Si-phian 93

Siōng Chú Choh-ông

1Siōng Chú choh-ông chiáng-koân!

I ēng ui-giâm chòe saⁿ chhēng;

Siōng Chú ēng ui-giâm chòe saⁿ chhēng,

ēng khùi-la̍t chòe tòa hâ.

I kiàn-li̍p sè-kài,

sè-kài éng-oán bōe tōng-iâu.

2Lí ê pó-chō kó͘-chá chiū kiàn-li̍p;

lí tùi éng-oán chiū chûn-chāi.

3Siōng Chú ah, tōa-chúi teh giâ-éng,

tōa-chúi giâ-éng chhut tōa-siaⁿ;

tōa-chúi giâ-éng hōa-hōa-háu.

4Siōng Chú tī thiⁿ-téng hián-chhut ui-le̍k,

iâⁿ-kè hái-iûⁿ ê tōa-éng,

ah-kè tōa-chúi hōa-hōa-háu ê siaⁿ.

5Siōng Chú ah, lí ê kài-bēng khak-li̍p bōe kái-piàn;

lí ê tiān sîn-sèng, ti̍t-kàu éng-oán.

Currently Selected:

Si-phian 93: TTVR

Highlight

Copy

Compare

Want to have your highlights saved across all your devices? Sign up or sign in

The Bible Society in Taiwan

Popular Bible Verses from
Si-phian 93