Matiyu 27
27
E Nataban Isus sas Pilatu
(Mar. 15:1; Lukas 23:1-2; Uan 18:28-32)
1Ay ginas balabag sirut, fagayu taganyun daul ay taw Udyu at ngay tagmagurang inful ay igsulitanan te, “Tain ban nu gfafate tam Isus?” 2Ay kanya nasugu te, “Siyuki Isus ay tabani sas Pilatu.” Pilatu, kanya at gubernadur.
Udas Nafate wa Anya Mandi
(Fagbulun 1:16-19)
3Ay Udas, at nafoyung Isus sat mauri fag ngay taw, gina nadungug te, e nanfate wa ro Isus, kanya kabalu dawdaw ebi at nafagbulun sas Isus. Ay kanya nafafoli yay ebi at nabul fag 30k pilak sa sangay taganyun daul ay sa sangay taw Udyu at ngay tagmagurang. 4Ay Udas nalong te, “Inke asalanan aw, anway sa ku nafoyungan ayu sik taw at yud e asalanan.” Ay ka fag ngay taw nabalus anya te, “Dewa katanya am longan we masuwad sa emi. Nus nga setaw wa am fasadan.” 5Ay Udas naukas ka fag 30k pilak sas Diyus basad bale, ay nalo wan ay nasiyuk wa at liug ay nafate wa anya mandi.
6Ay ngay taganyun daul nafuyut ka fag ngay pilak ay gsulitanan yay te, “Yaya. Wa tam gfaning tam faugali nu gfaful way tam tuy ngay pilak sas Diyus bale at fagsuwadan pilak, anway tuy fag ngay pilak sik fansali way sik taw at taguk.” 7Ay ka fag ngay taganyun daul insadi te, “Nanbili way tam sik daga siginan sik taw takawat bisu, laman ban sanya at faglibingan at yud Udyu fag ngay taw at kinkate.” 8Ay nu katanya, e nafangayan ka fag daga te, “At ke Taguk fag Daga.” Ay katanya wan at ngayan anggan katsi.
9Fakatanyaun in-gurungan taglong Eremyas ebi at foyungan te, “Ka fag ngay taw nabul 30k pilak, taw Israel at naasadian at fansali sik taw. 10Ay kanya nafon ka fag ngay pilak at fansali sik daga siginan sik taw takawat bisu, kata Diyus at longan sa angku.”
Pilatu Nainto sas Isus
(Mar. 15:2-5; Lukas 23:3-5; Uan 18:33-38)
11Ay Isus malindug sas Pilatu at akbang. Ay Pilatu ginto te, “Go o wan ngay taw Udyu at fun?” Ay Isus nabalus te, “Kin wan. Kata wa ngaro fiya am longan.” 12Ay roro gina ngay taganyun daul ay anggan taw Udyu at ngay tagmagurang nafoyung nafamuwagan Isus at asalanan, Isus wa nabalus. 13Ay Pilatu nainto yangay fiya Isus te, “Taw am fagyudun gbalus? Go wo nadungug at ngay longan ayuwayu sa emu baliwa?” 14Ay Isus wa gbalus, nus di sadi at longan. Ay nu katanya, Pilatu gamatangan daw te, “Taw fakatanyaun?”
E Nafalfas Barabas ay e Gafateun Isus
(Mar. 15:6-15; Lukas 23:13-25; Uan 18:39–19:16)
15Gina e fagmafulun sa baliwas Tagfabarita nu Glangfe, Pilatu at ugali faggugat igfalfas sadik kinsungsung, nus nga sinu ngay taw at fakaumsigun. 16Ay ginanya e sik masungsungan at ngayan, Barabas. Ay fagayu taw nasaful wa anya. 17Ay ngay taw gina maful, Pilatu nainto te, “Inday kanya fag duwa ay fakaumsigun ku fagfalfasun? Go Barabas ay ate Isus, tiba nu gngayan anya, ‘Diyus at nafili fag Fun?’ ” 18Pilatu nasaful wa te, taw Udyu at ngay tagmagurang at fagnatabanun Isus sa anya, anway te, galabian Isus at fagbulun.
19Ay gina Pilatu malunggung sat fagfasinean fanlonganan fag faglunggungan, at mangena nasugu sik fanuguwan te, “Lag e fagbulun sa ka fag taw at matuyan, anway sad yabi e taginfanan aw. Ay kabalu aw dawdaw anya.” 20Ay at ngay taganyun daul ay anggan taw Udyu at ngay tagmagurang matvngvd nu gatul at ngay taw, laman at ngay taw met sas Pilatu te, “Falfasi wan Barabas ay fatei wa long Isus.” 21Ay rodi Pilatu gdog yay nainto sa sangay taw te, “Go inday ro kanya fag duwa ay fakaumsigun ku fagfalfasun?” Ay ngay taw nabalus te, “Em fakaumsigun, Barabas!” 22Ay Pilatu ginto yangay fiya te, “Ay setain ro ku fagbulun sas Isus, tiba at ngayan Diyus at nafili fag Fun?” Ay at ngay taw nabalus yangay te, “Tuktuki wa anya sas salibagan kayu!” 23Ay Pilatu ginto te, “Taw sangay at asalanan?” Dewa katanya at longan, at ngay taw glabi yay aro ataw nu guro te, “Tuktuki wa anya sas salibagan kayu!” 24Ay Pilatu nasaful wa te, “Dewa ngap aw nalong, we masuwad.” Ay at ngay taw nu garingangan wan, Pilatu nabul sik safa ay nafegus at daluwap sa sangay taw faglagan. Ay kanya nalong te, “Kwe asalanan ka fag taw at naatean. Am wan tagfoyung ro sa taginto ayu.” 25Ay ka fag ngay taw nabalus te, “Kin, ami wa ban ay em ngay unga at ke asalanan sa ka fag taw at naatean!” 26Ay Pilatu nafalfas wa fiya Barabas, ay nafafusfus wa dawdaw Isus. Ay rodi nafataban wa anya sa sangay sundalu, laman nanfatuktuk wa anya sas salibagan kayu.
Ngay Sundalu Gfanlamangan Isus
(Mar. 15:16-20; Uan 19:2-3)
27Ay at ngay sundalu nataban Isus sas Pilatu at bale daul. Ay ngayu wa fag sundalu at maful sanya. 28Ay ka fag ngay sundalu nabul Isus at balukas siginan at bilug, ay natubus yay sik balukas ngaba maraska. 29Ay kanya naawat sik sangbo madugi, ay nafasangboan sas Isus at alfuyu. Ay nafagalumutan sas Isus at siyun fag daluwap sik suwan, gfafaninganan fun at suwan. Ay natudan sas Isus at akbang, ay igfalingun gelongan te, “Madaragang o, taw Udyu at Fun!” 30Ay kanya natufe Isus. Ay naago yay fiya siginans Isus ka fag suwan ay nafusfus sas Isus at alfuyu. 31Ay nu ntabu wan nu gfalingun Isus, nabul yay fiya at nafasulun fag balukas maraska. Ay nafasulun aro ataw at balukas dan. Ay nataban wa long anya, laman nantuktuk sas salibagan kayu.
E Natuktuk wa Isus sas Salibagan Kayu
(Mar. 15:21-32; Lukas 23:26-43; Uan 19:17-27)
32Ay nu gaalfasun wan siginan sad fulan, ka fag ngay sundalu nalag sik taw, at ngayan Simun, siginans fulan Sirene. Ay ka fag ngay sundalu nafaubanan way sigad Isus at salibagan kayu sanya fag taw. 33Ay fagayu at taw tagalo ndasug sa sik talun at ngayan te, Gulguta, at masuwad te, “Butul Alfuyu.” 34Ay e nafon sas Isus sik wat buwadan safa nafagamutan at mayat. Ay dewa e gfasupsup Isus, kanya wa kaumsig. 35Ay ka fag ngay sundalu natuktuk Isus sas salibagan kayu. Ay rodi naafudan wa Isus at ngay balukas, gina ntabu nu gfe fagsafulan te, dada ro sik afud. 36Ay ka fag ngay sundalu malunggung yay sanya, gtanud. 37Ay e nadafut yay sik fagsafulan Isus at asalanan sit tungud alfuyu te, “TUY ISUS, NGAY TAW UDYU AT FUN.” 38Ay ginanya e natuktuk ya duwak takamul sat salibagan kayu mandi, at sadi sis Isus siyun baliwa ay at sadi sit wala baliwa.
39Ay kayu at nadalan sanya nu glinggat sas Isus, igfabalitang way at mata, ay igfalingun Isus te, 40“O wan at nalong te, rumasras o Diyus bale, ay gdog yay o fiya mawat at kadugayan tuluk menit! Nu o wan Diyus at Baguwama, alfasi nu kin sanya ginan; falangfei emu!” 41Ay katanya yangay ngay taganyun daul, ay ngay tagfoyung Muisis at Suguwan, ay anggan taw Udyu at ngay tagmagurang nu gfalingun. 42Glong te, “Kanya mafabalabag tuwa at tiba. Sadaw kanya wan taw Israel at Fun? Alfasi nu kin siginans salibagan kayu. Ay nu malfas di ro, mafanud wami. 43Kanya glong te, ‘Gafanud aktuwa sas Diyus.’ Go Diyus kaumsig nanfalangfe anya, anway glong te, ‘Aw, Diyus at Baguwama?’ ” 44Ay anggan at natuktuk fag duwak takamul, gfalingun yangay Isus.
Isus Inkate wan
(Mar. 15:33-41; Lukas 23:44-49; Uan 19:28-30)
45Ay gina swa bilug menit, inkarum way sigad sanya fag talun fagdaul, anggan kabat sfatulu sfafun. 46Ay nus fatulu was fafun, Isus nauro yay dawdaw te, “Eli. Eli. Lama sabaktani?” At masuwad te, “Ku Diyus. Ku Diyus. Taw ro am fagnaubunun angku?” 47Ay ngay taw tagsanya nu nadungug at longan, nalong te, “Kanya guro yay ebi ebi fag taglong at ngayan Elyas.” 48Ay rodi sik taw natarung ay nafasurung sik fanrarus sad mamam mayat. Ay nasalod ka fag fanrarus sas fungfung kayu sirut laman nanfasupsup sas Isus. 49Ay tibak taw nasalag te, “Toi yap. Gfanya yay tam te, go Elyas umdasug yay ro nanfalfas manga anya.” 50Ay Isus gdog yay nauro, ay kanya wan taguyan at engasan.
51Ay ginanya, at fandingding fag falefe sis Diyus bale in-girat siginan at tungud anggan wa sat daga. Ay fagdaul daga nauwigan dawdaw, ay anggan at ngay batu nafangarufaan wan. 52Ay at ngay faglibingan nafangaluwangan wan, ay ngayuk Diyus at ngay taw at kinkate inleleg wan. 53Ay kanya fagayu nalfas siginan ngay faglibingan gina Isus gdog inleleg, ay rodi nalo sas Erusalem.#27:53 Erusalem: sis Grigu, mafilian fag fulan. Ay insure sat ngayuk taw sanya.
54Ay at fun sundalu ay anggan at ngay ufud at tagtanud Isus, namatang tam daga nu guwigan ay anggan nalag yangay at takagurungan ginanya. Ay kanya fagayu kalimu dawdaw ay nalong te, “Matuyan, kanya wa fiya Diyus at Baguwama.”
55Ay sit dayu sirut ngayu yangayk mangena tagsanya at nalag at kin-gurungan. Kanya fag ngay mangena tagalo ay tagtarabang Isus siginan yays talun Galiliya. 56Ay sanya yangay Maria sik taw Magdala, ay Maria, Santiagu ay Use at tina, ay Sebidiyu at mangena.
Use Nalibing Isus
(Mar. 15:42-47; Lukas 23:50-56; Uan 19:38-42)
57Ay nu kayabi wan, sik taw mabalan indasug siginans fulan Arimatiya, at ngayan Use. Kanya anyangay Isus at tagadal at sadi. 58Ay kanya nkakbang sas Pilatu ay get Isus at bilug. Ay Pilatu nasugu te, “Foni wan.” 59Ay Use nabul Isus at bilug ay nasifig sa sik masine ay bagu fag falefe. 60Ay kanya nalibing Isus sa at fagagbilugun fag faglibingan at bagu, sa ebi at nafaali sasad batu. Ay Use nafafulid sasad sakbawan sik batu daul at fandingding sakbawan ay nalo wan. 61Ay Maria fag taw Magdala ay sadi yak Maria malunggung yay sis alungudan faglibingan.
Nafaulit ka fag Faglibingan
62Ay balabag ataw, Sabadu fag menit, at ngay taganyun daul ay taw Parisiyu nananlinggat sas Pilatu. 63Ay nalong te, “Em fun, namatang ami ka fag tagfanlamangan at longan gina gleleg te, ‘Nu nlangfe tuluk menit, gdog kyay gleleg.’ ” 64Nu katanya, sugui te, “Fatvngvdi tuwa nu gulit ka fag faglibingan yap ngay inlangfe sis fatuluk menit. Fatugani te laman at ngay tagadal dewa mdasug, wa mafabul Isus at bilug laman wa gfoyung sa sangay taw te, kanya gdog yay gleleg. Ay anggan sigon te nu manlamangan ban, malabi ebi taguna.” 65Ay Pilatu nalong sanya fag ngay taw te, “E ngay sundalu tuwam. Am wan at nangulit kata ay nasaful.” 66Ay kanya fag ngay taw nalo wan ay nafatvngvd wa fiya at faglibingan. Ay nasugu sanya sik ngay sundalu te, uliti.
Currently Selected:
Matiyu 27: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Matiyu 27
27
E Nataban Isus sas Pilatu
(Mar. 15:1; Lukas 23:1-2; Uan 18:28-32)
1Ay ginas balabag sirut, fagayu taganyun daul ay taw Udyu at ngay tagmagurang inful ay igsulitanan te, “Tain ban nu gfafate tam Isus?” 2Ay kanya nasugu te, “Siyuki Isus ay tabani sas Pilatu.” Pilatu, kanya at gubernadur.
Udas Nafate wa Anya Mandi
(Fagbulun 1:16-19)
3Ay Udas, at nafoyung Isus sat mauri fag ngay taw, gina nadungug te, e nanfate wa ro Isus, kanya kabalu dawdaw ebi at nafagbulun sas Isus. Ay kanya nafafoli yay ebi at nabul fag 30k pilak sa sangay taganyun daul ay sa sangay taw Udyu at ngay tagmagurang. 4Ay Udas nalong te, “Inke asalanan aw, anway sa ku nafoyungan ayu sik taw at yud e asalanan.” Ay ka fag ngay taw nabalus anya te, “Dewa katanya am longan we masuwad sa emi. Nus nga setaw wa am fasadan.” 5Ay Udas naukas ka fag 30k pilak sas Diyus basad bale, ay nalo wan ay nasiyuk wa at liug ay nafate wa anya mandi.
6Ay ngay taganyun daul nafuyut ka fag ngay pilak ay gsulitanan yay te, “Yaya. Wa tam gfaning tam faugali nu gfaful way tam tuy ngay pilak sas Diyus bale at fagsuwadan pilak, anway tuy fag ngay pilak sik fansali way sik taw at taguk.” 7Ay ka fag ngay taganyun daul insadi te, “Nanbili way tam sik daga siginan sik taw takawat bisu, laman ban sanya at faglibingan at yud Udyu fag ngay taw at kinkate.” 8Ay nu katanya, e nafangayan ka fag daga te, “At ke Taguk fag Daga.” Ay katanya wan at ngayan anggan katsi.
9Fakatanyaun in-gurungan taglong Eremyas ebi at foyungan te, “Ka fag ngay taw nabul 30k pilak, taw Israel at naasadian at fansali sik taw. 10Ay kanya nafon ka fag ngay pilak at fansali sik daga siginan sik taw takawat bisu, kata Diyus at longan sa angku.”
Pilatu Nainto sas Isus
(Mar. 15:2-5; Lukas 23:3-5; Uan 18:33-38)
11Ay Isus malindug sas Pilatu at akbang. Ay Pilatu ginto te, “Go o wan ngay taw Udyu at fun?” Ay Isus nabalus te, “Kin wan. Kata wa ngaro fiya am longan.” 12Ay roro gina ngay taganyun daul ay anggan taw Udyu at ngay tagmagurang nafoyung nafamuwagan Isus at asalanan, Isus wa nabalus. 13Ay Pilatu nainto yangay fiya Isus te, “Taw am fagyudun gbalus? Go wo nadungug at ngay longan ayuwayu sa emu baliwa?” 14Ay Isus wa gbalus, nus di sadi at longan. Ay nu katanya, Pilatu gamatangan daw te, “Taw fakatanyaun?”
E Nafalfas Barabas ay e Gafateun Isus
(Mar. 15:6-15; Lukas 23:13-25; Uan 18:39–19:16)
15Gina e fagmafulun sa baliwas Tagfabarita nu Glangfe, Pilatu at ugali faggugat igfalfas sadik kinsungsung, nus nga sinu ngay taw at fakaumsigun. 16Ay ginanya e sik masungsungan at ngayan, Barabas. Ay fagayu taw nasaful wa anya. 17Ay ngay taw gina maful, Pilatu nainto te, “Inday kanya fag duwa ay fakaumsigun ku fagfalfasun? Go Barabas ay ate Isus, tiba nu gngayan anya, ‘Diyus at nafili fag Fun?’ ” 18Pilatu nasaful wa te, taw Udyu at ngay tagmagurang at fagnatabanun Isus sa anya, anway te, galabian Isus at fagbulun.
19Ay gina Pilatu malunggung sat fagfasinean fanlonganan fag faglunggungan, at mangena nasugu sik fanuguwan te, “Lag e fagbulun sa ka fag taw at matuyan, anway sad yabi e taginfanan aw. Ay kabalu aw dawdaw anya.” 20Ay at ngay taganyun daul ay anggan taw Udyu at ngay tagmagurang matvngvd nu gatul at ngay taw, laman at ngay taw met sas Pilatu te, “Falfasi wan Barabas ay fatei wa long Isus.” 21Ay rodi Pilatu gdog yay nainto sa sangay taw te, “Go inday ro kanya fag duwa ay fakaumsigun ku fagfalfasun?” Ay ngay taw nabalus te, “Em fakaumsigun, Barabas!” 22Ay Pilatu ginto yangay fiya te, “Ay setain ro ku fagbulun sas Isus, tiba at ngayan Diyus at nafili fag Fun?” Ay at ngay taw nabalus yangay te, “Tuktuki wa anya sas salibagan kayu!” 23Ay Pilatu ginto te, “Taw sangay at asalanan?” Dewa katanya at longan, at ngay taw glabi yay aro ataw nu guro te, “Tuktuki wa anya sas salibagan kayu!” 24Ay Pilatu nasaful wa te, “Dewa ngap aw nalong, we masuwad.” Ay at ngay taw nu garingangan wan, Pilatu nabul sik safa ay nafegus at daluwap sa sangay taw faglagan. Ay kanya nalong te, “Kwe asalanan ka fag taw at naatean. Am wan tagfoyung ro sa taginto ayu.” 25Ay ka fag ngay taw nabalus te, “Kin, ami wa ban ay em ngay unga at ke asalanan sa ka fag taw at naatean!” 26Ay Pilatu nafalfas wa fiya Barabas, ay nafafusfus wa dawdaw Isus. Ay rodi nafataban wa anya sa sangay sundalu, laman nanfatuktuk wa anya sas salibagan kayu.
Ngay Sundalu Gfanlamangan Isus
(Mar. 15:16-20; Uan 19:2-3)
27Ay at ngay sundalu nataban Isus sas Pilatu at bale daul. Ay ngayu wa fag sundalu at maful sanya. 28Ay ka fag ngay sundalu nabul Isus at balukas siginan at bilug, ay natubus yay sik balukas ngaba maraska. 29Ay kanya naawat sik sangbo madugi, ay nafasangboan sas Isus at alfuyu. Ay nafagalumutan sas Isus at siyun fag daluwap sik suwan, gfafaninganan fun at suwan. Ay natudan sas Isus at akbang, ay igfalingun gelongan te, “Madaragang o, taw Udyu at Fun!” 30Ay kanya natufe Isus. Ay naago yay fiya siginans Isus ka fag suwan ay nafusfus sas Isus at alfuyu. 31Ay nu ntabu wan nu gfalingun Isus, nabul yay fiya at nafasulun fag balukas maraska. Ay nafasulun aro ataw at balukas dan. Ay nataban wa long anya, laman nantuktuk sas salibagan kayu.
E Natuktuk wa Isus sas Salibagan Kayu
(Mar. 15:21-32; Lukas 23:26-43; Uan 19:17-27)
32Ay nu gaalfasun wan siginan sad fulan, ka fag ngay sundalu nalag sik taw, at ngayan Simun, siginans fulan Sirene. Ay ka fag ngay sundalu nafaubanan way sigad Isus at salibagan kayu sanya fag taw. 33Ay fagayu at taw tagalo ndasug sa sik talun at ngayan te, Gulguta, at masuwad te, “Butul Alfuyu.” 34Ay e nafon sas Isus sik wat buwadan safa nafagamutan at mayat. Ay dewa e gfasupsup Isus, kanya wa kaumsig. 35Ay ka fag ngay sundalu natuktuk Isus sas salibagan kayu. Ay rodi naafudan wa Isus at ngay balukas, gina ntabu nu gfe fagsafulan te, dada ro sik afud. 36Ay ka fag ngay sundalu malunggung yay sanya, gtanud. 37Ay e nadafut yay sik fagsafulan Isus at asalanan sit tungud alfuyu te, “TUY ISUS, NGAY TAW UDYU AT FUN.” 38Ay ginanya e natuktuk ya duwak takamul sat salibagan kayu mandi, at sadi sis Isus siyun baliwa ay at sadi sit wala baliwa.
39Ay kayu at nadalan sanya nu glinggat sas Isus, igfabalitang way at mata, ay igfalingun Isus te, 40“O wan at nalong te, rumasras o Diyus bale, ay gdog yay o fiya mawat at kadugayan tuluk menit! Nu o wan Diyus at Baguwama, alfasi nu kin sanya ginan; falangfei emu!” 41Ay katanya yangay ngay taganyun daul, ay ngay tagfoyung Muisis at Suguwan, ay anggan taw Udyu at ngay tagmagurang nu gfalingun. 42Glong te, “Kanya mafabalabag tuwa at tiba. Sadaw kanya wan taw Israel at Fun? Alfasi nu kin siginans salibagan kayu. Ay nu malfas di ro, mafanud wami. 43Kanya glong te, ‘Gafanud aktuwa sas Diyus.’ Go Diyus kaumsig nanfalangfe anya, anway glong te, ‘Aw, Diyus at Baguwama?’ ” 44Ay anggan at natuktuk fag duwak takamul, gfalingun yangay Isus.
