Matiyu 26
26
Ngay Taw Udyu at ngay Tagmagurang Kamasadan Gananfateun Isus
(Mar. 14:1-2; Lukas 22:1-2; Uan 11:45-53)
1Ay Isus nu ntabu wa nu gfoyung sanya fag ngay taw aro at longan fagayu, nalong sat ngay tagadal te, 2“Nasaful wam te, nu mdasug wa ban at faduwak menit, ginanya wan at fagmafulun sa baliwas Tagfabarita nu Glangfe. Ay ginanya, aw, Taw at Baguwama, e tumaban ban angku, laman tumuktuk angku sas salibagan kayu.”
3Ginanya ngay taganyun daul ay taw Udyu at ngay tagmagurang inful sas fun taganyun Kayfas at bale daul. 4Ay ka fag ngay taw igsulitanan te, “Tain ban nu gyud kasaful laman fagamat tam Isus ay gfafate? 5Agi yap gina tam e fagmafulun, laman at maful sanya fag ngay taw di ban maringangan ginanya.”
Sik Mangena Nabusbus sik Famabebanglu sas Isus Alfuyu
(Mar. 14:3-9; Uan 12:1-8)
6Ay Isus sas fulan Betaniya, sas Simun bale. Ebi Simun e mason fag daylan sit balat. 7Ay sanya sik mangena e ubanan famabebanglu, at fangawat at fagsuwadan batu alabastru. Ka fag famabebanglu ngayu dawdaw nu kasali. Ay ka fag mangena nabusbus ka fag famabebanglu sas Isus alfuyu kaduge Isus gfangon. 8Ay Isus at ngay tagadal kadotama nu nalag ka fag mangena at fagbulun. Kanya glong te, “Taw ro ka fag mangena fagfangulanun? 9Nu nafabili di ngap ro tam ka fag famabebanglu, ngayu yay ro tam nafabul ay nafafon yay tam sa at yud e kwa.” 10Ay Isus nasaful at ngay tagadal at fasadan ay nalong anya te, “Taw ro ay fakalimataun tuy fag mangena? Masine tuwa dawdaw tuy fag mangena at fagbulun sa angku. 11At yud e kwa ste way gugat si ayu. Ay roro aw, nu ste aw si ayu dakwa faggugat. 12Ay tuy fag mangena at fagnabusbusun sa ku bilug ka fag famabebanglu, at masuwad te, laman gfasine ku bilug gina ban e lumibing. 13Ay matuyan iglong aw ayu te, nus nganday ban sas fagdaul daga nu e kamoyung at Masine fag Barita, gfoyung yangay ban ka fag mangena at nafagbulun, laman sik fagamatanganun sa anya.”
Udas Igfadiyuganan Gananfoyungun Isus sas Mauri fag ngay Taw
(Mar. 14:10-11; Lukas 22:3-6)
14Kadugenya, Isus at Nasugu fag Labi Duwa at sadi, at ngayan, Udas Iskaryute, nananlag sa sangay taganyun daul. 15Ay Udas nainto te, “Taw ban ay fon angku nu moyung akdi ayu te, kanya Isus?” Ay ngay taganyun daul nafon anya 30k pilak. 16Ay siginan ginanya, Udas gamatangan te, “Ginain fag lungud laman nanfoyung ban aw Isus sanya fag ngay taw, kaduge at ngay taw gyud gsaful?”
Isus Nafoyung at Namoyung ban Anya
(Mar. 14:12-21; Lukas 22:7-14,21-23; Uan 13:21-30)
17Ay gina sis fasadik menit gina at fagmafulun sa baliwa Tinafay at yud e Famadaul, Isus at ngay tagadal inkakbang anya ay ginto te, “Dada am fakaumsigun nu kamasadan ro ami am fagfangonan ro gina at fagmafulun sa baliwas Tagfabarita nu Glangfe?” 18Ay Isus nabalus anya te, “Loi wan sanya am dayu fag fulan. Ay lumag ro am sanya ku nafasulitanan fag taw ebi. Ay longi anya te, ‘Tam Takamoyung nalong sa emu te, gadasugun wan at menit. Ay at fakaumsigun si am bale nu gfangon gina at fagmafulun sa baliwas Tagfabarita nu Glangfe, ay anggan ro ami at ngay tagadal.’ ” 19Ay at ngay tagadal gfaning wa fiya Isus at longan. Ay sanya wa fiya nu gfamasadan at yafun.
20Ay nu nyabi wan, Isus igfangon gfasfuwan at Nasugu fag Labi Duwa. 21Ay kaduge gfangon, Isus iglong wa te, “Matuyan iglong aw ayu te, am wa ro at sadi at moyung angku sat mauri fag ngay taw.” 22Ay kanya fagayu nu nadungug, kabalu dawdaw. Ay gfasigad wa gsadsadian glong sas Isus te, “Bunwa long aw!” 23Ay Isus nabalus anya te, “Katsi gfasfuwan wa angku gfasurung at fafa sa sadik taya. Kanya wa ro at moyung angku sat mauri fag ngay taw. 24Aw, Taw at Baguwama, ku fagnangateun laman umgurungan at marirukan sis Diyus at longan. Ay roro mafanyu ban ka fag taw at nafoyung angku sat mauri fag ngay taw. Ay satu ro amasine yap ka fag taw nu gdi nsalug.” 25Ay Udas, at namoyung ro anya, glong sas Isus te, “Bunwa long aw!” Ay Isus igbalus te, “O wan at nalong.”
Nu Gfamasadan Isus at Yafun
(Mar. 14:22-26; Lukas 22:14-20; 1 Kur. 11:23-25)
26Ay gina Isus ay at ngay tagadal gfangon, Isus nabul yangay fiya sik tinafay, ay nafauseganan sas Diyus. Ay Isus nafanramyukan ay nafon sat ngay tagadal ay nalong te, “Na, buli ay oni. Tuy ku bilug wan.” 27Ay Isus nabul yangay sik fanginum. Ay nafauseganan yangay sas Diyus. Ay nafon sat ngay tagadal ay nalong te, “Na, fagayu am, inumi wan. 28Tuy ku taguk at kumbusbus ban laman gfalyam ngayuk taw at asalanan, ay famatuyan Diyus at fatuyanan sa sangay taw. 29Ay glong aw ayu te, katsi kwa ban gdog ginum wat ubas safa. Nu gdog kban ginum at bagu gfasfuwan ayu sa wa ku Mama at fagmagurangan taw.” 30Ay Isus ay at ngay tagadal nu nadanyu wa sik danyu, nalo wa sas Bugsul Ulibu.
Isus Naguna Nafoyung Pedru nu Kamayud sa Anya
(Mar. 14:26-31; Lukas 22:31-34; Uan 13:36-38)
31Ay Isus iglong sat ngay tagadal te, “Fagayu am mubun wa ro am angku katsi fag yabi, anway marirukan sis Diyus at longan te, ‘Igfate akban at tagtanud, ay at ngay tupa sumaruwayan ban.’ 32Ay gina ban aw gdog gleleg, gumuna akyay ban ayu sas talun Galiliya.” 33Ay Pedru nalong sas Isus te, “Dewa ro ku iba fagayu mubun emu, aw, dakwa mubun emu.” 34Ay Isus nalong te, “Matuyan iglong aw emu te, katsi ro fag yabi, bagu tabag tumarakit, tulu ginan ro nu kamayud o te, wo gsaful angku.” 35Ay Pedru iglong sas Isus te, “Yaya. Dewa aw umkate gasfuwan emu, dakwa ro mamayud emu.” Ay kata yay at sadi, fagayu at tagadal at longan.
Isus Igdarangin
(Mar. 14:32-42; Lukas 22:39-46; Uan 18:1)
36Ay Isus nalo wan gasfuwan at ngay tagadal sas Getsemani fag talun. Ay kanya nalong sat ngay tagadal te, “Am, malunggungi yap ste. Aw, nandarangin akyay snay am dayu.” 37Ay Isus nataban wa Pedru ay Sebidiyu at baguwama fag duwa. Ay Isus gfasigad wa kabalu ay gatakan dawdaw. 38Ay Isus nalong sa at ufud fag tulu te, “Matvngvd wa dawdaw nu kabalu aw katsi. Kata kwa gakateun katvngvdan nu kabalu aw. Ay am stei way. Ay mafuluwani way kata angku.” 39Ay Isus inyayu yay sirut ay garungan sas daga. Ay igdarangin te, “Mama, nu masine di sa emu, satu ro, falangfei yap angku sanya ginan fag mataka tagadasugun. Ay roro bunwa ku fakaumsigun at kumgurungan, am fakaumsigun tuwa.”
40Ay Isus infoli yay sa at tuluk tagadal. Ay manlag di gtiyug way. Ay Isus glong sas Pedru te, “Go wam mafuluwan kata angku dewa ro sik uras? 41Ay matagakani tuwa gugat ay darangini laman di am gafaskudan sas asalanan. Ay amatanganan kaumsig tuwa sat masine, ay ay bilug mafanalo way.”
42Ay Isus gdog yay fiya nalo sat dayu, ay igdarangin yay fiya at faduwa ginan te, “Mama, nu dway o e tibak balyavtan te, laman kwa dumalan ka fag mataka, fadasugi wa sa angku am fakaumsigun.” 43Ay Isus gdog yay infoli sa at tagadal, ay manlag di gtiyug way, anway gatiyugun way dawdaw.
44Ay Isus gdog yay fiya inyayu siginan ka fag tuluk tagadal ay igdarangin yay fiya at fatulu ginan. Ay at longan kata yay fiya aro ataw. 45Ay Isus gdog yay fiya nfoli sa at tagadal ay glong te, “Go anggan katsi gtiyug yay am gfafiyan ay lufuy? Katsi afuloi wan, gadasugun wa dawdaw at namoyung ro angku, Taw at Baguwama, sat ngay tagasalanan. 46Alindugi wan. Bastam wan. Linggati, at nafoyung angku kadasug wan.”
E Nagamat Isus
(Mar. 14:43-50; Lukas 22:47-53; Uan 18:3-12)
47Ay kaduge Isus gelongan, Udas, at sadi at Labi Duwa, indasug wan. Ay ngayuk taw at ufud, e fiso ay e famalang. Kanya fagayu at ngay taganyun daul ay taw Udyu at ngay tagmagurang at nasugu. 48Ay at namoyung Isus nafatuyanan aro ataw sa ka fag ngay taw te, “Nus nga sinu ro ku naayuk fag taw at fingi, kanya wan. Gamati wanya.” 49Ay rodi tv, Udas inkakbang sas Isus ay nalong te, “Masine fag yabi sa emu, ku Takamoyung.” Ay kanya naayuk Isus at fingi. 50Ay Isus nalong sa anya te, “Sama, fagbuluni kata am fasadanan fag fagbulun.” Ay rodi at ngay taw inkakbang sas Isus ay nagamat wan. 51Ay Isus at tagadal at sadi naguyud at fiso. Ay nabasing fun taganyun at fanuguwan, ay naayas at talinga at sadi. 52Ay Isus nasalag anya te, “Lagi. Folii wan am fiso, anway nus nga sinu at nabul at fiso laman nanbasing sik taw, kanya umkate yangay ban sas fiso. 53Go gamatangan way am te, dakwa mafaet tarabang siginan ku Mama laman ro kanya sumugu sa angku labi duwak fulan tagfabarita? 54Ay roro, nu kumatanya way ro, wa mgurungan at marirukan sis Diyus at longan ebi at naguna nafoyung te, ‘Katanya ban at kumdasug.’ ”
55Ay ginanya Isus nainto sanya fag ngay taw te, “Go gubanan am ay ngay fiso ay ay ngay famalang laman nan-gamat am angku kata sik takamul? Ay madyay kayu menit kayu menit malunggung akway sis Diyus bale gfoyung. Taw ro ay fagyudun nagamat angku ginanya? 56Ay roro katanya tuway umgurungan wa fiya ngay taglong ebi ebi at ngay rirukan.” Ay rodi fagayu Isus at ngay tagadal nafanlagyuwan wan, naubun wa Isus.
Isus sa was ngay Taw Udyu at ngay Tagmagurang at Fagmafulan
(Mar. 14:53-63; Lukas 22:54-55,63-71; Uan 18:13-14,19-24)
57Ay at ngay taw aro at nagamat Isus, nataban wa anya sas Kayfas, sas fun taganyun. Ay sanya nful taw Udyu at ngay tagmagurang ay ngay tagfoyung Muisis at Suguwan. 58Ay Pedru ngayayu yay nu gaguyanan Isus, ay indasug sas fun taganyun at faglanuwan. Ay kanya malunggung way sanya maful ngay tagulit, laman nangulit te, go tain ro at fagbulun sas Isus. 59Ay ngay taganyun daul ay fagayu Taw Udyu Tiba Tungud Tagmagurang inful laman nansarap te, “Go e taw takamuwagan nanfoyung Isus at fagbulun, laman sak tam gfafate anya?” 60Ay ka fag ngay tagmagurang dewa gsarap, we nalag. Dwa ngayu tagfoyung kamuwagan sas Isus at fagbulun ay wa gdiyuganan. Ay roro e duwak taw inkakbang gfoyung te, 61“Ka fag taw glong te, ‘Mafarasras kway Diyus bale. Ay gdog kyangay ban kawat ay gfatabu kwan sis fatuluk menit!’ ”
62Ay fun taganyun inlindug ay ginto Isus te, “Go taw am fagyudun gbalus? Madyay tuy fag ngay taw e foyungan way sa emu baliwa?” 63Ay Isus maragangan way. Ay fun taganyun nainto yangay fiya Isus te, “Balusi emi sas tagleleg fag Diyus at akbang te, go o wan Diyus at nafili fag Fun, Diyus at Baguwama?” 64Ay Isus nabalus te, “Kin, kata wa ngaro fiya am longan. Ay e fagalongunun akyay sa ayu fagayu te, siginan katsi lumag ban am angku, Taw at Baguwama, nu malunggung sat Madaragang fag Diyus at siyun baliwa fag day tigyangan. Ay lumag ban am nu kadasug aw si sangay linyabu.”
65Ay fun taganyun nagirat at balukas mandi ay nalong sa at ngay ufud te, “Mauri tuy fag taw at longan sas Diyus baliwa! Katsi dewa yud e nafoyung at asalanan, anway nadungug watam te, mauri wa fiya at longan sas Diyus baliwa. 66Setain ay fasadan sa anya?” Ay taw Udyu at ngay tagmagurang nalong te, “Katsi insak wan, fatei wa anya.” 67Ay at ngay tagmagurang nafantufean sas Isus mata. Ay tiba nafalang. Ay tiba nafalang at daluwap sas Isus at fingi. 68Ay kanya nainto sas Isus te, “Nu o wan Diyus at nafili fag Fun, foyungi emi te, go sinu aro at nafalang emu.”
Pedru Kamayud te, wa Gtoglag Isus
(Mar. 14:66-72; Lukas 22:55-62; Uan 18:15-18,25-27)
69Ay ginanya Pedru malunggung sis day bale, sisad faglanuwan. Ay sanya sik baguyna, fun taganyun at fanuguwan, inkakbang sas Pedru ay glong te, “O wan at sadi at tagalo Isus, sik taw Galiliya, go kin?” 70Ay Pedru kamayud sas fagayu taw tagsanya te, “Yaya long! Kwa gsaful kanya am longan at masuwad.” 71Ay rodi, Pedru nalo sirut sas day sakbawan alad. Roro sanya e sadi ya fiyak baguyna fag fanuguwan at nalag anya. Ay igfoyung sa at ngay iba te, “Kanya wa fiya fag taw at sadi tagufud Isus siginans fulan Nasaret.” 72Ay Pedru kamayud te, “Matuyan wa fiya ku longan te, dakwa long gsaful kanya fag taw!” 73Ay rodi at ngay malindug sanya nkakbang sas Pedru, ay iglong yangay anya te, “Matuyan o wa fiya at sadi ka fag taw at ufud, madyay nu gelongan o, kata yangay taw Galiliya.” 74Ay Pedru amatvngvd yap aro ataw nu glong te, “Dewa long ro aw umkate, kwa gsaful kanya fag taw!” Ay rodi tv, sik tabag natarakit. 75Ay Pedru namatang Isus at longan te, “Tulu ginan nu kamayud o angku gina bagu tabag tumarakit.” Ay Pedru nalaklo ay guyway dawdaw.
Currently Selected:
Matiyu 26: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Matiyu 26
26
Ngay Taw Udyu at ngay Tagmagurang Kamasadan Gananfateun Isus
(Mar. 14:1-2; Lukas 22:1-2; Uan 11:45-53)
1Ay Isus nu ntabu wa nu gfoyung sanya fag ngay taw aro at longan fagayu, nalong sat ngay tagadal te, 2“Nasaful wam te, nu mdasug wa ban at faduwak menit, ginanya wan at fagmafulun sa baliwas Tagfabarita nu Glangfe. Ay ginanya, aw, Taw at Baguwama, e tumaban ban angku, laman tumuktuk angku sas salibagan kayu.”
3Ginanya ngay taganyun daul ay taw Udyu at ngay tagmagurang inful sas fun taganyun Kayfas at bale daul. 4Ay ka fag ngay taw igsulitanan te, “Tain ban nu gyud kasaful laman fagamat tam Isus ay gfafate? 5Agi yap gina tam e fagmafulun, laman at maful sanya fag ngay taw di ban maringangan ginanya.”
Sik Mangena Nabusbus sik Famabebanglu sas Isus Alfuyu
(Mar. 14:3-9; Uan 12:1-8)
6Ay Isus sas fulan Betaniya, sas Simun bale. Ebi Simun e mason fag daylan sit balat. 7Ay sanya sik mangena e ubanan famabebanglu, at fangawat at fagsuwadan batu alabastru. Ka fag famabebanglu ngayu dawdaw nu kasali. Ay ka fag mangena nabusbus ka fag famabebanglu sas Isus alfuyu kaduge Isus gfangon. 8Ay Isus at ngay tagadal kadotama nu nalag ka fag mangena at fagbulun. Kanya glong te, “Taw ro ka fag mangena fagfangulanun? 9Nu nafabili di ngap ro tam ka fag famabebanglu, ngayu yay ro tam nafabul ay nafafon yay tam sa at yud e kwa.” 10Ay Isus nasaful at ngay tagadal at fasadan ay nalong anya te, “Taw ro ay fakalimataun tuy fag mangena? Masine tuwa dawdaw tuy fag mangena at fagbulun sa angku. 11At yud e kwa ste way gugat si ayu. Ay roro aw, nu ste aw si ayu dakwa faggugat. 12Ay tuy fag mangena at fagnabusbusun sa ku bilug ka fag famabebanglu, at masuwad te, laman gfasine ku bilug gina ban e lumibing. 13Ay matuyan iglong aw ayu te, nus nganday ban sas fagdaul daga nu e kamoyung at Masine fag Barita, gfoyung yangay ban ka fag mangena at nafagbulun, laman sik fagamatanganun sa anya.”
Udas Igfadiyuganan Gananfoyungun Isus sas Mauri fag ngay Taw
(Mar. 14:10-11; Lukas 22:3-6)
14Kadugenya, Isus at Nasugu fag Labi Duwa at sadi, at ngayan, Udas Iskaryute, nananlag sa sangay taganyun daul. 15Ay Udas nainto te, “Taw ban ay fon angku nu moyung akdi ayu te, kanya Isus?” Ay ngay taganyun daul nafon anya 30k pilak. 16Ay siginan ginanya, Udas gamatangan te, “Ginain fag lungud laman nanfoyung ban aw Isus sanya fag ngay taw, kaduge at ngay taw gyud gsaful?”
Isus Nafoyung at Namoyung ban Anya
(Mar. 14:12-21; Lukas 22:7-14,21-23; Uan 13:21-30)
17Ay gina sis fasadik menit gina at fagmafulun sa baliwa Tinafay at yud e Famadaul, Isus at ngay tagadal inkakbang anya ay ginto te, “Dada am fakaumsigun nu kamasadan ro ami am fagfangonan ro gina at fagmafulun sa baliwas Tagfabarita nu Glangfe?” 18Ay Isus nabalus anya te, “Loi wan sanya am dayu fag fulan. Ay lumag ro am sanya ku nafasulitanan fag taw ebi. Ay longi anya te, ‘Tam Takamoyung nalong sa emu te, gadasugun wan at menit. Ay at fakaumsigun si am bale nu gfangon gina at fagmafulun sa baliwas Tagfabarita nu Glangfe, ay anggan ro ami at ngay tagadal.’ ” 19Ay at ngay tagadal gfaning wa fiya Isus at longan. Ay sanya wa fiya nu gfamasadan at yafun.
20Ay nu nyabi wan, Isus igfangon gfasfuwan at Nasugu fag Labi Duwa. 21Ay kaduge gfangon, Isus iglong wa te, “Matuyan iglong aw ayu te, am wa ro at sadi at moyung angku sat mauri fag ngay taw.” 22Ay kanya fagayu nu nadungug, kabalu dawdaw. Ay gfasigad wa gsadsadian glong sas Isus te, “Bunwa long aw!” 23Ay Isus nabalus anya te, “Katsi gfasfuwan wa angku gfasurung at fafa sa sadik taya. Kanya wa ro at moyung angku sat mauri fag ngay taw. 24Aw, Taw at Baguwama, ku fagnangateun laman umgurungan at marirukan sis Diyus at longan. Ay roro mafanyu ban ka fag taw at nafoyung angku sat mauri fag ngay taw. Ay satu ro amasine yap ka fag taw nu gdi nsalug.” 25Ay Udas, at namoyung ro anya, glong sas Isus te, “Bunwa long aw!” Ay Isus igbalus te, “O wan at nalong.”
Nu Gfamasadan Isus at Yafun
(Mar. 14:22-26; Lukas 22:14-20; 1 Kur. 11:23-25)
26Ay gina Isus ay at ngay tagadal gfangon, Isus nabul yangay fiya sik tinafay, ay nafauseganan sas Diyus. Ay Isus nafanramyukan ay nafon sat ngay tagadal ay nalong te, “Na, buli ay oni. Tuy ku bilug wan.” 27Ay Isus nabul yangay sik fanginum. Ay nafauseganan yangay sas Diyus. Ay nafon sat ngay tagadal ay nalong te, “Na, fagayu am, inumi wan. 28Tuy ku taguk at kumbusbus ban laman gfalyam ngayuk taw at asalanan, ay famatuyan Diyus at fatuyanan sa sangay taw. 29Ay glong aw ayu te, katsi kwa ban gdog ginum wat ubas safa. Nu gdog kban ginum at bagu gfasfuwan ayu sa wa ku Mama at fagmagurangan taw.” 30Ay Isus ay at ngay tagadal nu nadanyu wa sik danyu, nalo wa sas Bugsul Ulibu.
Isus Naguna Nafoyung Pedru nu Kamayud sa Anya
(Mar. 14:26-31; Lukas 22:31-34; Uan 13:36-38)
31Ay Isus iglong sat ngay tagadal te, “Fagayu am mubun wa ro am angku katsi fag yabi, anway marirukan sis Diyus at longan te, ‘Igfate akban at tagtanud, ay at ngay tupa sumaruwayan ban.’ 32Ay gina ban aw gdog gleleg, gumuna akyay ban ayu sas talun Galiliya.” 33Ay Pedru nalong sas Isus te, “Dewa ro ku iba fagayu mubun emu, aw, dakwa mubun emu.” 34Ay Isus nalong te, “Matuyan iglong aw emu te, katsi ro fag yabi, bagu tabag tumarakit, tulu ginan ro nu kamayud o te, wo gsaful angku.” 35Ay Pedru iglong sas Isus te, “Yaya. Dewa aw umkate gasfuwan emu, dakwa ro mamayud emu.” Ay kata yay at sadi, fagayu at tagadal at longan.
Isus Igdarangin
(Mar. 14:32-42; Lukas 22:39-46; Uan 18:1)
36Ay Isus nalo wan gasfuwan at ngay tagadal sas Getsemani fag talun. Ay kanya nalong sat ngay tagadal te, “Am, malunggungi yap ste. Aw, nandarangin akyay snay am dayu.” 37Ay Isus nataban wa Pedru ay Sebidiyu at baguwama fag duwa. Ay Isus gfasigad wa kabalu ay gatakan dawdaw. 38Ay Isus nalong sa at ufud fag tulu te, “Matvngvd wa dawdaw nu kabalu aw katsi. Kata kwa gakateun katvngvdan nu kabalu aw. Ay am stei way. Ay mafuluwani way kata angku.” 39Ay Isus inyayu yay sirut ay garungan sas daga. Ay igdarangin te, “Mama, nu masine di sa emu, satu ro, falangfei yap angku sanya ginan fag mataka tagadasugun. Ay roro bunwa ku fakaumsigun at kumgurungan, am fakaumsigun tuwa.”
40Ay Isus infoli yay sa at tuluk tagadal. Ay manlag di gtiyug way. Ay Isus glong sas Pedru te, “Go wam mafuluwan kata angku dewa ro sik uras? 41Ay matagakani tuwa gugat ay darangini laman di am gafaskudan sas asalanan. Ay amatanganan kaumsig tuwa sat masine, ay ay bilug mafanalo way.”
42Ay Isus gdog yay fiya nalo sat dayu, ay igdarangin yay fiya at faduwa ginan te, “Mama, nu dway o e tibak balyavtan te, laman kwa dumalan ka fag mataka, fadasugi wa sa angku am fakaumsigun.” 43Ay Isus gdog yay infoli sa at tagadal, ay manlag di gtiyug way, anway gatiyugun way dawdaw.
44Ay Isus gdog yay fiya inyayu siginan ka fag tuluk tagadal ay igdarangin yay fiya at fatulu ginan. Ay at longan kata yay fiya aro ataw. 45Ay Isus gdog yay fiya nfoli sa at tagadal ay glong te, “Go anggan katsi gtiyug yay am gfafiyan ay lufuy? Katsi afuloi wan, gadasugun wa dawdaw at namoyung ro angku, Taw at Baguwama, sat ngay tagasalanan. 46Alindugi wan. Bastam wan. Linggati, at nafoyung angku kadasug wan.”
E Nagamat Isus
(Mar. 14:43-50; Lukas 22:47-53; Uan 18:3-12)
47Ay kaduge Isus gelongan, Udas, at sadi at Labi Duwa, indasug wan. Ay ngayuk taw at ufud, e fiso ay e famalang. Kanya fagayu at ngay taganyun daul ay taw Udyu at ngay tagmagurang at nasugu. 48Ay at namoyung Isus nafatuyanan aro ataw sa ka fag ngay taw te, “Nus nga sinu ro ku naayuk fag taw at fingi, kanya wan. Gamati wanya.” 49Ay rodi tv, Udas inkakbang sas Isus ay nalong te, “Masine fag yabi sa emu, ku Takamoyung.” Ay kanya naayuk Isus at fingi. 50Ay Isus nalong sa anya te, “Sama, fagbuluni kata am fasadanan fag fagbulun.” Ay rodi at ngay taw inkakbang sas Isus ay nagamat wan. 51Ay Isus at tagadal at sadi naguyud at fiso. Ay nabasing fun taganyun at fanuguwan, ay naayas at talinga at sadi. 52Ay Isus nasalag anya te, “Lagi. Folii wan am fiso, anway nus nga sinu at nabul at fiso laman nanbasing sik taw, kanya umkate yangay ban sas fiso. 53Go gamatangan way am te, dakwa mafaet tarabang siginan ku Mama laman ro kanya sumugu sa angku labi duwak fulan tagfabarita? 54Ay roro, nu kumatanya way ro, wa mgurungan at marirukan sis Diyus at longan ebi at naguna nafoyung te, ‘Katanya ban at kumdasug.’ ”
55Ay ginanya Isus nainto sanya fag ngay taw te, “Go gubanan am ay ngay fiso ay ay ngay famalang laman nan-gamat am angku kata sik takamul? Ay madyay kayu menit kayu menit malunggung akway sis Diyus bale gfoyung. Taw ro ay fagyudun nagamat angku ginanya? 56Ay roro katanya tuway umgurungan wa fiya ngay taglong ebi ebi at ngay rirukan.” Ay rodi fagayu Isus at ngay tagadal nafanlagyuwan wan, naubun wa Isus.
Isus sa was ngay Taw Udyu at ngay Tagmagurang at Fagmafulan
(Mar. 14:53-63; Lukas 22:54-55,63-71; Uan 18:13-14,19-24)
57Ay at ngay taw aro at nagamat Isus, nataban wa anya sas Kayfas, sas fun taganyun. Ay sanya nful taw Udyu at ngay tagmagurang ay ngay tagfoyung Muisis at Suguwan. 58Ay Pedru ngayayu yay nu gaguyanan Isus, ay indasug sas fun taganyun at faglanuwan. Ay kanya malunggung way sanya maful ngay tagulit, laman nangulit te, go tain ro at fagbulun sas Isus. 59Ay ngay taganyun daul ay fagayu Taw Udyu Tiba Tungud Tagmagurang inful laman nansarap te, “Go e taw takamuwagan nanfoyung Isus at fagbulun, laman sak tam gfafate anya?” 60Ay ka fag ngay tagmagurang dewa gsarap, we nalag. Dwa ngayu tagfoyung kamuwagan sas Isus at fagbulun ay wa gdiyuganan. Ay roro e duwak taw inkakbang gfoyung te, 61“Ka fag taw glong te, ‘Mafarasras kway Diyus bale. Ay gdog kyangay ban kawat ay gfatabu kwan sis fatuluk menit!’ ”
62Ay fun taganyun inlindug ay ginto Isus te, “Go taw am fagyudun gbalus? Madyay tuy fag ngay taw e foyungan way sa emu baliwa?” 63Ay Isus maragangan way. Ay fun taganyun nainto yangay fiya Isus te, “Balusi emi sas tagleleg fag Diyus at akbang te, go o wan Diyus at nafili fag Fun, Diyus at Baguwama?” 64Ay Isus nabalus te, “Kin, kata wa ngaro fiya am longan. Ay e fagalongunun akyay sa ayu fagayu te, siginan katsi lumag ban am angku, Taw at Baguwama, nu malunggung sat Madaragang fag Diyus at siyun baliwa fag day tigyangan. Ay lumag ban am nu kadasug aw si sangay linyabu.”
65Ay fun taganyun nagirat at balukas mandi ay nalong sa at ngay ufud te, “Mauri tuy fag taw at longan sas Diyus baliwa! Katsi dewa yud e nafoyung at asalanan, anway nadungug watam te, mauri wa fiya at longan sas Diyus baliwa. 66Setain ay fasadan sa anya?” Ay taw Udyu at ngay tagmagurang nalong te, “Katsi insak wan, fatei wa anya.” 67Ay at ngay tagmagurang nafantufean sas Isus mata. Ay tiba nafalang. Ay tiba nafalang at daluwap sas Isus at fingi. 68Ay kanya nainto sas Isus te, “Nu o wan Diyus at nafili fag Fun, foyungi emi te, go sinu aro at nafalang emu.”
Pedru Kamayud te, wa Gtoglag Isus
(Mar. 14:66-72; Lukas 22:55-62; Uan 18:15-18,25-27)
69Ay ginanya Pedru malunggung sis day bale, sisad faglanuwan. Ay sanya sik baguyna, fun taganyun at fanuguwan, inkakbang sas Pedru ay glong te, “O wan at sadi at tagalo Isus, sik taw Galiliya, go kin?” 70Ay Pedru kamayud sas fagayu taw tagsanya te, “Yaya long! Kwa gsaful kanya am longan at masuwad.” 71Ay rodi, Pedru nalo sirut sas day sakbawan alad. Roro sanya e sadi ya fiyak baguyna fag fanuguwan at nalag anya. Ay igfoyung sa at ngay iba te, “Kanya wa fiya fag taw at sadi tagufud Isus siginans fulan Nasaret.” 72Ay Pedru kamayud te, “Matuyan wa fiya ku longan te, dakwa long gsaful kanya fag taw!” 73Ay rodi at ngay malindug sanya nkakbang sas Pedru, ay iglong yangay anya te, “Matuyan o wa fiya at sadi ka fag taw at ufud, madyay nu gelongan o, kata yangay taw Galiliya.” 74Ay Pedru amatvngvd yap aro ataw nu glong te, “Dewa long ro aw umkate, kwa gsaful kanya fag taw!” Ay rodi tv, sik tabag natarakit. 75Ay Pedru namatang Isus at longan te, “Tulu ginan nu kamayud o angku gina bagu tabag tumarakit.” Ay Pedru nalaklo ay guyway dawdaw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines