Amós 2
2
1Jich ya yal xan te Cajwaltique:
—Te mach'a ayic ta Moab#Is 15.1—16.14; 25.10-12; Jer 48; Ez 25.8-11; Sof 2.8-11. bayal buelta spasojic te bila amene.
Ma me jichuc nax ya xjil,
ya me cac'bey castigo yu'un.
Melel la xchic'beyic sbaquel te muc' ajwalil yu'un Edom,
la sc'atp'unic ta tan ta jyalel.
2Jich yu'un ya me cac'bey sc'aal te sq'uinal Moab,
tan me ya xjil yu'un te muc'ul naetic ta Queriot
te c'alal ay aw yu'un guerra soc te
ya x'oq'uesinot oq'ues.
Jich me ya xlajic te moabetique.
3Ya me jloq'uesbey ta yolil te lum te muc' ajwalile;
ya me jmil, soc te winiquetic te muc' sc'oplalic yu'une —xi'.
4Jich ya yal xan te Cajwaltique:
—Te mach'a ayic ta Judá bayal buelta spasojic te bila amene.
Ma me jichuc nax ya xjil, ya me cac'bey castigo yu'un.
Melel ma la sc'an yo'tanic te p'ijubtesel yu'un Cajwaltic,
soc ma la xch'uunbeyic te mandaliletic yu'une.
Ja' la xch'uunic te yajcananic te la xch'uunic te sme'-statique.
5Jich yu'un ya cac'bey sc'aal te Judá,
tan me ya xjil yu'un te muc'ul naetic ta Jerusalén#Os 8.14. —xi'.
Chajbanel ta stojol Israel
6Jich ya yal xan te Cajwaltique:
—Te mach'a ayic ta Israel bayal buelta spasojic te bila amene.
Ma me jichuc nax ya xjil, ya me cac'bey castigo yu'un.
Melel la xchonic bael te mach'atic ma'yuc smulique;
te mach'a me'baetic, jun nax par zapato la sjelic bael a.
7Ya stenic ta uts'inel soc ya spejc'anic
te mach'atic me'baetique;
soc ma xyac'beyic lequil chajbanel
te mach'atic peq'uelique.
Te winic soc nix te snich'ane, jtul nax ants ayic ta sc'oponel,
jich ya sboltesbonic sc'oplal te jch'ul-biile.
8Tey ya sliman sbaic ta we'el ta bay c'u'il te la yich'ic ta prendal,
jich ya yac' sbaic ta we'el ta swenta yich'jibal ta muc'te yajcananique.
Ja' taq'uin yu'un multa te ma'yuc swentail
la sc'anic te ya smanic vino a,
te ya yuch'ic ta bay templo yu'un te bila sdiosinejique.#Ex 22.26-27; Dt 24.12-13.
9Yan te jo'on la jambeyex ochel abeic,
la jin te amorreoetique;#Dt 3.8-11.
la jlajin ta jc'axel,
manchuc me c'ax najt'ic jichuc cedroetic soc
tulanic jichuc c'antulanetic.
10“Ja'uc me to, la jloq'uesex tel ta Egipto,
soc la quiq'uex ta beel cha'winic (40) ja'wil
ta jochol taquin q'uinal
swenta yu'un ja' ya cac'beyex te sq'uinal amorreoetique.#Ex 20.2; Dt 8.2-16.
11Ja'ex israeletic, ma xju' ya amuc ta awo'tanic
te ay la cac'bey yich' yat'elic ta j'alwanejetic soc ta nazareo te awal-anich'anique#Nm 6.1-8.
—xi' ta tulan te Cajwaltique.
12“Ja'uc me to, te ja'ex la asujic ta yuch'el vino te nazareo,
soc la acomic te j'alwanejetic te c'opojic ta jwenta.
13Lec ay jiche, jo'on ya jnet'at c'oel ta lum
jich bit'il ya xnet'awan yacan carreta buen
nojel te yijc'atse.
14Manchuc me bayal ya x'animajex, ma nix yu'unuc ya xcolex a;
te mach'a tulane ya me xlaj yip,
soc ma xcol te mach'a tulan yo'tane.
15Te jt'imuywanej ma me xcujch' yu'un;
ma me xcolic
ni te mach'a tulan ya x'animaje,
ni ja'uc te mach'a ya x'an bael soc caballo.
16Te bi c'aalil ya xc'ot ta pasele,
asta te mach'a mero tulan yu'un guerra
ya xch'oj jilel te yat'ejib, swenta yu'un ya xju' ya x'an bael a
—xi' ta tulan te Cajwaltique.
Currently Selected:
Amós 2: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.