Si-phian 1
1
TĒ-IT KOÀN (1-41 phiⁿ)
Chin ê Hok-khì
1-2Bô thàn pháiⁿ-lâng ê kè-bô͘,
bô kiâⁿ chōe-jîn ê lō͘,
bô chē siat-to̍k-chiá ê ūi,
chí-ū ài-bō͘ Siōng Chú ê Lu̍t-hoat,
mî-ji̍t ia̍h tha̍k ia̍h siūⁿ I ê Lu̍t-hoat,
chit-khoán lâng chin ū hok-khì!
3I chhin-chhiūⁿ ké-chí-chhiū chai tī khoe-piⁿ,
chiàu-sî kiat ké-chí,
hio̍h mā bōe ta--khì;
i só͘ chòe ê it-chhè lóng heng-ōng.
4Pháiⁿ-lâng chiū m̄-sī án-ni;
i chhin-chhiūⁿ chho͘-khng hō͘ hong chhe sòaⁿ--khì.
5Só͘-í sím-phòaⁿ ê sî, pháiⁿ-lâng tī Siōng-tè bīn-chêng khiā bōe tiâu;
chōe-jîn tī gī-lâng ê hōe-tiong mā-sī án-ni.
6In-ūi gī-lâng ê tō-lō͘ Siōng Chú teh khòaⁿ-kò͘;
pháiⁿ-lâng chí-ū bia̍t-bông chi̍t tiâu lō͘.
Currently Selected:
Si-phian 1: TTVR
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan
