Ruma 7
7
Katsi nu Gafanud watam sa Tam Isus, Di Tam Gamagurangan Ebi fag ngay Suguwan
1Ku ngay fadugsay, nasaful wam tam Diyus at nafon fag ngay suguwan sa sangay taw Udyu. Ay nasaful yangay ro am te, ka fag suguwan nu mafasugu sik taw, te faningi tuwa, kaduge way kanya fag taw gleleg. Sik taw nu nkate wan, kanya fag suguwan wa mafafasugu anya. Ay itam, kata watam inkate gasfuwan tam Fun Isus. Nu katanya, katsi, di tam gafanuguwanan kanya fag ngay suguwan.
2-3Katanya wa fiya tam nalag sa tam Diyus at ngay suguwan ayuwayu. Kanya fag ngay suguwan nu mafasugu at ngay taw, kaduge way at ngay taw gleleg. At sadi ngani tam Diyus suguwan, glong te, sik mangena, kaduge e mangama, wa masine nanfadiyugan tibak mangama. Nu nafadiyugan way, kanya kamayun way. Ay roro at mangama nu nkate wan, kanya fag mangena, masine wa kadaduwa sa tibak ama. Dewa nafanmangama tibak mangama, di kamayun. Ebi at fagfaningun fag suguwan, te lag fanmangama tiba, we masuwad, teway at mangama inkate wan. Teway tam Diyus at ngay suguwan nu mafasugu at ngay taw, kaduge way at ngay taw gleleg.
4Ay itam katsi, di tam gafanuguwanan sa ebi tam Diyus at ngay suguwan, teway kata watam inkate gasfuwan tam Fun Isus. Ay nu nkate watam, at masuwad, kanya fag ngay suguwan wa mafasugu antam. E fun watam bagu katsi. Ay kanya dewa inkate, indog yay gleleg. Kanya wan tam Fun Isus. Kanya wan tam fun at bagu, ay itam wan at ngay taw. Ay roro tam fagin-ngayanun te, tam Fun Isus watam at taw, laman ban nanfangurungan tuwa tam tam Diyus at ngay fasadan sa antam.
5Ebi, gamagurangan way tam tam bilug at fakaumsigun. Dewa ngap tam e nasaful siginan tam Diyus suguwan, kaugat way baliwa nu antam gafaningun at fagsalagun fag ngay ugali. Nu katanya, sas fakateun way gugat tam fakadasugan.
6Ay katsi, roro, di tam kata ebi. Di tam gafabulunan ka fag ngay suguwan ayuwayu. Nalfas watam sanya ginan, teway kata watam inkate. Nu katanya, nu gfaning tam tam Diyus, di kata ebi nu gasuguwan tam sik ngay suguwan ayuwayu at marirukan. Katsi, tam fagmafafaningun tam Diyus, teway at Masine fag Falad tuwa tagfaamatanganan antam.
Tam Diyus Suguwan Dewa Masine, Asalanan Naawat yay at Faran Laman Fadasug Taw sas Fakateun
7Ku ngay fadugsay, aro ginan iglong aw te, nu nasaful watam tam Diyus at suguwan, kaugat way baliwa nu kamabo tam tam Diyus. Ay labon tibak taw at nadungug katanya, lumong te, “E kin, nu katanya, tam Diyus ngaro suguwan mauri way, madyay igfaasalanan way antam.” Sek, igdi long, di long mauri tam Diyus suguwan. Anway te, nu gsaful watam kanya fag ngay suguwan, kaayu yangay tam fagsafulun sas asalanan baliwa.
At sadi tam Diyus suguwan, iglong te, “Lag galabian.”#7:7 Nu Galin 20:17; Diyuterunumyu 5:21 Ay satu ro, tam Diyus way e suguwan antam katanya, aw kwa nasaful te wa ngaro masine tagalabian. 8-9Ay teway roro, si ku basad amatanganan e asalanan wan. Kata way gugat igtiyug si ku amatanganan. Ay siginan aw nasaful kanya fag suguwan, te, lag galabian, ka fag asalanan kata infulo. Ay nalabian kwa ayuwayu ku ngay nalag sa ku ngaba dayu.
Ebi ataw, gina aw yud nasaful tam Diyus suguwan, sadaw e leleg aktuwa tagsiginans Diyus. Ay roro mangaro siginan tam Diyus suguwan indasug sa angku, asalanan sigon insure yangay daw. Ay nasaful aw te, aw ngaro, kata kway sik matean fag taw. Kwe leleg tagsiginan tam Diyus.
10Satu ro nu nafafaning akdi tam Diyus at ngay suguwan, kanya wan tagfadasug angku sas leleg at yud katabu. Ay teway roro, kwa ay nafafaning, Diyus yay suguwan at nafadasug angku sas fakateun. 11Nasaful kyama Diyus suguwan, asalanan nafaligbatan angku, ay kwa nasaful gfaning at matuyan. Ay nu katanya, ku fakadasugan mangaro sas fakateun way.
12Ku ngay fadugsay, di long mauri tam Diyus suguwan. At mauri, asalanan wadi. Ay tam Diyus suguwan, masine tuwa fagayu. Di e nasalan. Fagayu igtungul tuwa.
13Ay labon tibak taw gamatangan te, “Sek, kanya fag ngay suguwan dewa masine, mauri way sa angku. Teway igfadasug way ngap angku sas fakateun.” Ay roro igdi, tam Diyus at ngay suguwan di long mauri. Teway bunwa tam Diyus at ngay suguwan tagfasadanan laman umdasug tam sas fakateun. Tagfasadanan fiya fiya katanya, asalanan wadi.
Asalanan nafaamatanganan wayay angku, kwa nafaning kanya fag ngay suguwan at masine. Ay nu katanya, ebi, kata kway matean. Ay nu katanya wan asalanan nafagbulun sa angku, intuyan aw te, katvngvd anya mangaro asalanan nu mauri. Mason dawdaw nu mauri.
Duwak Amatanganan Igbidbilugan Nanmagurang Taw Amatanganan
14Ku ngay fadugsay, kanya fag ngay suguwan fagayu, siginan tuwa at Masine fag Falad. Ay teway aw, kwa nafaning at Masine fag Falad at nafaamatanganan angku. Gasuguwan kway asalanan.
15Gamatangan aw te, taw siring fakatanyaun ku fagbulun, madyay kwa nafafagbulun ku fasadan aro taw at masine. Ku nafagbulun, ku nalimatan way baliwa. 16Ay dewa aw igfagbulun mauri, igsaful aktuwa te, Diyus tuwa suguwan tagtungul. Madyay saful aktuwa kalimata ku fagbulun at mauri.
17Ay dewa aw kaumsig gfaning Diyus suguwan, at mauri way ngap karo baliwa ku fagfaningun. Roro mangaro fakatanyaun ku fagbulun, e asalanan way si ku amatanganan. Ay kanya fag asalanan igfaleleganan way angku.
18-19Nafasadanan kyama masine, rodi ataw kwa nafafaning. Gananfagbulunun kyama at masine, roro ku nafagurungan anway at yud masine. Ku nalimatan way takasure gugat gugat si angku. Ay katanya kwayay, intuyan aw te, fagayu ngap tagsiginan angku ku ngay amatanganan mandi, kanya fagayu wa masine.
20Ay fakatanyaun mangaro ku fagbulun, te kwa gfaning ku ngay fasadan at masine, e gfaleleganan way angku. E asalanan way si ku amatanganan, ay kanya way tagfaleleganan angku.
21Katanya wa gugat gugat, te dewa aw kaumsig nanfaning at masine, at mauri sigon sanya yangay. 22-23Nu katanya, nasaful aw te, kata e duwak tagsugu angku. At sadik tagsugu, tagsiginan tuwa Diyus. Kanya long kaumsig aw nanfaning. Ay roro at sadik tagsugu, tagsiginan ways asalanan. Ay kanya tagsiginans asalanan, igfabarangyan way tagsiginans Diyus fag amatanganan. Igfabulun way dawdaw angku laman fatunglus kway gasalanan.
24Sek, ku fangafutukan wan, te tain manga nu malfas aw ste ginan ku banwanan, laman dakdi ban umdasug sas fakateun? Sinu manga at mafafalfas angku? 25Roro mangaro fadi fadi, e gfalfas tuwa angku. Tagfalfas angku siginans fakateun, tam Diyus wan. Ay tam Diyus faran nu gfalfas angku, nasugu tam Fun Isus, tam Fagsegan.
Ku ngay fadugsay, at mafungkuk fag longan, kata nangus e duwak tagsugu angku. At sadi igsugu angku te, faningi way asalanan. Ay at sadi igsugu angku te, faningi tuwa Diyus suguwan. Ay ku amatanganan fiya fiya, Diyus suguwan tuwa ku fagfaningun. Ay teway e fakaumsigun kyangay at mauri, ay kanya fag ngay fakaumsigun at mauri, igfadiyuganan way kanya fag tagsugu taglong te faningi asalanan.
Currently Selected:
Ruma 7: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Ruma 7
7
Katsi nu Gafanud watam sa Tam Isus, Di Tam Gamagurangan Ebi fag ngay Suguwan
1Ku ngay fadugsay, nasaful wam tam Diyus at nafon fag ngay suguwan sa sangay taw Udyu. Ay nasaful yangay ro am te, ka fag suguwan nu mafasugu sik taw, te faningi tuwa, kaduge way kanya fag taw gleleg. Sik taw nu nkate wan, kanya fag suguwan wa mafafasugu anya. Ay itam, kata watam inkate gasfuwan tam Fun Isus. Nu katanya, katsi, di tam gafanuguwanan kanya fag ngay suguwan.
2-3Katanya wa fiya tam nalag sa tam Diyus at ngay suguwan ayuwayu. Kanya fag ngay suguwan nu mafasugu at ngay taw, kaduge way at ngay taw gleleg. At sadi ngani tam Diyus suguwan, glong te, sik mangena, kaduge e mangama, wa masine nanfadiyugan tibak mangama. Nu nafadiyugan way, kanya kamayun way. Ay roro at mangama nu nkate wan, kanya fag mangena, masine wa kadaduwa sa tibak ama. Dewa nafanmangama tibak mangama, di kamayun. Ebi at fagfaningun fag suguwan, te lag fanmangama tiba, we masuwad, teway at mangama inkate wan. Teway tam Diyus at ngay suguwan nu mafasugu at ngay taw, kaduge way at ngay taw gleleg.
4Ay itam katsi, di tam gafanuguwanan sa ebi tam Diyus at ngay suguwan, teway kata watam inkate gasfuwan tam Fun Isus. Ay nu nkate watam, at masuwad, kanya fag ngay suguwan wa mafasugu antam. E fun watam bagu katsi. Ay kanya dewa inkate, indog yay gleleg. Kanya wan tam Fun Isus. Kanya wan tam fun at bagu, ay itam wan at ngay taw. Ay roro tam fagin-ngayanun te, tam Fun Isus watam at taw, laman ban nanfangurungan tuwa tam tam Diyus at ngay fasadan sa antam.
5Ebi, gamagurangan way tam tam bilug at fakaumsigun. Dewa ngap tam e nasaful siginan tam Diyus suguwan, kaugat way baliwa nu antam gafaningun at fagsalagun fag ngay ugali. Nu katanya, sas fakateun way gugat tam fakadasugan.
6Ay katsi, roro, di tam kata ebi. Di tam gafabulunan ka fag ngay suguwan ayuwayu. Nalfas watam sanya ginan, teway kata watam inkate. Nu katanya, nu gfaning tam tam Diyus, di kata ebi nu gasuguwan tam sik ngay suguwan ayuwayu at marirukan. Katsi, tam fagmafafaningun tam Diyus, teway at Masine fag Falad tuwa tagfaamatanganan antam.
Tam Diyus Suguwan Dewa Masine, Asalanan Naawat yay at Faran Laman Fadasug Taw sas Fakateun
7Ku ngay fadugsay, aro ginan iglong aw te, nu nasaful watam tam Diyus at suguwan, kaugat way baliwa nu kamabo tam tam Diyus. Ay labon tibak taw at nadungug katanya, lumong te, “E kin, nu katanya, tam Diyus ngaro suguwan mauri way, madyay igfaasalanan way antam.” Sek, igdi long, di long mauri tam Diyus suguwan. Anway te, nu gsaful watam kanya fag ngay suguwan, kaayu yangay tam fagsafulun sas asalanan baliwa.
At sadi tam Diyus suguwan, iglong te, “Lag galabian.”#7:7 Nu Galin 20:17; Diyuterunumyu 5:21 Ay satu ro, tam Diyus way e suguwan antam katanya, aw kwa nasaful te wa ngaro masine tagalabian. 8-9Ay teway roro, si ku basad amatanganan e asalanan wan. Kata way gugat igtiyug si ku amatanganan. Ay siginan aw nasaful kanya fag suguwan, te, lag galabian, ka fag asalanan kata infulo. Ay nalabian kwa ayuwayu ku ngay nalag sa ku ngaba dayu.
Ebi ataw, gina aw yud nasaful tam Diyus suguwan, sadaw e leleg aktuwa tagsiginans Diyus. Ay roro mangaro siginan tam Diyus suguwan indasug sa angku, asalanan sigon insure yangay daw. Ay nasaful aw te, aw ngaro, kata kway sik matean fag taw. Kwe leleg tagsiginan tam Diyus.
10Satu ro nu nafafaning akdi tam Diyus at ngay suguwan, kanya wan tagfadasug angku sas leleg at yud katabu. Ay teway roro, kwa ay nafafaning, Diyus yay suguwan at nafadasug angku sas fakateun. 11Nasaful kyama Diyus suguwan, asalanan nafaligbatan angku, ay kwa nasaful gfaning at matuyan. Ay nu katanya, ku fakadasugan mangaro sas fakateun way.
12Ku ngay fadugsay, di long mauri tam Diyus suguwan. At mauri, asalanan wadi. Ay tam Diyus suguwan, masine tuwa fagayu. Di e nasalan. Fagayu igtungul tuwa.
13Ay labon tibak taw gamatangan te, “Sek, kanya fag ngay suguwan dewa masine, mauri way sa angku. Teway igfadasug way ngap angku sas fakateun.” Ay roro igdi, tam Diyus at ngay suguwan di long mauri. Teway bunwa tam Diyus at ngay suguwan tagfasadanan laman umdasug tam sas fakateun. Tagfasadanan fiya fiya katanya, asalanan wadi.
Asalanan nafaamatanganan wayay angku, kwa nafaning kanya fag ngay suguwan at masine. Ay nu katanya, ebi, kata kway matean. Ay nu katanya wan asalanan nafagbulun sa angku, intuyan aw te, katvngvd anya mangaro asalanan nu mauri. Mason dawdaw nu mauri.
Duwak Amatanganan Igbidbilugan Nanmagurang Taw Amatanganan
14Ku ngay fadugsay, kanya fag ngay suguwan fagayu, siginan tuwa at Masine fag Falad. Ay teway aw, kwa nafaning at Masine fag Falad at nafaamatanganan angku. Gasuguwan kway asalanan.
15Gamatangan aw te, taw siring fakatanyaun ku fagbulun, madyay kwa nafafagbulun ku fasadan aro taw at masine. Ku nafagbulun, ku nalimatan way baliwa. 16Ay dewa aw igfagbulun mauri, igsaful aktuwa te, Diyus tuwa suguwan tagtungul. Madyay saful aktuwa kalimata ku fagbulun at mauri.
17Ay dewa aw kaumsig gfaning Diyus suguwan, at mauri way ngap karo baliwa ku fagfaningun. Roro mangaro fakatanyaun ku fagbulun, e asalanan way si ku amatanganan. Ay kanya fag asalanan igfaleleganan way angku.
18-19Nafasadanan kyama masine, rodi ataw kwa nafafaning. Gananfagbulunun kyama at masine, roro ku nafagurungan anway at yud masine. Ku nalimatan way takasure gugat gugat si angku. Ay katanya kwayay, intuyan aw te, fagayu ngap tagsiginan angku ku ngay amatanganan mandi, kanya fagayu wa masine.
20Ay fakatanyaun mangaro ku fagbulun, te kwa gfaning ku ngay fasadan at masine, e gfaleleganan way angku. E asalanan way si ku amatanganan, ay kanya way tagfaleleganan angku.
21Katanya wa gugat gugat, te dewa aw kaumsig nanfaning at masine, at mauri sigon sanya yangay. 22-23Nu katanya, nasaful aw te, kata e duwak tagsugu angku. At sadik tagsugu, tagsiginan tuwa Diyus. Kanya long kaumsig aw nanfaning. Ay roro at sadik tagsugu, tagsiginan ways asalanan. Ay kanya tagsiginans asalanan, igfabarangyan way tagsiginans Diyus fag amatanganan. Igfabulun way dawdaw angku laman fatunglus kway gasalanan.
24Sek, ku fangafutukan wan, te tain manga nu malfas aw ste ginan ku banwanan, laman dakdi ban umdasug sas fakateun? Sinu manga at mafafalfas angku? 25Roro mangaro fadi fadi, e gfalfas tuwa angku. Tagfalfas angku siginans fakateun, tam Diyus wan. Ay tam Diyus faran nu gfalfas angku, nasugu tam Fun Isus, tam Fagsegan.
Ku ngay fadugsay, at mafungkuk fag longan, kata nangus e duwak tagsugu angku. At sadi igsugu angku te, faningi way asalanan. Ay at sadi igsugu angku te, faningi tuwa Diyus suguwan. Ay ku amatanganan fiya fiya, Diyus suguwan tuwa ku fagfaningun. Ay teway e fakaumsigun kyangay at mauri, ay kanya fag ngay fakaumsigun at mauri, igfadiyuganan way kanya fag tagsugu taglong te faningi asalanan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines