Susuuon 23
23
1Mongontong marong i Poulus di Pinonguntunan di Tongokotua om kadisido, “Oou kosusuladanku, aandai i kopurimanan di ginavoku do aandai i gaagayaku si di Kinoringan sampai do maino,” ka. 2Om iOnonias i Imam Tagajo minonuu di tongotulun mingkakat siri somok di Poulus do manapap di kabang di Poulus. 3Nga kadi Poulus di Imam Tagajo, “Manapapkoi dogo nga insan ika nga tapaponko do Kinoringan. Aandai daa ino pamarasannu,#23:3 pamarasan: vuros nga ginavonu nopo nga araat. Mogomko momisara dogo maja do Undang-undang di Musa, nga ika kondiri aukoi maja do Undang-undang di Musa. Do aupo nobisara oku om monuukono do tulun manapap dogo,” kadi Poulus.
4Kadi tulun di poingkakat si somok di Poulus, “Nokokuro do mangararaatko do Imam Tagajo?” ka.
5Om jawapno dii i Poulus do ka, “Oou kosusuladanku, au oku koilo nong isidono i Imam Tagajo, do kivaro tinangaran do Kinoringan siri Kitab do irad diti, ‘Ada kou mangararaat di kotua muju,’ ka,” kadi Poulus.#Antangai Kinolobusan 22:28.
6-8Nga kaantangai dii di Poulus i Pinonguntunan di Tongokotua do nopiintanga kumpulan Soduki om kumpulan Porisi. Nga oilaan di Poulus i ponudukan di kumpulan Soduki irad diti, “Aui ovijau kavagu i tulun nongapatai laid, om auso moloikat om auso tatod,” kadiolo. Nga aparsaya i kumpulan Porisi kasangkat diri. Jadi luvapno dii i Poulus si di Pinonguntunan di Tongokotua do ka, “Oou kosusuladanku, iokuno iso tulun mantad do kumpulan Porisi, om moloingku nga mantad do kumpulan Porisi nogi. Bisarawon oku dikovu sabap nakatangar oku do, ‘Aparsaya oku do ovijau kavagu i tulun nongapatai laid,’ kangku,” kadi Poulus.
Pogtangar di Poulus irad diri, om tumimpuun i kumpulan Porisi om i kumpulan Soduki moisisival, om minoibabaagi i tongotulun diri. 9Om ongalava iolo om sonluvap-luvap. Om piipiro tulun mantad do kumpulan Porisi i monunuduk di Undang-undang Ugama do Joudi miningkakat om ogiat iolo kumisival do, “Ausoi kasalaan di Poulus naantanganja. Sombo dii oilaan nong oinomod do kivaro iso tatod ko iso moloikat mitangar disido,” kadiolo.
10Om majo-gajo i poisisivalan di kumpulan Porisi om i kumpulan Soduki gosob do rumosi iri kotua di oribu soujor do poigagajaton diolo i Poulus. Jadi sinuu di kotua diri soujor i tongosoujorjo mindaau siri di tongotulun do mongongoi di Poulus mantad si diolo, om oviton muli silo kuta.
11Om sodop diri om miningkakat i Tuhan siri somok di Poulus do mitangar disido, “Ada kosurau ino ginavonu do nakapasaksiko Dogo siti Yorusalim, om irad nogi dino do misti pasaksiko Dogo soi Bandar do Ruum,” ka.
Minoiupakat i Tongotulun Joudi Mamatai di Poulus
12-13Minsasarap di susuvab, om kivaro lobi apat nopulu tulun Joudi minoiuntun do moiupapakat, om kopiiso dii iri ginavo diolo do mongibot#23:12 mongibot: sumumpa si di Kinoringan do ka, “Au ikoipo mangakan om mongiup nong aupo apataija i Poulus,” ka. 14Om minongoi iolo siri di tongokotua do imam om i tongomoloingon, om kadi apat nopulu tulun, “Minongibot#23:14 Minongibot: Sinumumpa ikoi si di Kinoringan do au ikoipo mangakan do onuu nopo nong aupo apataija i Poulus. 15Nga aandai do moiupapakat kou di tongotulun vokon si di Pinonguntunan di Tongokotua om mokitulung kou do kotua di oribu soujor mongovit di Poulus siti dikovu, irad do kivaro torisidon muju mongoduat si disido. Nga minsosomok nopo i Poulus siti avangan om patajonja isido,” kadi apat nopulu tulun.
16Nga nokorongou nopo dii iri tanak kusai sulod di Poulus tongondu do irad diri poiupapakatan diolo, om ongoino dii isido masu siri kuta do mangaabar di Poulus diri poiupapakatan di tongotulun Joudi.
