Si-phian 123

123

Peh-kiā chiūⁿ Iâ-lō͘-sat-léng ê si.

Kiû Siōng Chú Lîn-bín

1Chē tī thiⁿ-téng pó-chō ê Siōng Chú ah,

góa gia̍h-ba̍k ǹg lí.

2Khòaⁿ ah, po̍k-jîn ê ba̍k-chiu án-chóaⁿ gióng-bōng chú-lâng ê chhiú,

lú-pī ê ba̍k-chiu án-chóaⁿ gióng-bōng lú-chú-lâng ê chhiú,

goán ê ba̍k-chiu mā án-ni gióng-bōng Siōng Chú — goán ê Siōng-tè,

it-ti̍t kàu I lîn-bín goán.

3Siōng Chú ah, lîn-bín goán, lîn-bín goán,

in-ūi goán hō͘ lâng khòaⁿ-khin kàu jím-siū bōe tiâu.

4Goán í-keng bô hoat-tō͘ jím-siū chū-boán ê lâng ê léng-chhiò,

bô hoat-tō͘ jím-siū chū-ko ê lâng ê biáu-sī.

Currently Selected:

Si-phian 123: TTVR

Highlight

Copy

Compare

Want to have your highlights saved across all your devices? Sign up or sign in

The Bible Society in Taiwan

Popular Bible Verses from
Si-phian 123

BibleProject