Ngá-ko 6

(Iâ-lō͘-sat-léng ê Cha-bó͘ Gín-á)

1Lí chit-ê cha-bó͘ gín-á tiong siōng-súi--ê ah,

lí chhin-ài--ê khì tó-ūi?

Lí chhin-ài--ê oa̍t-tńg khì tó-ūi?

Goán thang kap lí chòe-hé khì chhē.

(Lú)

2Góa chhin-ài--ê lo̍h-khì i ê hn̂g,

khì chhèng-chhut phang-bī ê hoe-hn̂g;

i tī hn̂g-lāi chhī iûⁿ,

koh bán pek-ha̍p-hoe.

3Góa sio̍k góa chhin-ài--ê, góa chhin-ài--ê mā sio̍k góa;

i tī pek-ha̍p-hoe tiong teh chhī iûⁿ.

Tē-gō͘ Siú

(Lâm)

4Góa ê ài-jîn ah, lí súi chhin-chhiūⁿ Tek-sat,

khó-ài chhin-chhiūⁿ Iâ-lō͘-sat-léng,

ui-gî chhin-chhiūⁿ gia̍h tōa-kî ê kun-tūi.

5Lí ê ba̍k-chiu m̄-thang khòaⁿ góa,

in-ūi ōe toa̍t góa ê sim.

Lí ê thâu-mn̂g chhin-chhiūⁿ kui-kûn ê soaⁿ-iûⁿ,

tùi Ki-lia̍t ê soaⁿ-phiâⁿ tiô--lo̍h-lâi.

6Lí ê chhùi-khí chhin-chhiūⁿ kui-kûn ê iûⁿ-bú,

sóe chheng-khì tùi chúi--ni̍h peh--khí-lâi;

ta̍k-chiah lóng siⁿ siang-siⁿ,

bô chi̍t chiah phah-sńg.

7Lí ê pìn-piⁿ tī phè ê lāi-bīn,

chhin-chhiūⁿ peh-khui ê sia̍h-liû.

8Chiū-sī-kóng ū la̍k-cha̍p ê ông-hō͘, poeh-cha̍p ê pîn-hui,

koh ū sǹg bōe liáu ê kiong-lú,

9lí sī góa î-it sûn-choân ê hún-chiáu,

sī lāu-bú to̍k-siⁿ,

te̍k-pia̍t thiàⁿ-sioh ê cha-bó͘-kiáⁿ.

Cha-bó͘ gín-á khòaⁿ--tio̍h, lóng kóng i ū hok-khì;

ông-hō͘ pîn-hui mā chheng-chàn i.

10Kong-chhái chhin-chhiūⁿ chheng-chá ê kng,

súi chhin-chhiūⁿ ge̍h, chhàn-lān chhin-chhiūⁿ ji̍t,

ui-gî chhin-chhiūⁿ gia̍h tōa-kî ê kun-tūi, hit-ê sī siáⁿ-lâng?

11Góa lo̍h-khì hu̍t-thô-hn̂g,

beh khòaⁿ soaⁿ-kok tiong ê ké-chí,

khòaⁿ phû-tô hoat-íⁿ á bē,

sia̍h-liû khui-hoe á bē.

12Put-ti-put-kak, góa ná chhin-chhiūⁿ chē tī chun-kùi ê lâng ê bé-chhia téng.

(Iâ-lō͘-sat-léng ê Cha-bó͘ Gín-á)

13Thiàu ah, Su-la-bi̍t, thiàu#6.13 “Thiàu ah...thiàu” mā thang e̍k-chòe “Tńg--lâi lah...tńg--lâi”.!

Se̍h--kè-lâi, se̍h--kè-khì, hō͘ goán khòaⁿ lí teh thiàu-bú.

(Lú)

Lín ná teh khòaⁿ Su-la-bi̍t,

chhin-chhiūⁿ teh khòaⁿ nn̄g tūi ê peng thiàu-bú?

Currently Selected:

Ngá-ko 6: TTVR

Highlight

Copy

Compare

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Popular Bible Verses from
Ngá-ko 6

Videos for Ngá-ko 6

Song of Songs 2-7

BibleProject

Song of Songs 5:2-6:3

Spoken Gospel

Song of Songs 6:4-7:10

Spoken Gospel

Ngá-ko 6

Popular Bible Verses from
Ngá-ko 6

Videos for Ngá-ko 6

Song of Songs 2-7

Song of Songs 5:2-6:3

Song of Songs 6:4-7:10

Song of Songs 6

Bible:

Chinese, Min Nan

Version: 現代台語譯本羅馬字版 - TTVR

Ngá-ko 6

Ngá-ko 6

Popular Bible Verses from Ngá-ko 6

Videos for Ngá-ko 6

Song of Songs 2-7

Song of Songs 5:2-6:3

Song of Songs 6:4-7:10

Song of Songs 6

Bible:

Chinese, Min Nan

Version: 現代台語譯本羅馬字版 - TTVR

Ngá-ko 6

Popular Bible Verses from
Ngá-ko 6