17Korongou nopo dii i Poulus om loovono dii disido iso kotua di aatus soujor om kadi Poulus, “Ovito iti tomulok#23:17 tomulok: vavajoi mongoi silo kotua di oribu soujor, do kivaro tangaronjo diri kotua soujor,” ka.
18Jadi ovitono dii di kotua di aatus soujor iri tomulok si di kotua di oribu soujor om kadisido, “Linoou oku di Poulus i poinjiil do mokitulung mongovit diti tomulok siti dikau, do kivaro tangaronjo dikau,” ka.
19Kuutaino dii di kotua di oribu soujor iri longon di tomulok om ovitojono dii iri tomulok siri sosodu do duduvo iolo om duatono dii do ka, “Onu daa tangaronnu dogon?” ka.
20Om jawapno dii i tomulok di kotua di soujor do ka, “Kopiiso ginavo di tongotulun Joudi do mokitulung dikau mongovit di Poulus siri Pinonguntunan di Tongokotua suvab, irad dino soro do kivaro tangaron diolo mongiloilo di Poulus. 21Nga adano tumbojoo iri tinangaran diolo, do kivaro lobi apat nopulu tulun mongindad do mangavang di Poulus do mamatai disido, do minongibot iolo si di Kinoringan do, ‘Au ikoipo mangakan om mongiup salaid do aupo apataija i Poulus,’ kadiolo. Om maino nosiapno iolo om mongindadpo di janjinu,” kadi tomulok.
22Jadi jawapno dii i kotua di oribu soujor, “Ada popoilo do tongotulun iri niabarnu dogon,” ka. Om suuono dii di kotua soujor i tomulok muli.
Niatod i Poulus siri di Gobonor Pilik
23Om loovono dii diri kotua di oribu soujor iri duvo kotua di aatus soujor, om bilinaino dii disido iri duvo tulun, “Pukul sombilan sodop diti untunono duvo naatus soujor, om turu nopulu soujor sumako do kuda, om duvo naatus soujor kigatan, om mampanau kou gosob Bandar Koisoria. 24Om sumodia nogi piipiro kuda do pasako di Poulus, om ovitono isido kaandai-andai mongoi siri di Gobonor Pilik,” kadi kotua di oribu soujor.
25Om tinulis di kotua di oribu soujor iso surat do irad diti,
26“Ou Gobonor Pilik, ikano i datu i rorojoonja marong.
Iokuno Koloudius Losias pokirim tabi dika. 27Popoilo oku dikau do i Poulus nopo diti nga tinangkap di tongotulun Joudi do mamatai daa iolo disido. Nga nokorongou okuno do kivaro warga nagara do Ruum disido, jadi pinavajaku i tongosoujor do mongongoi di Poulus mantad siri di tongotulun Joudi. 28Om moo oku rumongou nong onu sabap do daawaan di tongotulun Joudi i Poulus, jadi inovitku isido gumotuvang siri di Pinonguntunan di Tongokotua diolo. 29Koopod nopo dii iolo momisara om koilaaiku dii do au apatut do patajon ko pojiilon i Poulus. Nga irino iri pangadaawaan diolo iri Undang-undang Ugama diolo kondiri. 30Om karangaaiku dii do minoiupakat i piipiro tulun Joudi mamatai di Poulus, jadi tontuokui dii do pootodonku isido sino dikau. Om sinuuku i tongotulun i mangadaawa di Poulus mongoi sino dikau popoilo dikau nong onu dii iri idaawa diolo disido.
Iti itino tangaronku dika,”
kadi kotua di oribu soujor saralom di suratjo.
31Jadi inovit di tongosoujor i Poulus irad di nibilin diolo om sodopi diri nokorikot iolo soi Bandar Ontipotis. 32Susuvabpo dii om minoiririjang i tongosoujor. Iri nopo tongosoujor minampanau takod nga minuli siri kuta, om iri nopo tongosoujor sumako di kuda nga linumombus mongovit di Poulus mongoi soi Bandar Koisoria. 33Korikot nopo dii i tongosoujor om i Poulus siri Bandar Koisoria om pinogotuvang dii di tongosoujor i Poulus siri di gobonor om nitaak diolo iri surat si disido. 34Nabasa nopo dii di gobonor iri surat om duatono dii disido i Poulus nong sombo nontodon disido. Koilaai nopo dii di gobonor i Poulus mantad si Vonuvo Kilikia, 35om kadi gobonor, “Korikotpo iri tongotulun mangadaawa dikau om salasaionku nogi ika,” ka. Om binilinan disido i tongosoujor mangajaga di Poulus siri valai do raja, iri vinaal di Raja Irudis.
