Si-phian 128

128

Peh-kiā chiūⁿ Iâ-lō͘-sat-léng ê si.

Kèng-ùi Siōng Chú ê Lâng Ū Hok-khì

1Kèng-ùi Siōng Chú ê lâng chin ū hok-khì!

Chun-hêng I tō-lō͘ ê lâng chin ū hok-khì!

2Lí ōe-tàng chia̍h siang-chhiú phah-piàⁿ tit--tio̍h ê chia̍h-mi̍h,

sū-sū sūn-lī, chin-chiàⁿ hēng-hok!

3Lí ê bó͘ tī chhù-lāi chhin-chhiūⁿ gâu kiat ké-chí ê phû-tô-chhiū;

lí ê kiáⁿ-jî ûi tī lí ê toh chhin-chhiūⁿ kaⁿ-ná-chai.

4Kèng-ùi Siōng Chú ê lâng it-tēng chiah-ni̍h hēng-hok!

5Goān Siōng Chú tùi Sek-an sù-hok hō͘ lí!

Goān lí it-seng ōe khòaⁿ-tio̍h Iâ-lō͘-sat-léng hoân-êng!

6Goān lí ōe khòaⁿ-tio̍h kiáⁿ-kiáⁿ-sun-sun!

Goān Í-sek-lia̍t kok-thài-bîn-an!

Currently Selected:

Si-phian 128: TTVR

Highlight

Copy

Compare

Want to have your highlights saved across all your devices? Sign up or sign in

The Bible Society in Taiwan

Popular Bible Verses from
Si-phian 128

BibleProject