Si-phian 70

Tāi-pi̍t kì-liām ê si, kau hō͘ sèng-ga̍k-tiúⁿ.

Kî-kiû Pang-chān

(Si 40.13-17)

1Siōng-tè ah, kiû lí chín-kiù góa;

Siōng Chú ah, kiû lí kín lâi pang-chān góa.

2Goān siàu-siūⁿ beh hāi góa sìⁿ-miā ê lâng làu-khùi kiàn-siàu;

goān ài góa siū hām-hāi ê lâng pāi-thè siū lêng-jio̍k.

3Goān tùi góa kóng “Hò͘, lí chhám ah” hiah-ê lâng,

in-ūi kiàn-siàu thiat-thè.

4Goān chhē-kiû lí ê lâng lóng in-ūi lí hoaⁿ-hí khoài-lo̍k;

goān him-bō͘ lí chín-kiù ê lâng sî-siông kóng,

“Tio̍h chun Siōng-tè chòe tōa!”

5Chóng-sī góa khùn-khó͘ sàn-chhiah;

Siōng-tè ah, kiû lí kóaⁿ-kín lâi góa chia.

Lí sī góa ê pang-chān, góa ê chín-kiù;

Siōng Chú ah, kiû lí m̄-thang iân-chhiân.

Currently Selected:

Si-phian 70: TTVR

Highlight

Copy

Compare

Want to have your highlights saved across all your devices? Sign up or sign in

The Bible Society in Taiwan

Popular Bible Verses from
Si-phian 70

BibleProject