Si-phian 121
121
Peh-kiā chiūⁿ Iâ-lō͘-sat-léng ê si.
Góa ê Pó-hō͘-chiá Siōng-tè
1Góa gia̍h-thâu khòaⁿ soaⁿ;
góa ê pang-chān tùi tó-ūi lâi?
2Góa ê pang-chān tùi Siōng Chú lâi;
I sī chhòng-chō thiⁿ-tōe ê Chú.
3I bōe hō͘ lí poa̍h-tó;
lí ê pó-hō͘-chiá bōe tuh-bîn.
4 Í-sek-lia̍t ê pó-hō͘-chiá bōe tuh-bîn,
mā bōe khùn--khì.
5Siōng Chú sī lí ê pó-hō͘-chiá;
I tī lí sin-piⁿ chòe ìm-ńg teh pó-hō͘ lí.
6Ji̍t--sî, ji̍t-thâu bōe siong lí;
mî--sî, ge̍h mā bōe hāi lí.
7Siōng Chú ōe pó-hō͘ lí thoat-lī ta̍k-khoán chai-lān;
I ōe pó-hō͘ lí ê sìⁿ-miā.
8Lí chhut lí ji̍p, Siōng Chú ōe pó-hō͘ lí,
tùi chit-sî ti̍t-kàu éng-oán.
Currently Selected:
Si-phian 121: TTVR
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan
