Matiyu 14
14
Uan Tagfasurung nu nkate wan
(Mar. 6:14-29; Lukas 9:7-9)
1Kadugenya Erudes at tagmagurang sis talun Galiliya. Ay kanya nadungug Isus at fagmadaragangun. 2Ay kanya nalong sat ngay fanuguwan te, “Ku fatugan, ka fag taw Uan way Tagfasurung nadog yay gleleg teway madaragang at fagbulun.”
3-4Ebi ataw fun Erudes nafagamat Uan ay nafasiyuk, ay nafasungsung. Fakatanyaun, indotama sas Uan, anway Uan glong way gugat anya te, “Wa masine nu gmangenaan o am ifag Erudias,” anway Erudes ay Filipi dugsay. 5Erudes fasadan satu ro nanfate wa Uan. Ay roro wa mafafate anway kalimu taw Udyu, anway taw Udyu gafanud te, Uan, Diyus at taglong.
6Ay bandi Erudes e fagmafulun gina ndasug at fangasalug fag menit. Ay Erudias at baguyna gsayaw gfaumsiganan ngay mangama at maful sanya. Ay Erudes guseganan dawdaw nu nalag. 7Ay kanya nafatuyanan sa ka fag baguyna te, “Mon kwa emu nus nge wain am fagetun.”
8Ay kata ngani at tina at longan, ka fag baguyna nalong sas Erudes te, “Foni angku katsi Uan Tagfasurung at alfuyu masuwadan si sik finggan daul.” 9Ay Erudes kabalu yay. Ay dewa katanya nasugu wa at fanuguwan laman nanfaning ka fag baguyna at fagetun. Katanya wa fiya at fagbulun, anway aro ataw nafatuyanan wan. Ay manga ka fag ngay mangama at maful sanya nadungug wan nu gfatuyanan. 10Ay rodi Erudes nasugu wa fiya ay e nalifung Uan at liug ay nabul wan at alfuyu sasad sungsungan. 11Ay naubanan wan at alfuyu masuwadan si sik finggan daul, ay nafon sa ka fag baguyna. Ay ka fag baguyna nauba yangay sat tina. 12Ay Uan at ngay tagadal nananlag sas sungsungan. Ay nabul Uan at bilug ay nalibing. Ay rodi ka fag ngay tagadal nalo wan, ay nafoyung sas Isus.
Isus Nafafangon 5,000k Taw
(Mar. 6:30-44; Lukas 9:10-17; Uan 6:1-14)
13Ay Isus nu nadungug te, Uan inkate wan, kanya nasakay wa sa sik balutu ay nalo wan sanya ginan fag talun ay indasug sa sik talun at yud e taw. Ay ngay taw nu nasaful te, Isus nalo wan, ka fag ngay taw nalo yangay sas Isus fagnangadasugan fag talun. 14Ay Isus nu ndasug sat dife, nalag ka fag ngay taw ayuwayu. Ay Isus infanyu sanya fag ngay taw ay nafafiya at ke ngay daylan.
15Ay nu gakayabiun wan, Isus at ngay tagadal inkakbang sas Isus ay nalong te, “Ste fag talun si way at yud e taw. Ay katsi kayabi wan. Faloi wan ka fag ngay taw sa sangay fulan sirut laman nanbul yay at fakonun.” 16Ay Isus nasugu sat ngay tagadal te, “Dewa gyud at nalo. Am wan tagfayafun anya.” 17Ay at ngay tagadal nalong sas Isus te, “Iste lima way tam tinafay ay duwak uyang.” 18Ay Isus nalong te, “Ubai istiye sa angku.” 19Ay Isus nalong sanya fag ngay taw te, “Malunggungi sanya swa makmak.” Ay Isus nabul ka fag limak tinafay ay ka fag duwak uyang, ay natangda sas banwa ay nauseganan sas Diyus. Ay rodi nafanramyukan yay ka fag tinafay ay nafon sat ngay tagadal. Ay at ngay tagadal nafon yangay sa sangay taw. 20Ay fagayu taw naon wan ay napsug. Ay at ngay tagadal nafaful yay at nagsawadan, ay labi duwa yak sabi at nagsawadan. 21Ay at nafangon undain 5,000k mangama. Ay saman yay at ngay mangena ay at ngay sisiyan.
Isus Nalo sa sangaba Tungud Lino
(Mar. 6:45-52; Uan 6:15-21)
22Ay rodi Isus nafasakay wa at ngay tagadal sas balutu, laman nan-guna wa anya sas dife lino. Ay Isus nafalo wan anggan at ngay taw. 23Ay nu nafalo wa ka fag ngay taw, Isus sigon nasesadian wa nalo sa sik ngabak tubi, laman nandarangin sanya. Ay Isus gsesadian yay anggan inyabi sanya. 24Ay at ngay tagadal at balutu ngayayu wan siginans tigyangan. Ay at lumbak kafalang wayu daw sat balutu teway at dalan gfablang wayay dawdaw tagmara. 25Ay balabag di sdaga kamenit, Isus naguyan yay at ngay tagadal glo sa sangaba tungud lino. 26Ay at ngay tagadal nu nalag sik taw nu glo sa sangaba tungud lino, mason nu kalimu ay gfanguroan te, “Ik, nin sik siraw.” 27Ay rodi Isus nalong sat ngay tagadal te, “Aw wadi. Lag kalimu. Fatvngvdi ay amatanganan.” 28Ay Pedru nabalus Isus te, “Ku Fun, laman nu o wa fiya, faloi yangay angku sa sangaba tungud lino.” 29Ay Isus nabalus te, “Stiyei wan.” Ay Pedru ndaga siginan at balutu ay nalo sa sangaba tungud lino nangakbang sas Isus. 30Ay Pedru nu nalag te, gbiya wan nu gtagmara, kanya kalimu ay gfasigad wa kabasad, nu katanya, kanya nauro te, “Ku Fun, falangfei angku!” 31Ay rodi Isus nafalugde at take ay nated Pedru ay nalong te, “Wa matvngvd sirut am fagafanudun. Taw ro ngani am fagfainfolianun am amatanganan?” 32Ay gina duwama nasakbo sas balutu, rodi ntuwas wan nu gtagmara. 33Ay tagsisad balutu fag ngay taw naseg Isus ay nalong te, “Matuyan, o wa fiya Diyus at Baguwama.”
Isus Nafafiya at ke ngay Daylan sa Fulan Genesaret
(Mar. 6:53-56)
34Ay Isus ay at ngay tagadal nu ndife wan, at fakadasugan sas fulan Genesaret. 35Ay sanya fag fulan at ngay taw nu natoglag te, kanya anwa mangaro Isus, nananfoyung yay sa at tagsafungan fag ngay talun. Ay e nataban sas Isus fagayu at ke daylan. 36Ay ka fag ngay taw get sas Isus te, “Nu masine di at ngay tagadaylan gatayukun am fungfung lanbung dewa ro sirut.” Ay fagayu at natayuk infiya wan.
Currently Selected:
Matiyu 14: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Matiyu 14
14
Uan Tagfasurung nu nkate wan
(Mar. 6:14-29; Lukas 9:7-9)
1Kadugenya Erudes at tagmagurang sis talun Galiliya. Ay kanya nadungug Isus at fagmadaragangun. 2Ay kanya nalong sat ngay fanuguwan te, “Ku fatugan, ka fag taw Uan way Tagfasurung nadog yay gleleg teway madaragang at fagbulun.”
3-4Ebi ataw fun Erudes nafagamat Uan ay nafasiyuk, ay nafasungsung. Fakatanyaun, indotama sas Uan, anway Uan glong way gugat anya te, “Wa masine nu gmangenaan o am ifag Erudias,” anway Erudes ay Filipi dugsay. 5Erudes fasadan satu ro nanfate wa Uan. Ay roro wa mafafate anway kalimu taw Udyu, anway taw Udyu gafanud te, Uan, Diyus at taglong.
6Ay bandi Erudes e fagmafulun gina ndasug at fangasalug fag menit. Ay Erudias at baguyna gsayaw gfaumsiganan ngay mangama at maful sanya. Ay Erudes guseganan dawdaw nu nalag. 7Ay kanya nafatuyanan sa ka fag baguyna te, “Mon kwa emu nus nge wain am fagetun.”
8Ay kata ngani at tina at longan, ka fag baguyna nalong sas Erudes te, “Foni angku katsi Uan Tagfasurung at alfuyu masuwadan si sik finggan daul.” 9Ay Erudes kabalu yay. Ay dewa katanya nasugu wa at fanuguwan laman nanfaning ka fag baguyna at fagetun. Katanya wa fiya at fagbulun, anway aro ataw nafatuyanan wan. Ay manga ka fag ngay mangama at maful sanya nadungug wan nu gfatuyanan. 10Ay rodi Erudes nasugu wa fiya ay e nalifung Uan at liug ay nabul wan at alfuyu sasad sungsungan. 11Ay naubanan wan at alfuyu masuwadan si sik finggan daul, ay nafon sa ka fag baguyna. Ay ka fag baguyna nauba yangay sat tina. 12Ay Uan at ngay tagadal nananlag sas sungsungan. Ay nabul Uan at bilug ay nalibing. Ay rodi ka fag ngay tagadal nalo wan, ay nafoyung sas Isus.
Isus Nafafangon 5,000k Taw
(Mar. 6:30-44; Lukas 9:10-17; Uan 6:1-14)
13Ay Isus nu nadungug te, Uan inkate wan, kanya nasakay wa sa sik balutu ay nalo wan sanya ginan fag talun ay indasug sa sik talun at yud e taw. Ay ngay taw nu nasaful te, Isus nalo wan, ka fag ngay taw nalo yangay sas Isus fagnangadasugan fag talun. 14Ay Isus nu ndasug sat dife, nalag ka fag ngay taw ayuwayu. Ay Isus infanyu sanya fag ngay taw ay nafafiya at ke ngay daylan.
15Ay nu gakayabiun wan, Isus at ngay tagadal inkakbang sas Isus ay nalong te, “Ste fag talun si way at yud e taw. Ay katsi kayabi wan. Faloi wan ka fag ngay taw sa sangay fulan sirut laman nanbul yay at fakonun.” 16Ay Isus nasugu sat ngay tagadal te, “Dewa gyud at nalo. Am wan tagfayafun anya.” 17Ay at ngay tagadal nalong sas Isus te, “Iste lima way tam tinafay ay duwak uyang.” 18Ay Isus nalong te, “Ubai istiye sa angku.” 19Ay Isus nalong sanya fag ngay taw te, “Malunggungi sanya swa makmak.” Ay Isus nabul ka fag limak tinafay ay ka fag duwak uyang, ay natangda sas banwa ay nauseganan sas Diyus. Ay rodi nafanramyukan yay ka fag tinafay ay nafon sat ngay tagadal. Ay at ngay tagadal nafon yangay sa sangay taw. 20Ay fagayu taw naon wan ay napsug. Ay at ngay tagadal nafaful yay at nagsawadan, ay labi duwa yak sabi at nagsawadan. 21Ay at nafangon undain 5,000k mangama. Ay saman yay at ngay mangena ay at ngay sisiyan.
Isus Nalo sa sangaba Tungud Lino
(Mar. 6:45-52; Uan 6:15-21)
22Ay rodi Isus nafasakay wa at ngay tagadal sas balutu, laman nan-guna wa anya sas dife lino. Ay Isus nafalo wan anggan at ngay taw. 23Ay nu nafalo wa ka fag ngay taw, Isus sigon nasesadian wa nalo sa sik ngabak tubi, laman nandarangin sanya. Ay Isus gsesadian yay anggan inyabi sanya. 24Ay at ngay tagadal at balutu ngayayu wan siginans tigyangan. Ay at lumbak kafalang wayu daw sat balutu teway at dalan gfablang wayay dawdaw tagmara. 25Ay balabag di sdaga kamenit, Isus naguyan yay at ngay tagadal glo sa sangaba tungud lino. 26Ay at ngay tagadal nu nalag sik taw nu glo sa sangaba tungud lino, mason nu kalimu ay gfanguroan te, “Ik, nin sik siraw.” 27Ay rodi Isus nalong sat ngay tagadal te, “Aw wadi. Lag kalimu. Fatvngvdi ay amatanganan.” 28Ay Pedru nabalus Isus te, “Ku Fun, laman nu o wa fiya, faloi yangay angku sa sangaba tungud lino.” 29Ay Isus nabalus te, “Stiyei wan.” Ay Pedru ndaga siginan at balutu ay nalo sa sangaba tungud lino nangakbang sas Isus. 30Ay Pedru nu nalag te, gbiya wan nu gtagmara, kanya kalimu ay gfasigad wa kabasad, nu katanya, kanya nauro te, “Ku Fun, falangfei angku!” 31Ay rodi Isus nafalugde at take ay nated Pedru ay nalong te, “Wa matvngvd sirut am fagafanudun. Taw ro ngani am fagfainfolianun am amatanganan?” 32Ay gina duwama nasakbo sas balutu, rodi ntuwas wan nu gtagmara. 33Ay tagsisad balutu fag ngay taw naseg Isus ay nalong te, “Matuyan, o wa fiya Diyus at Baguwama.”
Isus Nafafiya at ke ngay Daylan sa Fulan Genesaret
(Mar. 6:53-56)
34Ay Isus ay at ngay tagadal nu ndife wan, at fakadasugan sas fulan Genesaret. 35Ay sanya fag fulan at ngay taw nu natoglag te, kanya anwa mangaro Isus, nananfoyung yay sa at tagsafungan fag ngay talun. Ay e nataban sas Isus fagayu at ke daylan. 36Ay ka fag ngay taw get sas Isus te, “Nu masine di at ngay tagadaylan gatayukun am fungfung lanbung dewa ro sirut.” Ay fagayu at natayuk infiya wan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines