Fagbulun 17
17
E Garingangan sas Fulan Tesalunika
1Ay Pablu ay Silas nadalan wa sas fulan Amfipulis ay sas fulan Apuluniya, ay anggan indasug sas fulan Tesalunika. Ay sanya ngay taw Udyu e bale fakafulan. 2Ay Pablu nasakbo sanya, anway katanya wan at ugali. Ay tulu tuwak Fakamatoun fag Menit nut sanya gfoyung Diyus at longan. 3Pablu gfayamag ay gfatuyan sanya fag ngay taw te, e nafauri wa fiya tam Fun Isus ay gdog yay gleleg. Ay Pablu nalong te, “Tam Isus, ku nafoyung ayu, kanya tam Diyus at nafili fag Fun.” 4Ay tibak taw Udyu gafanud tuwa ay inful sas Pablu ay Silas. Ngayuk taw Gresiya yangay tagseg sas Diyus, ay anggan sik ngay takadungug fag mangena at naalo sas duwama.
5Ay sanya sis fulan Tesalunika at tibak taw Udyu galabian way mangaro. Ay ka fag ngay taw Udyu nafili sik ngay mauri fag taw siginan at ngay taw. Ay nafaful laman garingangan dawdaw sanya swa bilug fulan. Ay ka fag ngay mauri fag taw sas Asun bale, anway at fakaumsigun ganan-gamatun Pablu ay Silas, ay nan-guyud anya sa sangay taw buknga. 6Ay nu dway e nalag Pablu ay Silas sanya, ka fag ngay taw nagamat wa Asun, ay anggan tibak tagafanud. Ay naguyud wa sa at fulan at ngay tagmagurang at akbang ay glong te, “Ka fag duwama at bagu ndasug stiye sik tagfaringangan way sas fagdaul daga at taw. 7Ay tuy fag Asun at nafasakbo ka fag duwama. Ay kanya fagayu wa gfaning talun Ruma at fun fiya fiya at ngay longan. Anway kanya gfoyung way te, e tiba wayk fun, at ngayan Isus.” 8Ay at ngay taw ay anggan sanya fag fulan at ngay tagmagurang nu nadungug katanya gfaringangan wan. 9Ay nu nabul wa at fansali siginans Asun ay at ngay ufud, at ngay tagmagurang nafalfas wa anya.
Pablu ay Silas sas Fulan Berea
10Ay rodi at ngay tagafanud sis fulan Tesalunika nafalo wa Pablu ay Silas gina sad yabi sas fulan Berea. Ay duwama nu ndasug wa sanya, nasakbo wa sa sangay taw Udyu at bale fakafulan. 11Ay taw Udyu sis Berea nu mamatanganan, glabi yay taw Udyu sis Tesalunika, teway kanya kaumsig tuwa igdungugan ay igtap Diyus at longan kayu menit kayu menit laman nansarap te, go matuyan at foyungan. 12Ay nu katanya, ngayuk taw Udyu sis Berea tagafanud. Ay ngayu yangay at takadungug fag taw Gresiya fag ngay mangena ay fag ngay mangama tagafanud. 13Ay taw Udyu sis Tesalunika nu nadungug te, Pablu nafoyung yangay Diyus at longan sas Berea, kanya nalo yangay sanya, laman nanfadotaman ay nanfaringangan sat ngay taw sanya. 14Ay rodi at ngay tagafanud sis Berea nafalo wa Pablu sa sik dalan tagsas dagat. Ay roro Silas ay Timutiyu nfamato yay sanya sis Berea. 15Ay at nataban Pablu natunglus yay anggan indasug sas fulan Atenas. Ay Pablu nasugu yay at tiba te, “Faaloi yap angku Silas ay Timutiyu.” Ay at nataban Pablu kafoli wa sas Berea laman nanlong Pablu longan.
Pablu Gfanya sis Fulan Atenas
16Kaduge Pablu gfanya duwama sis fulan Atenas, kanya kalimata nu nalag te, ngayu dawdaw at fagsegan sanya fag fulan. 17Ay nu katanya, Pablu, ay taw Udyu, ay anggan taw Gresiya at tagseg sas Diyus igfodfoyungan sa sangay taw Udyu at bale fakafulan. Ay kayu menit kayu menit Pablu ay anggan at ngay taw sanya sit fulan at faglanuwan igfodfoyungan. 18Sanya e duwak fulan taw tagfaning ngay Epikureu ay ngay Estuiki at foyungan. Ka fag ngay taw nu nalag Pablu, gsulitanan te, “Nataw tuy fag taw tagelongan at yud matuyan?” Ay tiba nabalus te, “Nu nda kanya sik tagfoyung antam sa baliwa tibak Diyus.” At fagnalongun katanya anway Pablu nafoyung sas Isus baliwa, ay anggan nu gdog gleleg. 19Ay kanya fag ngay taw nataban Pablu sa at maful fag ngay tagmagurang at akbang tagsas bugsul at ngayan Areupagu. Ay sanya nalong sas Pablu te, “Kaumsig ami nangasaful am foyungan at bagu. 20Anway bagu yay ami gdungug am foyungan. Ay kaumsig yay ami gyasafulun at masuwad.” 21(Fakatanyaun at longan anway fagayu taw Atenas ay anggan tibak tagbanwan sanya at ugali wan nu gsulitanan ay nu gyasafulun at yud batang nadungug fag foyungan.)
22Ay nu katanya, Pablu nlindug sas wa taw ay nalong te, “Am fag taw Atenas, nasaful aw te, fagayu am maseganama tuwa nu gseg am sa ay fagsegan. 23Anway nu nadalan aw ay fulan, nalag aw sik ngay fagsegan. Ay nalag akyangay sik fagyagoan anyun at ke marirukan te, ‘Sa sik taw at yud gsaful at fagsegan.’ Ay kanya wa fag fagsegan ay yud nasaful, ku fagfoyungun ayu katsi. 24Kanya wa fag Diyus at naawat fagdaul daga ay anggan fagayu tagsanya. Ay kanya wan banwa ay fagdaul daga at fun. Ay wa gbanwan sa sik taw at naawat bale. 25Kanya wa gatarabangan, anway di e fagayudanun. Anway kanya wan at nafon sas fagayu taw at leleg ay at engasan, ay fagayu tam ngay fagayudanun. 26Ay ebi dewa sadi tam aguyangan, Diyus nafaayu tuwa, ay inrapyag wa sa sangay talun sas fagdaul daga. Ay Diyus nafamasadan fagayu fulan taw at fagbanwanan ay at ngay fagbukngan, ay anggan at kadugayan nu gleleg ste fag daga. 27Katanya Diyus at fagbulun laman fagayu taw igsarap tuwa anya, labon manga lumag tuwa anya. At matuyan, Diyus di ngayayu antam. 28Anway
‘tam fagmafaleleganun ay tam leleg siginan wa anya.’
Ay katanya yangay sik ngay tagdanyu sanya si ayu at longan te,
‘Fagayu tam Diyus watam fiya at unga.’
29Nu Diyus watam at unga, lag tam gamatangan te, tam Diyus kata way sik awatan gintu, ay pilak, ay at mafanud fag batu, kata sik taw awatan at naamatanganan dawdaw. 30Ebi kaduge ngay taw yud e fagsafulun, Diyus nafabayan yay anya. Ay roro katsi matvngvd tuwa Diyus nu glong te, fagayu taw, ubuni at asalanan. 31Diyus nafatuyanan sik menit laman ban nanfili te, go sinu at fagfauriun ay go sinu at fagfalangfeun. Ay kanya nafili sik taw at tagfagbulun katanya. Diyus nafalag takatanya sas fagayu gina nafadog nafaleleg at nafili fag taw siginan at fagmateanan.”
32Ay at ngay taw nu nadungug Pablu at foyungan sat fadogan fag leleg baliwa, tibak taw gfalingun way. Ay tiba nalong te, “Foyungi yap ban fiya emi, aro am nafoyung emi.” 33Ay Pablu nalo wan sanya ginan. 34Ay tibak taw inful yay sas Pablu ay gafanud. Ay at sadi at tagafanud at ngayan Dunisyu. Kanya sik tagmagurang sas Areupagu. Ay tibak tagafanud sik mangena at ngayan Damaris. Ay e tiba yak taw tagafanud.
Currently Selected:
Fagbulun 17: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Fagbulun 17
17
E Garingangan sas Fulan Tesalunika
1Ay Pablu ay Silas nadalan wa sas fulan Amfipulis ay sas fulan Apuluniya, ay anggan indasug sas fulan Tesalunika. Ay sanya ngay taw Udyu e bale fakafulan. 2Ay Pablu nasakbo sanya, anway katanya wan at ugali. Ay tulu tuwak Fakamatoun fag Menit nut sanya gfoyung Diyus at longan. 3Pablu gfayamag ay gfatuyan sanya fag ngay taw te, e nafauri wa fiya tam Fun Isus ay gdog yay gleleg. Ay Pablu nalong te, “Tam Isus, ku nafoyung ayu, kanya tam Diyus at nafili fag Fun.” 4Ay tibak taw Udyu gafanud tuwa ay inful sas Pablu ay Silas. Ngayuk taw Gresiya yangay tagseg sas Diyus, ay anggan sik ngay takadungug fag mangena at naalo sas duwama.
5Ay sanya sis fulan Tesalunika at tibak taw Udyu galabian way mangaro. Ay ka fag ngay taw Udyu nafili sik ngay mauri fag taw siginan at ngay taw. Ay nafaful laman garingangan dawdaw sanya swa bilug fulan. Ay ka fag ngay mauri fag taw sas Asun bale, anway at fakaumsigun ganan-gamatun Pablu ay Silas, ay nan-guyud anya sa sangay taw buknga. 6Ay nu dway e nalag Pablu ay Silas sanya, ka fag ngay taw nagamat wa Asun, ay anggan tibak tagafanud. Ay naguyud wa sa at fulan at ngay tagmagurang at akbang ay glong te, “Ka fag duwama at bagu ndasug stiye sik tagfaringangan way sas fagdaul daga at taw. 7Ay tuy fag Asun at nafasakbo ka fag duwama. Ay kanya fagayu wa gfaning talun Ruma at fun fiya fiya at ngay longan. Anway kanya gfoyung way te, e tiba wayk fun, at ngayan Isus.” 8Ay at ngay taw ay anggan sanya fag fulan at ngay tagmagurang nu nadungug katanya gfaringangan wan. 9Ay nu nabul wa at fansali siginans Asun ay at ngay ufud, at ngay tagmagurang nafalfas wa anya.
Pablu ay Silas sas Fulan Berea
10Ay rodi at ngay tagafanud sis fulan Tesalunika nafalo wa Pablu ay Silas gina sad yabi sas fulan Berea. Ay duwama nu ndasug wa sanya, nasakbo wa sa sangay taw Udyu at bale fakafulan. 11Ay taw Udyu sis Berea nu mamatanganan, glabi yay taw Udyu sis Tesalunika, teway kanya kaumsig tuwa igdungugan ay igtap Diyus at longan kayu menit kayu menit laman nansarap te, go matuyan at foyungan. 12Ay nu katanya, ngayuk taw Udyu sis Berea tagafanud. Ay ngayu yangay at takadungug fag taw Gresiya fag ngay mangena ay fag ngay mangama tagafanud. 13Ay taw Udyu sis Tesalunika nu nadungug te, Pablu nafoyung yangay Diyus at longan sas Berea, kanya nalo yangay sanya, laman nanfadotaman ay nanfaringangan sat ngay taw sanya. 14Ay rodi at ngay tagafanud sis Berea nafalo wa Pablu sa sik dalan tagsas dagat. Ay roro Silas ay Timutiyu nfamato yay sanya sis Berea. 15Ay at nataban Pablu natunglus yay anggan indasug sas fulan Atenas. Ay Pablu nasugu yay at tiba te, “Faaloi yap angku Silas ay Timutiyu.” Ay at nataban Pablu kafoli wa sas Berea laman nanlong Pablu longan.
Pablu Gfanya sis Fulan Atenas
16Kaduge Pablu gfanya duwama sis fulan Atenas, kanya kalimata nu nalag te, ngayu dawdaw at fagsegan sanya fag fulan. 17Ay nu katanya, Pablu, ay taw Udyu, ay anggan taw Gresiya at tagseg sas Diyus igfodfoyungan sa sangay taw Udyu at bale fakafulan. Ay kayu menit kayu menit Pablu ay anggan at ngay taw sanya sit fulan at faglanuwan igfodfoyungan. 18Sanya e duwak fulan taw tagfaning ngay Epikureu ay ngay Estuiki at foyungan. Ka fag ngay taw nu nalag Pablu, gsulitanan te, “Nataw tuy fag taw tagelongan at yud matuyan?” Ay tiba nabalus te, “Nu nda kanya sik tagfoyung antam sa baliwa tibak Diyus.” At fagnalongun katanya anway Pablu nafoyung sas Isus baliwa, ay anggan nu gdog gleleg. 19Ay kanya fag ngay taw nataban Pablu sa at maful fag ngay tagmagurang at akbang tagsas bugsul at ngayan Areupagu. Ay sanya nalong sas Pablu te, “Kaumsig ami nangasaful am foyungan at bagu. 20Anway bagu yay ami gdungug am foyungan. Ay kaumsig yay ami gyasafulun at masuwad.” 21(Fakatanyaun at longan anway fagayu taw Atenas ay anggan tibak tagbanwan sanya at ugali wan nu gsulitanan ay nu gyasafulun at yud batang nadungug fag foyungan.)
22Ay nu katanya, Pablu nlindug sas wa taw ay nalong te, “Am fag taw Atenas, nasaful aw te, fagayu am maseganama tuwa nu gseg am sa ay fagsegan. 23Anway nu nadalan aw ay fulan, nalag aw sik ngay fagsegan. Ay nalag akyangay sik fagyagoan anyun at ke marirukan te, ‘Sa sik taw at yud gsaful at fagsegan.’ Ay kanya wa fag fagsegan ay yud nasaful, ku fagfoyungun ayu katsi. 24Kanya wa fag Diyus at naawat fagdaul daga ay anggan fagayu tagsanya. Ay kanya wan banwa ay fagdaul daga at fun. Ay wa gbanwan sa sik taw at naawat bale. 25Kanya wa gatarabangan, anway di e fagayudanun. Anway kanya wan at nafon sas fagayu taw at leleg ay at engasan, ay fagayu tam ngay fagayudanun. 26Ay ebi dewa sadi tam aguyangan, Diyus nafaayu tuwa, ay inrapyag wa sa sangay talun sas fagdaul daga. Ay Diyus nafamasadan fagayu fulan taw at fagbanwanan ay at ngay fagbukngan, ay anggan at kadugayan nu gleleg ste fag daga. 27Katanya Diyus at fagbulun laman fagayu taw igsarap tuwa anya, labon manga lumag tuwa anya. At matuyan, Diyus di ngayayu antam. 28Anway
‘tam fagmafaleleganun ay tam leleg siginan wa anya.’
Ay katanya yangay sik ngay tagdanyu sanya si ayu at longan te,
‘Fagayu tam Diyus watam fiya at unga.’
29Nu Diyus watam at unga, lag tam gamatangan te, tam Diyus kata way sik awatan gintu, ay pilak, ay at mafanud fag batu, kata sik taw awatan at naamatanganan dawdaw. 30Ebi kaduge ngay taw yud e fagsafulun, Diyus nafabayan yay anya. Ay roro katsi matvngvd tuwa Diyus nu glong te, fagayu taw, ubuni at asalanan. 31Diyus nafatuyanan sik menit laman ban nanfili te, go sinu at fagfauriun ay go sinu at fagfalangfeun. Ay kanya nafili sik taw at tagfagbulun katanya. Diyus nafalag takatanya sas fagayu gina nafadog nafaleleg at nafili fag taw siginan at fagmateanan.”
32Ay at ngay taw nu nadungug Pablu at foyungan sat fadogan fag leleg baliwa, tibak taw gfalingun way. Ay tiba nalong te, “Foyungi yap ban fiya emi, aro am nafoyung emi.” 33Ay Pablu nalo wan sanya ginan. 34Ay tibak taw inful yay sas Pablu ay gafanud. Ay at sadi at tagafanud at ngayan Dunisyu. Kanya sik tagmagurang sas Areupagu. Ay tibak tagafanud sik mangena at ngayan Damaris. Ay e tiba yak taw tagafanud.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines