Si-phian 13

Tāi-pi̍t ê si, kau hō͘ sèng-ga̍k-tiúⁿ.

Kiû Pang-chān ê Kî-tó

1Siōng Chú ah, lí bōe-kì-tit góa beh jōa kú? Kàu éng-oán sī--bô?

Lí bīn oa̍t-cháu m̄ khòaⁿ góa beh jōa kú?

2Góa jím-siū khó͘-thàng, kui-ji̍t sim iu-siong tio̍h kàu jōa kú?

Góa ê tùi-te̍k ko-seng iâⁿ-kè góa tio̍h kàu jōa kú?

3Siōng Chú — góa ê Siōng-tè ah, kiû lí khòaⁿ-kò͘ góa, ìn-tap góa,

hō͘ góa ê ba̍k-chiu kim-kim, chiah bián góa khùn kàu sí--khì,

4chiah bián góa ê tùi-te̍k kóng “Góa khah iâⁿ i”,

chiah bián góa ê te̍k-jîn tī góa sit-pāi ê sî hoaⁿ-hí.

5M̄-kú góa óa-khò lí ê chû-ài;

góa ê sim in-ūi lí ê chín-kiù khoài-lo̍k.

6Góa beh chhiùⁿ-koa chheng-chàn Siōng Chú,

in-ūi I ēng hong-sēng ê un-tián tùi-thāi góa.

Currently Selected:

Si-phian 13: TTVR

Highlight

Copy

Compare

Want to have your highlights saved across all your devices? Sign up or sign in

The Bible Society in Taiwan

Popular Bible Verses from
Si-phian 13

BibleProject