Si-phian 67

Chi̍t phiⁿ si-koa, kau hō͘ sèng-ga̍k-tiúⁿ; ēng hiân ê ga̍k-khì phōaⁿ-chàu.

Kám-un ê Si

1Goān Siōng-tè lîn-bín goán, sù-hok hō͘ goán;

goān lí ēng jîn-chû khoán-thāi goán,

2thang hō͘ choân sè-kài chai lí ê chí-ì,

hō͘ bān-kok bat lí ê kiù-un.

3Siōng-tè ah, goān sè-kan-lâng lóng chheng-chàn lí,

bān-bîn lóng o-ló lí!

4Goān bān-kok khoài-lo̍k, chhiùⁿ-koa hoaⁿ-hí!

In-ūi lí chiàu kong-gī sím-phòaⁿ bān-bîn,

ín-chhōa sè-chiūⁿ bān-kok.

5Siōng-tè ah, goān sè-kan-lâng lóng chheng-chàn lí,

bān-bîn lóng o-ló lí!

6Thó͘-tōe ū seng-sán ngó͘-kok;

Siōng-tè, goán ê Siōng-tè ū sù-hok hō͘ goán.

7Goān Siōng-tè sù-hok hō͘ goán!

Goān choân-tōe lóng kèng-ùi I!

Currently Selected:

Si-phian 67: TTVR

Highlight

Copy

Compare

Want to have your highlights saved across all your devices? Sign up or sign in

The Bible Society in Taiwan

Popular Bible Verses from
Si-phian 67

BibleProject