Lī-bī-kì 12
12
Sán-hū Kiat-chēng ê Tiâu-lē
1Siōng Chú koh bēng-lēng Mô͘-se 2tio̍h tùi Í-sek-lia̍t-lâng soan-pò͘:
Nā ū hū-jîn-lâng hoâi-īn siⁿ hāu-siⁿ, i chiū bô chheng-khì chhit ji̍t, kap keng-kî lāi lâ-sâm ê ji̍t bô chheng-khì kâng-khoán. 3Tē-poeh ji̍t, hit-ê eⁿ-á tio̍h siū kat-lé. 4Hū-jîn-lâng iáu-teh lâu-huih, tio̍h tòa tī chhù--ni̍h saⁿ-cha̍p-saⁿ ji̍t; kiat-chēng ê ji̍t móa í-chêng, m̄-thang bong sèng ê mi̍h, mā m̄-thang ji̍p sèng-só͘. 5I nā siⁿ cha-bó͘-kiáⁿ, chiū bô chheng-khì cha̍p-sì ji̍t, kap keng-kî ê sî bô chheng-khì kâng-khoán. I iáu-teh lâu-huih, tio̍h tòa tī chhù--ni̍h la̍k-cha̍p-la̍k ji̍t, chiah chheng-khì.
6Kàu kiat-chēng ê ji̍t móa, bô-lūn siⁿ hāu-siⁿ á-sī cha-bó͘-kiáⁿ, i tio̍h hiàn chi̍t chiah chi̍t-hè ê iûⁿ-á chòe sio-hòa-chè, chi̍t chiah hún-chiáu-á-kiáⁿ á-sī pan-kah chòe sio̍k-chōe-chè; tòa-lâi hōe-bō͘ mn̂g-kháu, kau hō͘ chè-si. 7Chè-si tio̍h chiong chiah-ê hiàn hō͘ Siōng Chú, ūi i sio̍k-chōe; i chiū bô koh in-ūi lâu-huih bô chheng-khì. Che chiū-sī hū-jîn-lâng siⁿ hāu-siⁿ á-sī cha-bó͘-kiáⁿ ê tiâu-lē.
8I nā bô-kàu-la̍t thang hiàn chi̍t chiah iûⁿ-á, chiū tio̍h ēng nn̄g chiah pan-kah á-sī hún-chiáu-á-kiáⁿ, chi̍t-chiah chòe sio-hòa-chè, chi̍t-chiah chòe sio̍k-chōe-chè; chè-si tio̍h thòe i sio̍k-chōe, i chiū chheng-khì.
Currently Selected:
Lī-bī-kì 12: TTVR
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan
