Thoân-tō-su 3

Bān-sū Lóng Ū I ê Sî

1Thiⁿ-ē bān-hāng-sū lóng ū i ê kî;

sū-sū lóng ū i ê sî:

2Siⁿ ū sî, sí ū sî;

chai-chèng ū sî, khau só͘ chai-chèng--ê ū sî;

3thâi ū sî, i-hó ū sî;

thiah-húi ū sî, khí-chō ū sî;

4khàu ū sî, chhiò ū sî;

ai-siong ū sî, thiàu-bú ū sî;

5tâng-pâng ū sî, hun-pâng ū sî#3.5 “tâng-pâng ū sî, hun-pâng ū sî” goân-bûn sī “hiat chio̍h-thâu ū sî, khioh chio̍h-thâu ū sî”.;

chhin-jia̍t ū sî, léng-tām ū sî;

6chhiau-chhē ū sî, sit-lo̍h ū sî;

pó-chûn ū sî, pàng-sak ū sî;

7thiah ū sî, pó͘ ū sî;

chēng-chēng ū sî, kóng-ōe ū sî;

8thiàⁿ ū sî, oàn ū sî;

chiàn-cheng ū sî, hô-pêng ū sî.

9Choh-kang ê lâng tùi i só͘ lô-lo̍k phah-piàⁿ--ê ū tit-tio̍h sím-mi̍h? 10Góa ū khòaⁿ-kìⁿ Siōng-tè hō͘ sè-kan-lâng pē tāng-tàⁿ, hō͘ in bōe-tàng chheng-êng. 11Siōng-tè hō͘ I só͘ chō ê it-chhè ha̍h in ê sî, lóng chin hó; koh chiong éng-oán chit-ê koan-liām hē tī lâng ê sim; m̄-kú Siōng-tè tùi thâu kàu bé só͘ chòe--ê, lâng bōe-tàng liáu-kái. 12Góa chai lâng oa̍h--teh siōng-hó sī khoài-lo̍k koh chòe hó-sū. 13Lâng mā chia̍h mā lim, hióng-siū i phah-piàⁿ tit--tio̍h-ê, tī i it-chhè só͘ lô-lo̍k--ê lâi hióng-hok, che mā-sī Siōng-tè só͘ sù.

14Góa chai Siōng-tè só͘ chòe ê it-chhè lóng ōe lâu kàu éng-oán, bōe ke-thiⁿ, bōe kiám-chió. Siōng-tè án-ni chòe, sī beh hō͘ lâng tī I ê bīn-chêng sim chûn kèng-ùi. 15Hiān-chāi ū--ê í-chêng í-keng ū; chiong-lâi beh ū--ê chá í-keng ū; kè--khì ê tāi-chì Siōng-tè ōe koh hō͘ i hoat-seng.

Sè-kan ê Bô Kong-pêng

16Góa koh khòaⁿ-tio̍h ji̍t-kng ê ē-bīn, tī sím-phòaⁿ ê só͘-chāi ū siâ-ok, tī kong-gī ê só͘-chāi mā ū siâ-ok. 17Góa sim-lāi kóng: Siōng-tè beh pîⁿ-pîⁿ sím-phòaⁿ gī-lâng kap pháiⁿ-lâng, in-ūi ta̍k-hāng tāi-chì, ta̍k-hāng hêng-ûi lóng ū i it-tēng ê sî. 18Góa sim-lāi kóng: Koan-hē sè-kan-lâng, Siōng-tè beh chhì-giām in, hō͘ in chai in put-kò kap cheng-siⁿ kâng-khoán. 19In-ūi sè-kan-lâng ê miā-ūn kap cheng-siⁿ ê miā-ūn lóng siâng-khoán; chit-ê sí, hit-ê mā sí, lóng siâng-khoán chí-ū chi̍t-kháu-khùi; lâng bô pí cheng-siⁿ khah hó, che lóng sī khang-hu. 20In lóng khì kàu kâng chi̍t ê só͘-chāi; lóng tùi thô͘-hún chhut, mā lóng kui thô͘-hún. 21Siáⁿ-lâng chai lâng ê sìⁿ-miā#3.21 “Sìⁿ-miā” goân-bûn sī “khùi”, “hong”, “sîn”. chiūⁿ téng-bīn, siù ê sìⁿ-miā lo̍h tōe-ē? 22Só͘-í, lâng siōng-hó sī ōe-tàng hióng-siū ka-kī só͘ phah-piàⁿ ê sêng-kó, in-ūi che sī i ê pò-siúⁿ. Sí-āu ê tāi-chì, siáⁿ-lâng ōe-tàng hō͘ i khòaⁿ--tio̍h?

Currently Selected:

Thoân-tō-su 3: TTVR

Highlight

Copy

Compare

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Popular Bible Verses from
Thoân-tō-su 3

Videos for Thoân-tō-su 3

Ecclesiastes 1-11

BibleProject

Ecclesiastes 3:16-6:11

Spoken Gospel

Episode 40: Is There Proof the Resurrection Actually Happened?

Under The Hood

Episode 31: Should Christians Celebrate Ash Wednesday?

Under The Hood

Thoân-tō-su 3

Popular Bible Verses from
Thoân-tō-su 3

Videos for Thoân-tō-su 3

Ecclesiastes 1-11

Ecclesiastes 3:16-6:11

Episode 40: Is There Proof the Resurrection Actually Happened?

Episode 31: Should Christians Celebrate Ash Wednesday?

Bible:

Chinese, Min Nan

Version: 現代台語譯本羅馬字版 - TTVR

Thoân-tō-su 3

Thoân-tō-su 3

Popular Bible Verses from Thoân-tō-su 3

Videos for Thoân-tō-su 3

Ecclesiastes 1-11

Ecclesiastes 3:16-6:11

Episode 40: Is There Proof the Resurrection Actually Happened?

Episode 31: Should Christians Celebrate Ash Wednesday?

Bible:

Chinese, Min Nan

Version: 現代台語譯本羅馬字版 - TTVR

Thoân-tō-su 3

Popular Bible Verses from
Thoân-tō-su 3