Ruma 8
8
Masine fag Falad at Fagbulun sas Tagafanud
1Ku ngay fadugsay, aro ginan igfayamag aw ababa sa ayu, te, tam Diyus nu glag antam, kata watam yud e asalanan, siginan tam gafanud sa tam Fun Isus. Ay nu katanya katsi, tam Diyus di long ban gfauri antam, 2teway inlangfe watam. Ebi ataw dewa tam gafanuguwanan asalanan, dewa tam gamagurangan fakateun, inlangfe watam sanya ginan. Ay nu katanya, katsi, Masine fag Falad wan tagmagurang antam, ay kanya yangay tagfon antam tam leleg at bagu. Fakatanyaun at fagbulun sa antam, teway tam Fun Isus nanangate tuwa laman falangfe antam.
3Ebi, dewa tam nasaful ayuwayu tam Diyus at ngay suguwan, galabawan way tam tam ngay fakaumsigun at mauri. Ay katanya wayay, satu ro watam umlangfe. Ay roro tam Diyus nafalangfe yay antam. Nasugu tuwa at Baguwama ste laman umke bilug kata antam. Teway itam taw gasalanan way tam ay, satu ro kafauri watam. Ay roro ngap, tam Fun Isus insik taw tuway, sa wa anya tam Diyus nu gfagurungan at faurianan.
4Ay katanya tuway tam Isus nafagbulun, katsi tam Diyus nu glag antam, di tam e asalanan. Kata tuwa tam sik ngay taw at nafafaningun fiya fiya tam Diyus at ngay suguwan. Ay katsi nu gbanwan tam, di tam gamagurangan tam ngay fakaumsigun ayuwayu at mauri. Masine fag Falad tuwa tagmagurang antam.
5Sik taw nu gamagurangan way at ngay fakaumsigun at mauri, gamatangan way gugat te, “Tain manga nu fafabul aw ku nalabianan?” Ay roro sik taw nu gamagurangan tuwa at Masine fag Falad, gamatangan tuwa te, “Tain manga Masine fag Falad at fakaumsigun angku?”
6Sik taw at amatanganan nu gamagurangan way at ngay fakaumsigun at mauri, at fakadasugan ban sas fakateun wadi. Ay sik taw at amatanganan nu gamagurangan tuwa at Masine fag Falad, kanya ban at fakadasugan, sa tuwa sad manabayan. Sa tuwas leleg at yud katabu.
7-8Sik taw nu gamagurangan way at fakaumsigun at mauri, wa kalong kalong mafafauseganan tam Diyus. Teway katanya fag ngay taw igfalimatan way tam Diyus. Wa kaumsig faning tam Diyus at ngay suguwan. Ay dewa long ro nanfaskud sirut nanfaning, wa long ro sumaful igfaning.
9Ay roro itam, di tam katanya. Nut si tuwa antam at Masine fag Falad, bundi tam sik ngay tagamagurangan tam ngay fakaumsigun at mauri. Antuwa tam sik ngay tagamagurangan at Masine fag Falad. Ay at Masine fag Falad nu dway si sik taw, kanya fag taw bunwa tam Fun Isus at taw, teway at Masine fag Falad siginan wa tam Fun Isus. 10Ay roro at Masine fag Falad nu si tuwa antam, si yangay antam tam Fun Isus. Ay dewa te, tuy tam bilug kate yadi, teway sik ngay tagasalanan way tam ay, at Masine fag Falad igfon antam leleg at yud katabu. Teway fakatanyaun, katsi tam Diyus nu glag antam, kata watam yud e asalanan.
11Bandi ban, tuy tam bilug dewa kate, tam Diyus faleleg yangay ban, teway tam Diyus at Falad si wa antam. Tam Diyus wa ngani ebi at nafaleleg tam Fun Isus. Ay katanya yangay ban at fagbulun sa antam. Fadog yangay ban faleleg tam bilug.
12Ay tam Diyus nafatsi wan ay antam at Masine fag Falad, inke fagbulun watam. Nanfaning watam at Masine fag Falad, ay wa tam nanfaning tam ngay fakaumsigun at mauri. 13Teway at ngay taw tagfaning at ngay fakaumsigun ayuwayu at mauri, at fakadasugan ban sas fakateun wadi. Ay roro itam at ke Masine fag Falad, ani tuwa ubuni tam ngay fagbulun at mauri. At Masine fag Falad wan tagfaamatanganan antam, laman mafaubun tuwa tam. Ay nu at Masine fag Falad tuwa tagfaamatanganan antam, kasaful tuwa te, e leleg watam fiya at yud katabu.
14-15Nut si tuwa antam Masine fag Falad, di tam kata sik ngay fanuguwan, takalimu at fun. Ay nu katanya katsi, di tam kalimu te, “Labon tam fagsegan inlimata wa antam.” Di tam e amatanganan katanya, teway itam wan ay tam Diyus unga. Nus nga sinu tagamagurangan at Masine fag Falad, kanya wan Diyus unga. Nu katanya, mafalong watam sa tam Diyus te, “O wan em tama.” 16Ay taglong katanya, bundi fagtvngvd antam tam falad. Anggan at Masine fag Falad, gasfuwan yangay glong sas Diyus, te, “Kin ngatu, kanya wa fiya am unga.”
17Ay tam Diyus wa tam ay at unga, at ngay fagafonun katsi at nafamasadan, fon wa ban antam. Gina ban igfon at fagafonun sas Isus, igfon yangay anggan sa antam. Nu katanya, tam fagbulun katsi, ani yangay sungatani, kata tam Isus nu gsungatan ebi, laman ban tam Diyus e fon antam sik masine dawdaw, kata at fon sa tam Isus.
Igfanya watam Dawdaw Tam Diyus Fatuyanan nu Kagurungan
18Katsi, kaduge tam ste swa daga, igdalan yay tam sik ngay mataka ayuwayu. Ay roro tam Diyus ban e fon tuwa antam fagmasineun ay fagmadaragangun. Ay gafanud aw te, kanya ban tam Diyus at fon, lumabi yay fiya fiya katsi tam ngay natakan.
19Katsi, ya ndasug kanya fag lungud. Tam Diyus ya nafasure te, roro itam wan at unga. Ay dewa katanya, tam Diyus awatan fagayu, kata wa nu mafanyaan. Kata nangus kanbang, te, seduge manga kanya fag lungud nu kagurungan.
20-21Ebi ataw taguna, tam Diyus at ngay awatan, masine tuwa dawdaw. Di kate, di kayango, ay di kadan. Ay satu ro, katanya tuwa gugat gugat. Ay teway taguna fag taw naasalanan wayay, tam Diyus nafabali wan at ngay awatan, laman wa ban katvngvd ebi nu masine. Kate way ay kayango ay kadan. Ay katanya wa ngani katsi tam nalag. Ay roro dewa katanya, tam Diyus mangaro e fasadan yay, te, gina ban indasug at filian fag lungud, nanfatuwas wan takadan fagayu, ay takayango, ay takate. Nu katanya, katsi tam Diyus at ngay awatan fagayu kata nangus nu mafanyaan tam Diyus at filian fag lungud nu kadasug. Ay ginanya long ban, tam Diyus at ngay awatan umlangfe wa ban siginan at ngay fanlonganan, gasfuwan antam. Teway tam Diyus ban nu gfon at nafamasadan fag fagmasineun ay fag fagmadaragangun, bundi sa antam fagtvngvd at ngay unga. Sa tuwa sigon at ngay awatan fagayu.
22Nu glinggat tam ste si tam ngaba talun, katoglag wa te, ngayu wa dawdaw at fanlonganan si tam Diyus at ngay awatan. Kata nangus sik mangena nu gfasalug at ngenge. Igfanguni dawdaw yap ngay at ngenge insalug. Katanya yangay tam Diyus at ngay awatan, kafanlonganan gugat gugat yap ngay indasug tam Diyus at filian fag lungud.
23Ay anggan itam tam Diyus at ngay unga, gatakan yangay tam. Kanbang watam dawdaw igfanya. Dewa katanya, tam Diyus nafagurungan wan tiba at fasadan sa antam. At sadi, nafatsi wa antam at Masine fag Falad. Ay roro tiba, katsi ban yadi nu gfagurungan. Katsi ban yadi nu gfasure fiya fiya, te itam wa fiya at unga. Ay katsi ban yadi nu gfon antam sik bagu bilug, at yud ban kate. Nu katanya, gfanya yay tam gugat gugat tam Diyus filian fag lungud nu kadasug.
24Ebi tam Diyus, nafalangfe wa antam. Ay siginan ginanya, inke fagsegun watam. Igfanseg watam te, tam Diyus fagurungan wa ban fiya at ngay fasadan sa antam. Satu ro nu nafagurungan wan, wa ro tam e fagsegun. Wa ro tam e fagfanyaun siginans Diyus. 25Ay roro ya ay ingurungan, igfanseg yay tam gugat gugat. Sungatanan yay tam igfanya tam Diyus nu gfagurungan at ngay fasadan sa antam.
26Ay dewa tam mafanalo, Masine fag Falad igtarabang tuwa antam. Tiba ginan wa tam nasaful tam fagdaranginun, ay kanya long nasaful wan, ay igfoyung tuwa sa tam Tama. Ay kanya nu gdarangin, wa kata antam. Wa gelongan. 27Ay dewa katanya, tam Diyus gtogdungug tuwa. Teway tam Diyus wan taglag tam ngay amatanganan. Ay kanya yangay tagsaful Masine fag Falad at amatanganan. Ay tam Diyus gsaful tuwa te, Masine fag Falad at fagetun fagayu, masine tuwa, kata tuwa Diyus fakaumsigun.
28Ku ngay fadugsay, igsaful tuwa tam te, dewas nga setaw tam nalag, dewas nga setaw tam nadalan, dewa masine ay dewa yud masine, sanya fagayu tam Diyus e fasadan wa fiya. Ay at fasadan sa antam sik ngay masine tuwa. Teway itam wan takesug tam Diyus. Ay itam yangay tam Diyus at fagtabanun fag ngay taw, at nanfagbulun at fakaumsigun fag ngay fagbulun.
29Siginan ngay ebi, tam Diyus nafili wa gugat antam, ay e fasadan wa gugat sa antam, laman umkata tuwa tam at Baguwama. Fakatanyaun at fasadan, laman ban tam Fun Isus tam kaka, ay itam at ngay fadugsay ayuwayu.
30Ay nu itam wan tam Diyus at ngay nafili, tam Diyus nataban wa antam siginans wa mauri. Ay tam Diyus nu glag antam, kata watam yud e asalanan. Ay bandi long ban, igfon wa ban fiya antam at nafamasadan fag fagmasineun ay fag fagmadaragangun.
We Mafafasalag Tam Diyus nu Kesug Antam
31Nu gamatangan watam tam Diyus at ngay nafagbulun sa antam, we mangalong at kamasinean. Nu katanya, dewa long ro e gafabarangyanun antam, wa long ro mabo antam. Tam Diyus igfatvngvdun tuway antam.
32Tam Diyus nu nafafon tuwa antam at Baguwama, at nesugan fiya fiya, famanyun yangay ro antam fagayu nus nge wain at masine. Di long ro umkesug, madyay at Baguwama oma, di nkesug igfon antam.
33Ay katsi, itam wan tam Diyus at nafili fag ngay taw. Nu katanya, wa ban e mafalong sas Diyus te, “Sek kanya fag ngay taw! E asalanan wadi!” Yaya, takatanya ban fag ngay elongan we masuwad sas Diyus. Teway tam Diyus tuway at nalong te, “Nu glag aw ayu, kata tuwam yud e asalanan.”
34Ay tam Diyus, di ban glong antam te, “Katsi nanfaurianan kwa ayu.” Teway tam Fun Isus gina inkate, nasali wan tam ngay asalanan. Ay bandi ataw, kanya indog yangay gleleg, ay nalo sat Tama day tigyangan. Ay sanya at fagbulun, get sat Tama te, “Falyami tuwa kanya fag ngay taw asalanan. Nasali akwan.” Nu katanya, tam Diyus di long ban faurianan antam.
35Nu tam Fun Isus wan takesug antam, dangay tam e nafanawaan, teway we mafafasalag tam Fun Isus nu kesug antam. Dewas nga setaw tam fagdumalanun fag ngay mataka, fag ngay mafanawa, fag ngay malimu, wa mafafasalag tam Fun Isus nu kesug antam. Dewa ste swa daga fag ngay taw kalimata antam, igfauri antam, dewa long ro e gafateun antam, wa mafafasalag tam Fun Isus nu kesug antam. Tam yafun dewa namin, tam ngay fagekwaun dewa namin, wa mafafasalag tam Fun Isus nu kesug antam.
36Nu gtap tam tam Diyus fanlongan, sumaful tam te, nu gfaning watam tam Fun Isus, ngayu wa ayuwayu tam fagdumalanun at mataka. Sa sik afud tam Diyus fanlongan, tumap tam sik taw darangin. Kanya fag taw gdarangin te, “Em Diyus, anwa gugat gugat e gafateun emi, teway ami wan ay am ngay taw. Tibak taw nu glag emi, wami kata sik taw. Kata way ami sik balan. Igfate way sigad emi.”#8:36 Danyu 44:22
37Ay roro ngap, dewa tam gdalan ayuwayu takatanya fag ngay mataka, roro di tam galabawan. Fangkabat itam tuwa tagbabo. Teway tam Fun Isus wan tagtarabang antam. Ay kanya kesug dawdaw antam. Katvngvdan nu kesug, sak wa inkate, laman fasali tam asalanan.
38Katatuy angku ku naatuyan. Fagayu nus nge wain, we mafafasalag tam Diyus nu kesug antam, teway itam wan tam Fun Isus at ngay taw. Dewa tam gleleg ay dewa tam umkate, we mafafasalag tam Diyus nu kesug antam. Dewa tagsiginans Diyus fag ngay falad, dewa mauri fag ngay falad, wa mafafasalag tam Diyus nu kesug antam. Dewas nga setaw tam fagdalanun katsi, ay tam fagdumalanun ban, kanya fagayu wa mafafasalag tam Diyus nu kesug antam. Dewa tagmagurang wa ayu daw fag ngay falad at madaragang, kanya wa mafafasalag tam Diyus nu kesug antam. 39Dewa tagsiginans daga, ay dewa tagsiginans banwa fag ngay falad, wa mafafasalag tam Diyus nu kesug. Ay dewas nga setaw fag ngay awatan tam nalag ay tam fagyudun glag, kanya fagayu wa mafafasalag tam Diyus nu kesug antam. Tam Diyus kesug yay fiya fiya antam, teway tam Fun Isus watam at taw.
Currently Selected:
Ruma 8: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Ruma 8
8
Masine fag Falad at Fagbulun sas Tagafanud
1Ku ngay fadugsay, aro ginan igfayamag aw ababa sa ayu, te, tam Diyus nu glag antam, kata watam yud e asalanan, siginan tam gafanud sa tam Fun Isus. Ay nu katanya katsi, tam Diyus di long ban gfauri antam, 2teway inlangfe watam. Ebi ataw dewa tam gafanuguwanan asalanan, dewa tam gamagurangan fakateun, inlangfe watam sanya ginan. Ay nu katanya, katsi, Masine fag Falad wan tagmagurang antam, ay kanya yangay tagfon antam tam leleg at bagu. Fakatanyaun at fagbulun sa antam, teway tam Fun Isus nanangate tuwa laman falangfe antam.
3Ebi, dewa tam nasaful ayuwayu tam Diyus at ngay suguwan, galabawan way tam tam ngay fakaumsigun at mauri. Ay katanya wayay, satu ro watam umlangfe. Ay roro tam Diyus nafalangfe yay antam. Nasugu tuwa at Baguwama ste laman umke bilug kata antam. Teway itam taw gasalanan way tam ay, satu ro kafauri watam. Ay roro ngap, tam Fun Isus insik taw tuway, sa wa anya tam Diyus nu gfagurungan at faurianan.
4Ay katanya tuway tam Isus nafagbulun, katsi tam Diyus nu glag antam, di tam e asalanan. Kata tuwa tam sik ngay taw at nafafaningun fiya fiya tam Diyus at ngay suguwan. Ay katsi nu gbanwan tam, di tam gamagurangan tam ngay fakaumsigun ayuwayu at mauri. Masine fag Falad tuwa tagmagurang antam.
5Sik taw nu gamagurangan way at ngay fakaumsigun at mauri, gamatangan way gugat te, “Tain manga nu fafabul aw ku nalabianan?” Ay roro sik taw nu gamagurangan tuwa at Masine fag Falad, gamatangan tuwa te, “Tain manga Masine fag Falad at fakaumsigun angku?”
6Sik taw at amatanganan nu gamagurangan way at ngay fakaumsigun at mauri, at fakadasugan ban sas fakateun wadi. Ay sik taw at amatanganan nu gamagurangan tuwa at Masine fag Falad, kanya ban at fakadasugan, sa tuwa sad manabayan. Sa tuwas leleg at yud katabu.
7-8Sik taw nu gamagurangan way at fakaumsigun at mauri, wa kalong kalong mafafauseganan tam Diyus. Teway katanya fag ngay taw igfalimatan way tam Diyus. Wa kaumsig faning tam Diyus at ngay suguwan. Ay dewa long ro nanfaskud sirut nanfaning, wa long ro sumaful igfaning.
9Ay roro itam, di tam katanya. Nut si tuwa antam at Masine fag Falad, bundi tam sik ngay tagamagurangan tam ngay fakaumsigun at mauri. Antuwa tam sik ngay tagamagurangan at Masine fag Falad. Ay at Masine fag Falad nu dway si sik taw, kanya fag taw bunwa tam Fun Isus at taw, teway at Masine fag Falad siginan wa tam Fun Isus. 10Ay roro at Masine fag Falad nu si tuwa antam, si yangay antam tam Fun Isus. Ay dewa te, tuy tam bilug kate yadi, teway sik ngay tagasalanan way tam ay, at Masine fag Falad igfon antam leleg at yud katabu. Teway fakatanyaun, katsi tam Diyus nu glag antam, kata watam yud e asalanan.
11Bandi ban, tuy tam bilug dewa kate, tam Diyus faleleg yangay ban, teway tam Diyus at Falad si wa antam. Tam Diyus wa ngani ebi at nafaleleg tam Fun Isus. Ay katanya yangay ban at fagbulun sa antam. Fadog yangay ban faleleg tam bilug.
12Ay tam Diyus nafatsi wan ay antam at Masine fag Falad, inke fagbulun watam. Nanfaning watam at Masine fag Falad, ay wa tam nanfaning tam ngay fakaumsigun at mauri. 13Teway at ngay taw tagfaning at ngay fakaumsigun ayuwayu at mauri, at fakadasugan ban sas fakateun wadi. Ay roro itam at ke Masine fag Falad, ani tuwa ubuni tam ngay fagbulun at mauri. At Masine fag Falad wan tagfaamatanganan antam, laman mafaubun tuwa tam. Ay nu at Masine fag Falad tuwa tagfaamatanganan antam, kasaful tuwa te, e leleg watam fiya at yud katabu.
14-15Nut si tuwa antam Masine fag Falad, di tam kata sik ngay fanuguwan, takalimu at fun. Ay nu katanya katsi, di tam kalimu te, “Labon tam fagsegan inlimata wa antam.” Di tam e amatanganan katanya, teway itam wan ay tam Diyus unga. Nus nga sinu tagamagurangan at Masine fag Falad, kanya wan Diyus unga. Nu katanya, mafalong watam sa tam Diyus te, “O wan em tama.” 16Ay taglong katanya, bundi fagtvngvd antam tam falad. Anggan at Masine fag Falad, gasfuwan yangay glong sas Diyus, te, “Kin ngatu, kanya wa fiya am unga.”
17Ay tam Diyus wa tam ay at unga, at ngay fagafonun katsi at nafamasadan, fon wa ban antam. Gina ban igfon at fagafonun sas Isus, igfon yangay anggan sa antam. Nu katanya, tam fagbulun katsi, ani yangay sungatani, kata tam Isus nu gsungatan ebi, laman ban tam Diyus e fon antam sik masine dawdaw, kata at fon sa tam Isus.
Igfanya watam Dawdaw Tam Diyus Fatuyanan nu Kagurungan
18Katsi, kaduge tam ste swa daga, igdalan yay tam sik ngay mataka ayuwayu. Ay roro tam Diyus ban e fon tuwa antam fagmasineun ay fagmadaragangun. Ay gafanud aw te, kanya ban tam Diyus at fon, lumabi yay fiya fiya katsi tam ngay natakan.
19Katsi, ya ndasug kanya fag lungud. Tam Diyus ya nafasure te, roro itam wan at unga. Ay dewa katanya, tam Diyus awatan fagayu, kata wa nu mafanyaan. Kata nangus kanbang, te, seduge manga kanya fag lungud nu kagurungan.
20-21Ebi ataw taguna, tam Diyus at ngay awatan, masine tuwa dawdaw. Di kate, di kayango, ay di kadan. Ay satu ro, katanya tuwa gugat gugat. Ay teway taguna fag taw naasalanan wayay, tam Diyus nafabali wan at ngay awatan, laman wa ban katvngvd ebi nu masine. Kate way ay kayango ay kadan. Ay katanya wa ngani katsi tam nalag. Ay roro dewa katanya, tam Diyus mangaro e fasadan yay, te, gina ban indasug at filian fag lungud, nanfatuwas wan takadan fagayu, ay takayango, ay takate. Nu katanya, katsi tam Diyus at ngay awatan fagayu kata nangus nu mafanyaan tam Diyus at filian fag lungud nu kadasug. Ay ginanya long ban, tam Diyus at ngay awatan umlangfe wa ban siginan at ngay fanlonganan, gasfuwan antam. Teway tam Diyus ban nu gfon at nafamasadan fag fagmasineun ay fag fagmadaragangun, bundi sa antam fagtvngvd at ngay unga. Sa tuwa sigon at ngay awatan fagayu.
22Nu glinggat tam ste si tam ngaba talun, katoglag wa te, ngayu wa dawdaw at fanlonganan si tam Diyus at ngay awatan. Kata nangus sik mangena nu gfasalug at ngenge. Igfanguni dawdaw yap ngay at ngenge insalug. Katanya yangay tam Diyus at ngay awatan, kafanlonganan gugat gugat yap ngay indasug tam Diyus at filian fag lungud.
23Ay anggan itam tam Diyus at ngay unga, gatakan yangay tam. Kanbang watam dawdaw igfanya. Dewa katanya, tam Diyus nafagurungan wan tiba at fasadan sa antam. At sadi, nafatsi wa antam at Masine fag Falad. Ay roro tiba, katsi ban yadi nu gfagurungan. Katsi ban yadi nu gfasure fiya fiya, te itam wa fiya at unga. Ay katsi ban yadi nu gfon antam sik bagu bilug, at yud ban kate. Nu katanya, gfanya yay tam gugat gugat tam Diyus filian fag lungud nu kadasug.
24Ebi tam Diyus, nafalangfe wa antam. Ay siginan ginanya, inke fagsegun watam. Igfanseg watam te, tam Diyus fagurungan wa ban fiya at ngay fasadan sa antam. Satu ro nu nafagurungan wan, wa ro tam e fagsegun. Wa ro tam e fagfanyaun siginans Diyus. 25Ay roro ya ay ingurungan, igfanseg yay tam gugat gugat. Sungatanan yay tam igfanya tam Diyus nu gfagurungan at ngay fasadan sa antam.
26Ay dewa tam mafanalo, Masine fag Falad igtarabang tuwa antam. Tiba ginan wa tam nasaful tam fagdaranginun, ay kanya long nasaful wan, ay igfoyung tuwa sa tam Tama. Ay kanya nu gdarangin, wa kata antam. Wa gelongan. 27Ay dewa katanya, tam Diyus gtogdungug tuwa. Teway tam Diyus wan taglag tam ngay amatanganan. Ay kanya yangay tagsaful Masine fag Falad at amatanganan. Ay tam Diyus gsaful tuwa te, Masine fag Falad at fagetun fagayu, masine tuwa, kata tuwa Diyus fakaumsigun.
28Ku ngay fadugsay, igsaful tuwa tam te, dewas nga setaw tam nalag, dewas nga setaw tam nadalan, dewa masine ay dewa yud masine, sanya fagayu tam Diyus e fasadan wa fiya. Ay at fasadan sa antam sik ngay masine tuwa. Teway itam wan takesug tam Diyus. Ay itam yangay tam Diyus at fagtabanun fag ngay taw, at nanfagbulun at fakaumsigun fag ngay fagbulun.
29Siginan ngay ebi, tam Diyus nafili wa gugat antam, ay e fasadan wa gugat sa antam, laman umkata tuwa tam at Baguwama. Fakatanyaun at fasadan, laman ban tam Fun Isus tam kaka, ay itam at ngay fadugsay ayuwayu.
30Ay nu itam wan tam Diyus at ngay nafili, tam Diyus nataban wa antam siginans wa mauri. Ay tam Diyus nu glag antam, kata watam yud e asalanan. Ay bandi long ban, igfon wa ban fiya antam at nafamasadan fag fagmasineun ay fag fagmadaragangun.
We Mafafasalag Tam Diyus nu Kesug Antam
31Nu gamatangan watam tam Diyus at ngay nafagbulun sa antam, we mangalong at kamasinean. Nu katanya, dewa long ro e gafabarangyanun antam, wa long ro mabo antam. Tam Diyus igfatvngvdun tuway antam.
32Tam Diyus nu nafafon tuwa antam at Baguwama, at nesugan fiya fiya, famanyun yangay ro antam fagayu nus nge wain at masine. Di long ro umkesug, madyay at Baguwama oma, di nkesug igfon antam.
33Ay katsi, itam wan tam Diyus at nafili fag ngay taw. Nu katanya, wa ban e mafalong sas Diyus te, “Sek kanya fag ngay taw! E asalanan wadi!” Yaya, takatanya ban fag ngay elongan we masuwad sas Diyus. Teway tam Diyus tuway at nalong te, “Nu glag aw ayu, kata tuwam yud e asalanan.”
34Ay tam Diyus, di ban glong antam te, “Katsi nanfaurianan kwa ayu.” Teway tam Fun Isus gina inkate, nasali wan tam ngay asalanan. Ay bandi ataw, kanya indog yangay gleleg, ay nalo sat Tama day tigyangan. Ay sanya at fagbulun, get sat Tama te, “Falyami tuwa kanya fag ngay taw asalanan. Nasali akwan.” Nu katanya, tam Diyus di long ban faurianan antam.
35Nu tam Fun Isus wan takesug antam, dangay tam e nafanawaan, teway we mafafasalag tam Fun Isus nu kesug antam. Dewas nga setaw tam fagdumalanun fag ngay mataka, fag ngay mafanawa, fag ngay malimu, wa mafafasalag tam Fun Isus nu kesug antam. Dewa ste swa daga fag ngay taw kalimata antam, igfauri antam, dewa long ro e gafateun antam, wa mafafasalag tam Fun Isus nu kesug antam. Tam yafun dewa namin, tam ngay fagekwaun dewa namin, wa mafafasalag tam Fun Isus nu kesug antam.
36Nu gtap tam tam Diyus fanlongan, sumaful tam te, nu gfaning watam tam Fun Isus, ngayu wa ayuwayu tam fagdumalanun at mataka. Sa sik afud tam Diyus fanlongan, tumap tam sik taw darangin. Kanya fag taw gdarangin te, “Em Diyus, anwa gugat gugat e gafateun emi, teway ami wan ay am ngay taw. Tibak taw nu glag emi, wami kata sik taw. Kata way ami sik balan. Igfate way sigad emi.”#8:36 Danyu 44:22
37Ay roro ngap, dewa tam gdalan ayuwayu takatanya fag ngay mataka, roro di tam galabawan. Fangkabat itam tuwa tagbabo. Teway tam Fun Isus wan tagtarabang antam. Ay kanya kesug dawdaw antam. Katvngvdan nu kesug, sak wa inkate, laman fasali tam asalanan.
38Katatuy angku ku naatuyan. Fagayu nus nge wain, we mafafasalag tam Diyus nu kesug antam, teway itam wan tam Fun Isus at ngay taw. Dewa tam gleleg ay dewa tam umkate, we mafafasalag tam Diyus nu kesug antam. Dewa tagsiginans Diyus fag ngay falad, dewa mauri fag ngay falad, wa mafafasalag tam Diyus nu kesug antam. Dewas nga setaw tam fagdalanun katsi, ay tam fagdumalanun ban, kanya fagayu wa mafafasalag tam Diyus nu kesug antam. Dewa tagmagurang wa ayu daw fag ngay falad at madaragang, kanya wa mafafasalag tam Diyus nu kesug antam. 39Dewa tagsiginans daga, ay dewa tagsiginans banwa fag ngay falad, wa mafafasalag tam Diyus nu kesug. Ay dewas nga setaw fag ngay awatan tam nalag ay tam fagyudun glag, kanya fagayu wa mafafasalag tam Diyus nu kesug antam. Tam Diyus kesug yay fiya fiya antam, teway tam Fun Isus watam at taw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines