Susuuon 22
22
1“Oou kosusuladanku om tongomoloingon, rongoo mujuno iti tangaronku do misinjawap oku diri daawaan-daawaan muju kumaa si dogo,” ka.
2Nokorongou nopo dii iolo do minitangar i Poulus di tangar do Ibrani, om makin nogi dii do minotos iolo.
Om kadi Poulus kavagu, 3“Ioku nopo diti nga tulun Joudi, om nosusu oku siri Bandar Tarsus siri Vonuvo Kilikia. Nga piniara oku siti Bandar Yorusalim. Om sinumikul oku si di Gomoliol, om tinudukan oku maja marong di Undang-undang Ugama di gulu-gulu tokou di pogulupo. Om rumalan okui do maja do Kinoringan irad dikovu do maino. 4Nokopokoruol oku di tulun di nakavaja diti ponudukan di Tuhan Yisus gosob do nakapamatai oku diolo. Om kivaro tongokusai om tongotongondu nogi do tinangkapku om pinojiilku. 5Ii nopo Imam Tagajo om i Pinonguntunan di Tongokotua nga koilo do oinomod iti tangaronku. Nga nitaak diolo piipiro surat nipoovit dogo do porikoton soi tongokosuladan tokou Joudi soi Bandar Damsik. Jadi minampanau oku mongoi soi Damsik supaya tangkaponku daa i tongotulun iri aparsaya di Yisus, om kagasanku iolo do rantai om gajatanku muli siti Yorusalim supaya oukuman iolo,” kadi Poulus.
6Om kadi Poulus kavagu, “Jadi manau-panau okupo om minsosomok oku siri Damsik, nga kivaro tangaadau kama dii om tigog kai dii do kivaro iso vinaang tagajo tinumitiu misoliput dogo mantad si tavan.#22:6 tavan: langit 7Om kovunduk okuno dii siri tana, om norongouku iso dolou do mitangar dogo do ka, ‘Soul, Soul! Nokokuro do pokoruolko Dogo?’ ka.
8Om duatokuno dii, ‘Tuhan, isaiko naku?’ kangku.
Om jawapno dii Isido dogo do ka, ‘Iokuno i Yisus mantad Bandar Nasarit, i pokorualannu,’ kaDisido. 9Iri tulun samvaja-vaja dogo nogi nga nokoontong di vinaang nga aui dii korongou iolo diri tulun di minitangar dogo.
10Om duatokuno kavagu, ‘Ou Tuhan, onu dii apatut vaalonku?’ kangku.
Nga jawapno dii i Tuhan, ‘Tungagno om pampanauno lumombus silo Bandar Damsik. Korikotko nopo silo Damsik om kivaroi popoilo dikau silo do kasangkat diri tinantu do Kinoringan do vaalonnu,’ kadi Yisus.#Antangai Susuuon 9:6. 11Om kotungag oku nopo dii diri, nga au oku dii koontong do avaang marong iri tinitiu siri misoliput dogo. Om kuutaino dii di samvaja-vaja dogo i longonku do mangaak dogo mongoi siri Damsik.
12Om kivaro iso kusai do rumalan maja do Undang-undang Ugama tokou siri Bandar Damsik. Ngaranjo nopo nga iOnonias. Om kasangkat diri tongotulun Joudi mijon siri Damsik nga mangarajou#22:12 mangarajou: mongompod disido. 13Om minongoi iOnonias ingkakat siri somokku om kadisido, ‘Ou sulodku Soul, ingkalatno,’ ka. Om turus do ingkalat oku om kaantangaiku dii isido.
14Om kadiOnonias, ‘I Kinoringan nopo i sambawon diodu-aki tokou, nga minomili dikau supaya om koiloko di kouvanganJo. Om irino sabap do naantangannu i Yisus, iri Susuuon do Kinoringan i otulid ginavo, om norongounu i Yisus kondiri mitangar dikau. 15Om maino sumiliuko do saksi di Yisus om popoiloko kasangkat di tongotulun nong onu iri naantangannu om norongounu. 16Na, onupo indadonnu? Tungagno om mokibatisi,#22:16 mokibatisi: mokibaptaisi om pongoloouno di Yisus supaya ougasan i dusonu,’ kadi Ononias,” kadi Poulus.#Antangai 9:1-19; 26:12-18.
17Om kadi Poulus kavagu, “Kogungguli oku nopo dii siti Yorusalim, om sinumambayang oku siti natad do Valai Sasambayangan Tagajo. Om nokoontong oku i Tuhan pinointalang si dogo, 18do minitangar Isido dogo do ka, ‘Sisikapono mampanau mantad siti Yorusalim do ii nopo tongotulun Joudi siti Yorusalim nga au aparsaya di tinangarannu pasal Dogo,’ ka.
19Om jawap okuno dii di Yisus, ‘Ou Tuhan, aparsayai dii kama iolo do nongokoilo iolo dogon do minongoi oku siri tongovalai sasambayangan do manangkap oku di tongotulun i naparsaya Dikau om nakapangalapos oku diolo. 20Om ontok do pinatai do tulun i Sotipanus, irino tulun popoilo di abarNu, nga siri oku nogi. Om aandaian i ginavoku mongontong di tongotulun mamatai disido om mangajaga oku di tongosabung di tulun i minamatai di Sotipanus,’ kangku di Tuhan.
21Nga kadi Tuhan dogon, ‘Pogiduno, do aui dii aparsaya iolo di tinangarnu. Nga suuonKu ika minsodu mantad siti, om ongoino siri di tongotulun di okonko bansa Joudi,’ kadi Yisus,” kadi Poulus di tongotulun.
22Rumongou i tongotulun Joudi di Poulus gosob do mitangar isido pasal di tulun di okonko bansa Joudi, om lumuvap iolo do opuod do ka, “Patajon tokou nogi iti tulun diti. Aui apatut do vijauon isido,” ka.
23Om ontok do songgijakan iolo, om songolus-olus iolo do sabung om pilolobunon, om potijas-tijason diolo i lisovu do araatan marong iolo, 24nga sinuu di kotua di oribu soujor i tongosoujorjo mongovit di Poulus siri saralom kuta. Om sinuu disido do loposon i Poulus supaya popoilo nong onu sabap do songgijakan i tongotulun do lumavan disido. 25Kakagasai nopo dii diolo i Poulus do poinsodiano daa iolo mangalapos, nga kadi Poulus di kotua di aatus soujor do poingkakat siri, “Auko buli mangalapos dogo do iokuno kivaro warga nagara do Ruum. Nong aupo nobisara au apatut do loposon i tulun do kiwarga nagara do Ruum,” kadi Poulus.
26Korongoupo dii i kotua di aatus soujor do irad diri, om minongoi isido popoilo di kotua di oribu soujor diri tangar di Poulus. Om kadisido, “Adako monuu do tulun mangalapos disido, do ilo tulun kivaro warga nagara do Ruum,” ka.
27Jadi minongoi i kotua di oribu soujor si di Poulus do mongoduat disido do ka, “Duatonku ika nong sabanarko do kivaro warga nagara do Ruum,” ka.
Om jawapno dii i Poulus, “Oinomodno,” ka.
28Kadi kotua di oribu soujor, “Ai, oorogo iti warga nagaraku,” ka.
Nga jawapno dii i Poulus do ka, “Ioku nopo nga kivaro warga nagara do Ruum mantad di kosusu okupo,” ka.
29Korongou nopo dii iri tongosoujor i mangalapos daa di Poulus do isido kivaro warga nagara do Ruum, jadi turus mininsodu iolo mantad si di Poulus do nokorosi. Om i kotua di oribu soujor nogi nga nokorosi do nakagasan disido i Poulus do au obuli kagasan i tulun do Ruum.
Pinogotuvang i Poulus si Pinonguntunan di Tongokotua
30Nga susuvabpo dii, om sinuu di kotua di oribu soujor mongukab di rantai di Poulus. Om nogi sinuu disido pountun di tongokotua do imam om i Pinonguntunan di Tongokotua vokon sabap kouvangan nopo disido nga oilaan marong nong onu kasalaan di Poulus do daawaan isido di tongotulun Joudi. Jadi inovit dii di kotua di soujor i Poulus popoingkakat siri gotuvang di Pinonguntunan di Tongokotua.
Currently Selected:
Susuuon 22: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
Susuuon 22
22
1“Oou kosusuladanku om tongomoloingon, rongoo mujuno iti tangaronku do misinjawap oku diri daawaan-daawaan muju kumaa si dogo,” ka.
2Nokorongou nopo dii iolo do minitangar i Poulus di tangar do Ibrani, om makin nogi dii do minotos iolo.
Om kadi Poulus kavagu, 3“Ioku nopo diti nga tulun Joudi, om nosusu oku siri Bandar Tarsus siri Vonuvo Kilikia. Nga piniara oku siti Bandar Yorusalim. Om sinumikul oku si di Gomoliol, om tinudukan oku maja marong di Undang-undang Ugama di gulu-gulu tokou di pogulupo. Om rumalan okui do maja do Kinoringan irad dikovu do maino. 4Nokopokoruol oku di tulun di nakavaja diti ponudukan di Tuhan Yisus gosob do nakapamatai oku diolo. Om kivaro tongokusai om tongotongondu nogi do tinangkapku om pinojiilku. 5Ii nopo Imam Tagajo om i Pinonguntunan di Tongokotua nga koilo do oinomod iti tangaronku. Nga nitaak diolo piipiro surat nipoovit dogo do porikoton soi tongokosuladan tokou Joudi soi Bandar Damsik. Jadi minampanau oku mongoi soi Damsik supaya tangkaponku daa i tongotulun iri aparsaya di Yisus, om kagasanku iolo do rantai om gajatanku muli siti Yorusalim supaya oukuman iolo,” kadi Poulus.
6Om kadi Poulus kavagu, “Jadi manau-panau okupo om minsosomok oku siri Damsik, nga kivaro tangaadau kama dii om tigog kai dii do kivaro iso vinaang tagajo tinumitiu misoliput dogo mantad si tavan.#22:6 tavan: langit 7Om kovunduk okuno dii siri tana, om norongouku iso dolou do mitangar dogo do ka, ‘Soul, Soul! Nokokuro do pokoruolko Dogo?’ ka.
8Om duatokuno dii, ‘Tuhan, isaiko naku?’ kangku.
Om jawapno dii Isido dogo do ka, ‘Iokuno i Yisus mantad Bandar Nasarit, i pokorualannu,’ kaDisido. 9Iri tulun samvaja-vaja dogo nogi nga nokoontong di vinaang nga aui dii korongou iolo diri tulun di minitangar dogo.
10Om duatokuno kavagu, ‘Ou Tuhan, onu dii apatut vaalonku?’ kangku.
Nga jawapno dii i Tuhan, ‘Tungagno om pampanauno lumombus silo Bandar Damsik. Korikotko nopo silo Damsik om kivaroi popoilo dikau silo do kasangkat diri tinantu do Kinoringan do vaalonnu,’ kadi Yisus.#Antangai Susuuon 9:6. 11Om kotungag oku nopo dii diri, nga au oku dii koontong do avaang marong iri tinitiu siri misoliput dogo. Om kuutaino dii di samvaja-vaja dogo i longonku do mangaak dogo mongoi siri Damsik.
12Om kivaro iso kusai do rumalan maja do Undang-undang Ugama tokou siri Bandar Damsik. Ngaranjo nopo nga iOnonias. Om kasangkat diri tongotulun Joudi mijon siri Damsik nga mangarajou#22:12 mangarajou: mongompod disido. 13Om minongoi iOnonias ingkakat siri somokku om kadisido, ‘Ou sulodku Soul, ingkalatno,’ ka. Om turus do ingkalat oku om kaantangaiku dii isido.
14Om kadiOnonias, ‘I Kinoringan nopo i sambawon diodu-aki tokou, nga minomili dikau supaya om koiloko di kouvanganJo. Om irino sabap do naantangannu i Yisus, iri Susuuon do Kinoringan i otulid ginavo, om norongounu i Yisus kondiri mitangar dikau. 15Om maino sumiliuko do saksi di Yisus om popoiloko kasangkat di tongotulun nong onu iri naantangannu om norongounu. 16Na, onupo indadonnu? Tungagno om mokibatisi,#22:16 mokibatisi: mokibaptaisi om pongoloouno di Yisus supaya ougasan i dusonu,’ kadi Ononias,” kadi Poulus.#Antangai 9:1-19; 26:12-18.
17Om kadi Poulus kavagu, “Kogungguli oku nopo dii siti Yorusalim, om sinumambayang oku siti natad do Valai Sasambayangan Tagajo. Om nokoontong oku i Tuhan pinointalang si dogo, 18do minitangar Isido dogo do ka, ‘Sisikapono mampanau mantad siti Yorusalim do ii nopo tongotulun Joudi siti Yorusalim nga au aparsaya di tinangarannu pasal Dogo,’ ka.
19Om jawap okuno dii di Yisus, ‘Ou Tuhan, aparsayai dii kama iolo do nongokoilo iolo dogon do minongoi oku siri tongovalai sasambayangan do manangkap oku di tongotulun i naparsaya Dikau om nakapangalapos oku diolo. 20Om ontok do pinatai do tulun i Sotipanus, irino tulun popoilo di abarNu, nga siri oku nogi. Om aandaian i ginavoku mongontong di tongotulun mamatai disido om mangajaga oku di tongosabung di tulun i minamatai di Sotipanus,’ kangku di Tuhan.
21Nga kadi Tuhan dogon, ‘Pogiduno, do aui dii aparsaya iolo di tinangarnu. Nga suuonKu ika minsodu mantad siti, om ongoino siri di tongotulun di okonko bansa Joudi,’ kadi Yisus,” kadi Poulus di tongotulun.
22Rumongou i tongotulun Joudi di Poulus gosob do mitangar isido pasal di tulun di okonko bansa Joudi, om lumuvap iolo do opuod do ka, “Patajon tokou nogi iti tulun diti. Aui apatut do vijauon isido,” ka.
23Om ontok do songgijakan iolo, om songolus-olus iolo do sabung om pilolobunon, om potijas-tijason diolo i lisovu do araatan marong iolo, 24nga sinuu di kotua di oribu soujor i tongosoujorjo mongovit di Poulus siri saralom kuta. Om sinuu disido do loposon i Poulus supaya popoilo nong onu sabap do songgijakan i tongotulun do lumavan disido. 25Kakagasai nopo dii diolo i Poulus do poinsodiano daa iolo mangalapos, nga kadi Poulus di kotua di aatus soujor do poingkakat siri, “Auko buli mangalapos dogo do iokuno kivaro warga nagara do Ruum. Nong aupo nobisara au apatut do loposon i tulun do kiwarga nagara do Ruum,” kadi Poulus.
26Korongoupo dii i kotua di aatus soujor do irad diri, om minongoi isido popoilo di kotua di oribu soujor diri tangar di Poulus. Om kadisido, “Adako monuu do tulun mangalapos disido, do ilo tulun kivaro warga nagara do Ruum,” ka.
27Jadi minongoi i kotua di oribu soujor si di Poulus do mongoduat disido do ka, “Duatonku ika nong sabanarko do kivaro warga nagara do Ruum,” ka.
Om jawapno dii i Poulus, “Oinomodno,” ka.
28Kadi kotua di oribu soujor, “Ai, oorogo iti warga nagaraku,” ka.
Nga jawapno dii i Poulus do ka, “Ioku nopo nga kivaro warga nagara do Ruum mantad di kosusu okupo,” ka.
29Korongou nopo dii iri tongosoujor i mangalapos daa di Poulus do isido kivaro warga nagara do Ruum, jadi turus mininsodu iolo mantad si di Poulus do nokorosi. Om i kotua di oribu soujor nogi nga nokorosi do nakagasan disido i Poulus do au obuli kagasan i tulun do Ruum.
Pinogotuvang i Poulus si Pinonguntunan di Tongokotua
30Nga susuvabpo dii, om sinuu di kotua di oribu soujor mongukab di rantai di Poulus. Om nogi sinuu disido pountun di tongokotua do imam om i Pinonguntunan di Tongokotua vokon sabap kouvangan nopo disido nga oilaan marong nong onu kasalaan di Poulus do daawaan isido di tongotulun Joudi. Jadi inovit dii di kotua di soujor i Poulus popoingkakat siri gotuvang di Pinonguntunan di Tongokotua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.