Jonás 2
2
La sc'opon Dios Jonás
1Te c'alal ay ta xch'ujt' chay a te Jonás, la sc'opon te Cajwaltic, ja' te Dios yu'une. 2Jich la yal:
—Cajwal, te c'alal ayon ta wocol ae, la jc'oponat, la ajac'bon te jc'ope.#2 S 22.7; Sal 18.6; 120.1.
Te c'alal ayonix ta swenta la caiy te lajele,
la jc'oponat, la awaiybon te jc'ope.#Sal 130.1; Lm 3.55.
3La ach'ojon coel ta mero sc'ubulil mar,
te banti la spotson te yip sbeel te ja'e,
soc te banti c'ax ta jba awu'un te stulanil yip te ja'e.#Sal 42.7; 88.3-7.
4Jich c'oemon la caiy te bit'il jc'axel loq'uesbilon ta atojole;#Sal 31.22.
soc jich la jcuy te ma'yuc bi ora ya quilix te ch'ul templo awu'une.
5Melel jc'axel mulon ta yolil mar,
jc'axel mululon ta sc'ubulil mar,
soc la sjal sba ta jol te wamal ta yutil mar.
6C'axon xan coel a te banti yich'oj jajch'el tel yip te witstiquile,#Sal 69.2.
jich la caiy te bit'il jc'axel macalon jilel tey ae.
Pero ja'at, Cajwal, Dios cu'un, ya acoltayon loq'uel,
ma ba ya awac'on bael ta muquenal.#Sal 30.3.
7Te c'alal la caiy jba te nopol ya xlajonixe,
la jna'at, Cajwal;
c'ot ta atojol c'alal ta ch'ul templo awu'un te jc'ope.
8Te mach'atic ya xch'uunic te loc'ombaetic,
jich ya xchebaj yo'tanic ta atojol;
9yan te jo'one bin nax co'tan ya calbat yutsil ac'oplal
soc ya cac'bat milbil amajt'an.
Jich me ya xc'ot ta pasel a te bila caloj ta atojole.#Sal 22.25.
Ja'at nax atuquel Cajwal, te ya xju' ya xcoltaywanate
—xi' te Jonase.
10Jich yu'un te Cajwaltic la spas ta mandal te muc'ul chaye, tey ba xejtay loq'uel a te Jonás ta ti'mar.
Currently Selected:
Jonás 2: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.