Currently Selected:
Susuuon 23: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
Susuuon 23
23
1Mongontong marong i Poulus di Pinonguntunan di Tongokotua om kadisido, “Oou kosusuladanku, aandai i kopurimanan di ginavoku do aandai i gaagayaku si di Kinoringan sampai do maino,” ka. 2Om iOnonias i Imam Tagajo minonuu di tongotulun mingkakat siri somok di Poulus do manapap di kabang di Poulus. 3Nga kadi Poulus di Imam Tagajo, “Manapapkoi dogo nga insan ika nga tapaponko do Kinoringan. Aandai daa ino pamarasannu,#23:3 pamarasan: vuros nga ginavonu nopo nga araat. Mogomko momisara dogo maja do Undang-undang di Musa, nga ika kondiri aukoi maja do Undang-undang di Musa. Do aupo nobisara oku om monuukono do tulun manapap dogo,” kadi Poulus.
4Kadi tulun di poingkakat si somok di Poulus, “Nokokuro do mangararaatko do Imam Tagajo?” ka.
5Om jawapno dii i Poulus do ka, “Oou kosusuladanku, au oku koilo nong isidono i Imam Tagajo, do kivaro tinangaran do Kinoringan siri Kitab do irad diti, ‘Ada kou mangararaat di kotua muju,’ ka,” kadi Poulus.#Antangai Kinolobusan 22:28.
6-8Nga kaantangai dii di Poulus i Pinonguntunan di Tongokotua do nopiintanga kumpulan Soduki om kumpulan Porisi. Nga oilaan di Poulus i ponudukan di kumpulan Soduki irad diti, “Aui ovijau kavagu i tulun nongapatai laid, om auso moloikat om auso tatod,” kadiolo. Nga aparsaya i kumpulan Porisi kasangkat diri. Jadi luvapno dii i Poulus si di Pinonguntunan di Tongokotua do ka, “Oou kosusuladanku, iokuno iso tulun mantad do kumpulan Porisi, om moloingku nga mantad do kumpulan Porisi nogi. Bisarawon oku dikovu sabap nakatangar oku do, ‘Aparsaya oku do ovijau kavagu i tulun nongapatai laid,’ kangku,” kadi Poulus.
Pogtangar di Poulus irad diri, om tumimpuun i kumpulan Porisi om i kumpulan Soduki moisisival, om minoibabaagi i tongotulun diri. 9Om ongalava iolo om sonluvap-luvap. Om piipiro tulun mantad do kumpulan Porisi i monunuduk di Undang-undang Ugama do Joudi miningkakat om ogiat iolo kumisival do, “Ausoi kasalaan di Poulus naantanganja. Sombo dii oilaan nong oinomod do kivaro iso tatod ko iso moloikat mitangar disido,” kadiolo.
10Om majo-gajo i poisisivalan di kumpulan Porisi om i kumpulan Soduki gosob do rumosi iri kotua di oribu soujor do poigagajaton diolo i Poulus. Jadi sinuu di kotua diri soujor i tongosoujorjo mindaau siri di tongotulun do mongongoi di Poulus mantad si diolo, om oviton muli silo kuta.
11Om sodop diri om miningkakat i Tuhan siri somok di Poulus do mitangar disido, “Ada kosurau ino ginavonu do nakapasaksiko Dogo siti Yorusalim, om irad nogi dino do misti pasaksiko Dogo soi Bandar do Ruum,” ka.
Minoiupakat i Tongotulun Joudi Mamatai di Poulus
12-13Minsasarap di susuvab, om kivaro lobi apat nopulu tulun Joudi minoiuntun do moiupapakat, om kopiiso dii iri ginavo diolo do mongibot#23:12 mongibot: sumumpa si di Kinoringan do ka, “Au ikoipo mangakan om mongiup nong aupo apataija i Poulus,” ka. 14Om minongoi iolo siri di tongokotua do imam om i tongomoloingon, om kadi apat nopulu tulun, “Minongibot#23:14 Minongibot: Sinumumpa ikoi si di Kinoringan do au ikoipo mangakan do onuu nopo nong aupo apataija i Poulus. 15Nga aandai do moiupapakat kou di tongotulun vokon si di Pinonguntunan di Tongokotua om mokitulung kou do kotua di oribu soujor mongovit di Poulus siti dikovu, irad do kivaro torisidon muju mongoduat si disido. Nga minsosomok nopo i Poulus siti avangan om patajonja isido,” kadi apat nopulu tulun.
16Nga nokorongou nopo dii iri tanak kusai sulod di Poulus tongondu do irad diri poiupapakatan diolo, om ongoino dii isido masu siri kuta do mangaabar di Poulus diri poiupapakatan di tongotulun Joudi.
17Korongou nopo dii i Poulus om loovono dii disido iso kotua di aatus soujor om kadi Poulus, “Ovito iti tomulok#23:17 tomulok: vavajoi mongoi silo kotua di oribu soujor, do kivaro tangaronjo diri kotua soujor,” ka.
18Jadi ovitono dii di kotua di aatus soujor iri tomulok si di kotua di oribu soujor om kadisido, “Linoou oku di Poulus i poinjiil do mokitulung mongovit diti tomulok siti dikau, do kivaro tangaronjo dikau,” ka.
19Kuutaino dii di kotua di oribu soujor iri longon di tomulok om ovitojono dii iri tomulok siri sosodu do duduvo iolo om duatono dii do ka, “Onu daa tangaronnu dogon?” ka.
20Om jawapno dii i tomulok di kotua di soujor do ka, “Kopiiso ginavo di tongotulun Joudi do mokitulung dikau mongovit di Poulus siri Pinonguntunan di Tongokotua suvab, irad dino soro do kivaro tangaron diolo mongiloilo di Poulus. 21Nga adano tumbojoo iri tinangaran diolo, do kivaro lobi apat nopulu tulun mongindad do mangavang di Poulus do mamatai disido, do minongibot iolo si di Kinoringan do, ‘Au ikoipo mangakan om mongiup salaid do aupo apataija i Poulus,’ kadiolo. Om maino nosiapno iolo om mongindadpo di janjinu,” kadi tomulok.
22Jadi jawapno dii i kotua di oribu soujor, “Ada popoilo do tongotulun iri niabarnu dogon,” ka. Om suuono dii di kotua soujor i tomulok muli.
Niatod i Poulus siri di Gobonor Pilik
23Om loovono dii diri kotua di oribu soujor iri duvo kotua di aatus soujor, om bilinaino dii disido iri duvo tulun, “Pukul sombilan sodop diti untunono duvo naatus soujor, om turu nopulu soujor sumako do kuda, om duvo naatus soujor kigatan, om mampanau kou gosob Bandar Koisoria. 24Om sumodia nogi piipiro kuda do pasako di Poulus, om ovitono isido kaandai-andai mongoi siri di Gobonor Pilik,” kadi kotua di oribu soujor.
25Om tinulis di kotua di oribu soujor iso surat do irad diti,
26“Ou Gobonor Pilik, ikano i datu i rorojoonja marong.
Iokuno Koloudius Losias pokirim tabi dika. 27Popoilo oku dikau do i Poulus nopo diti nga tinangkap di tongotulun Joudi do mamatai daa iolo disido. Nga nokorongou okuno do kivaro warga nagara do Ruum disido, jadi pinavajaku i tongosoujor do mongongoi di Poulus mantad siri di tongotulun Joudi. 28Om moo oku rumongou nong onu sabap do daawaan di tongotulun Joudi i Poulus, jadi inovitku isido gumotuvang siri di Pinonguntunan di Tongokotua diolo. 29Koopod nopo dii iolo momisara om koilaaiku dii do au apatut do patajon ko pojiilon i Poulus. Nga irino iri pangadaawaan diolo iri Undang-undang Ugama diolo kondiri. 30Om karangaaiku dii do minoiupakat i piipiro tulun Joudi mamatai di Poulus, jadi tontuokui dii do pootodonku isido sino dikau. Om sinuuku i tongotulun i mangadaawa di Poulus mongoi sino dikau popoilo dikau nong onu dii iri idaawa diolo disido.
Iti itino tangaronku dika,”
kadi kotua di oribu soujor saralom di suratjo.
31Jadi inovit di tongosoujor i Poulus irad di nibilin diolo om sodopi diri nokorikot iolo soi Bandar Ontipotis. 32Susuvabpo dii om minoiririjang i tongosoujor. Iri nopo tongosoujor minampanau takod nga minuli siri kuta, om iri nopo tongosoujor sumako di kuda nga linumombus mongovit di Poulus mongoi soi Bandar Koisoria. 33Korikot nopo dii i tongosoujor om i Poulus siri Bandar Koisoria om pinogotuvang dii di tongosoujor i Poulus siri di gobonor om nitaak diolo iri surat si disido. 34Nabasa nopo dii di gobonor iri surat om duatono dii disido i Poulus nong sombo nontodon disido. Koilaai nopo dii di gobonor i Poulus mantad si Vonuvo Kilikia, 35om kadi gobonor, “Korikotpo iri tongotulun mangadaawa dikau om salasaionku nogi ika,” ka. Om binilinan disido i tongosoujor mangajaga di Poulus siri valai do raja, iri vinaal di Raja Irudis.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.