Isus Inkate wan
(Mar. 15:33-41; Lukas 23:44-49; Uan 19:28-30)
45Ay gina swa bilug menit, inkarum way sigad sanya fag talun fagdaul, anggan kabat sfatulu sfafun. 46Ay nus fatulu was fafun, Isus nauro yay dawdaw te, “Eli. Eli. Lama sabaktani?” At masuwad te, “Ku Diyus. Ku Diyus. Taw ro am fagnaubunun angku?” 47Ay ngay taw tagsanya nu nadungug at longan, nalong te, “Kanya guro yay ebi ebi fag taglong at ngayan Elyas.” 48Ay rodi sik taw natarung ay nafasurung sik fanrarus sad mamam mayat. Ay nasalod ka fag fanrarus sas fungfung kayu sirut laman nanfasupsup sas Isus. 49Ay tibak taw nasalag te, “Toi yap. Gfanya yay tam te, go Elyas umdasug yay ro nanfalfas manga anya.” 50Ay Isus gdog yay nauro, ay kanya wan taguyan at engasan.
51Ay ginanya, at fandingding fag falefe sis Diyus bale in-girat siginan at tungud anggan wa sat daga. Ay fagdaul daga nauwigan dawdaw, ay anggan at ngay batu nafangarufaan wan. 52Ay at ngay faglibingan nafangaluwangan wan, ay ngayuk Diyus at ngay taw at kinkate inleleg wan. 53Ay kanya fagayu nalfas siginan ngay faglibingan gina Isus gdog inleleg, ay rodi nalo sas Erusalem.#27:53 Erusalem: sis Grigu, mafilian fag fulan. Ay insure sat ngayuk taw sanya.
54Ay at fun sundalu ay anggan at ngay ufud at tagtanud Isus, namatang tam daga nu guwigan ay anggan nalag yangay at takagurungan ginanya. Ay kanya fagayu kalimu dawdaw ay nalong te, “Matuyan, kanya wa fiya Diyus at Baguwama.”
55Ay sit dayu sirut ngayu yangayk mangena tagsanya at nalag at kin-gurungan. Kanya fag ngay mangena tagalo ay tagtarabang Isus siginan yays talun Galiliya. 56Ay sanya yangay Maria sik taw Magdala, ay Maria, Santiagu ay Use at tina, ay Sebidiyu at mangena.
Use Nalibing Isus
(Mar. 15:42-47; Lukas 23:50-56; Uan 19:38-42)
57Ay nu kayabi wan, sik taw mabalan indasug siginans fulan Arimatiya, at ngayan Use. Kanya anyangay Isus at tagadal at sadi. 58Ay kanya nkakbang sas Pilatu ay get Isus at bilug. Ay Pilatu nasugu te, “Foni wan.” 59Ay Use nabul Isus at bilug ay nasifig sa sik masine ay bagu fag falefe. 60Ay kanya nalibing Isus sa at fagagbilugun fag faglibingan at bagu, sa ebi at nafaali sasad batu. Ay Use nafafulid sasad sakbawan sik batu daul at fandingding sakbawan ay nalo wan. 61Ay Maria fag taw Magdala ay sadi yak Maria malunggung yay sis alungudan faglibingan.
Nafaulit ka fag Faglibingan
62Ay balabag ataw, Sabadu fag menit, at ngay taganyun daul ay taw Parisiyu nananlinggat sas Pilatu. 63Ay nalong te, “Em fun, namatang ami ka fag tagfanlamangan at longan gina gleleg te, ‘Nu nlangfe tuluk menit, gdog kyay gleleg.’ ” 64Nu katanya, sugui te, “Fatvngvdi tuwa nu gulit ka fag faglibingan yap ngay inlangfe sis fatuluk menit. Fatugani te laman at ngay tagadal dewa mdasug, wa mafabul Isus at bilug laman wa gfoyung sa sangay taw te, kanya gdog yay gleleg. Ay anggan sigon te nu manlamangan ban, malabi ebi taguna.” 65Ay Pilatu nalong sanya fag ngay taw te, “E ngay sundalu tuwam. Am wan at nangulit kata ay nasaful.” 66Ay kanya fag ngay taw nalo wan ay nafatvngvd wa fiya at faglibingan. Ay nasugu sanya sik ngay sundalu te, uliti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines