Si-phian 130
130
Peh-kiā chiūⁿ Iâ-lō͘-sat-léng ê si.
Kî-kiû Siōng Chú Pang-chān
1Siōng Chú ah, góa tùi chhim-ian kiû-kiò lí.
2Chú ah, kiû lí thiaⁿ góa ê siaⁿ!
Kiû lí àⁿ hī-khang thiaⁿ góa ê khún-kiû!
3Siōng Chú ah, lí nā ōe-kì-tit lâng ê chōe-kò,
Chú ah, sím-mi̍h-lâng khiā ōe tiâu?
4Chóng-sī lí ōe sià-bián lâng,
hō͘ lâng thang kèng-ùi lí.
5Góa pek-chhiat thèng-hāu Siōng Chú;
góa gióng-bōng lí ê ōe.
6Góa ê sim-sîn thèng-hāu Chú,
pí siú-bōng ê lâng thèng-hāu thiⁿ-kng koh-khah pek-chhiat,
pí siú-bōng ê lâng thèng-hāu thiⁿ-kng koh-khah pek-chhiat.
7 Í-sek-lia̍t ah, tio̍h gióng-bōng Siōng Chú!
In-ūi Siōng Chú ū put-piàn ê chû-ài;
I ū kiù-sio̍k ê tōa koân-lêng.
8Chí-ū I ōe kiù-sio̍k Í-sek-lia̍t thoat-lī in it-chhè ê chōe-kò!
Currently Selected:
Si-phian 130: TTVR
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan
