich ya x'animajic a te bit'il leopardo-choj,
c'axem jich yixtaelic a te bit'il ja'mal ts'i'etic
yu'un jochol taquin q'uinal.
Te mach'a cajajtic ta spat caballo jchajp ya x'animajic soc a,
bayal yajtalul ta jyalel,
soc c'ubul to ya xwilic tel ta sjajch'esel guerra.
Jich c'oemic te bit'il jxic te ya xwil bael ta stojol te bila ya stsaque.
9Spisil ya slajin c'alal ya xc'axic ta beel;
te bit'il yacal ta c'axele, yac ta sts'unel bael te xiwele.
C'axem to xan tsobol ya xchuquic bael,
jich yipal bit'il sji'al mar.
10Ya slabanic te muc' ajwaliletic
soc winiquetic te muc' sc'oplalique.
Ya stse'luyic te ts'ajq'uetic te ay ta sjoyobal te lumetique,
yu'un ay bila ya sbusanic ta spat, jich ya xwilic ochel ta lum.
11Jich ya xc'axic ta beel te bit'il tulan ic';
ja' nax ya smuc'ulin yo'tanic te yipique, ja' dios c'oem yu'unic stuquel
—xi' te Cajwaltique.
Ya sc'an xan parte Habacuc
12La yal te Habacuc:
—Cajwal, ¿yu'un bal ma'yucat ta sbajt'el q'uinal,
ja'at te Ch'ul Diosat cu'un te mero ma xlajat atuquele?
Cajwal soc jcanantaywanejat cu'un,
ja'at la awac'bey yipic te caldeoetic
swenta yu'un ja' ya yaq'uic castigo ta awenta.
13Te ja'ate c'ax jelawen awutsilal,
ma snujp'in ya awil te bitic ma lecuque;
ma lecuc awo'tan yu'un te mulile.
¿Bi yu'unix a jiche te ma'yuc bila ya awalbey te j'uts'inwanejetique,
te ma xc'opojat yu'un ta stojol te mach'a c'ax amen yo'tanic
te yac ta slajinel te mach'atic ma pajaluc yo'tanic soque?#Sal 5.4-6.
14¿Bi yu'un jich yacat ta spasbeyel te winiquetic
te bit'il chayetic ta mar,
jich bit'il chambalametic te ma'yuc ajwalil yu'unique?
15Te caldeoetic ya yu'unin yantic nacionetic
jich bit'il te jtsac-chay ya yu'unin te chayetique.
Ya stsac soc anzuelo soc yantic tsacjibal;
te c'alal ya yilic tsobol chayetic, ya xbujts'naj yo'tanic yu'un.
16Jich yu'un te jtsac-chaye ya squejan sba
ta stojol te tsacjibal soc anzuelo yu'une,
soc ya yac'bey milbil majt'anil, soc ya xchic'bey pom ta yich'el ta muc'.
“Wocol awal”, ya yutic, melel ay swe'elic ta lec yu'un.
17¿Jich bal ya spasulayic bael te caldeoetic te ya stsacoticta xchojaq'uique?
¿Jich bal puro milaw bael te mero ma'yuc ta
na'beyel yo'bolil sbaic te ants-winiquetique? —xi'.
Currently Selected:
Habacuc 1: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.