Fagbulun 16
16
Timutiyu Nangufud Pablu ay Silas
1Ay Pablu ndasug sas fulan Derbe ay anggan sas fulan Listra. Ay sik tagadal at sadi sanya at ngayan Timutiyu. At tina sik tagafanud fag taw Udyu, ay at tama sik taw Gresiya. 2Ay sis fulan Listra ay fulan Ikunyu at ngay tagafanud glong te, “Timutiyu sik matuyan fag taw.” 3Ay Pablu kaumsig gtaban Timutiyu. Ay nu katanya, Pablu natuli Timutiyu laman taw Udyu di kalimata anya, anway sanya fag ngay fulan at ngay taw nasaful wa te, Timutiyu at tama sik taw Gresiya way. 4Ay sat fagloan fag ngay fulan, kanya nafaamatang sa sangay tagafanud sa sangay Nasugu ay at ngay tagmagurang bale fakafulan sis fulan Erusalem at nadiyuganan fag longan te, “Faningi tuwa gugat ka fag ngay foyungan.” 5Ay nu katanya, fagayu at ngay tagafanud inkugat at fagafanudun, ay kayu menit e kafamut tuwa at bagu tagafanud.
Pablu Nalag sik Taw Masidunya
6Pablu ay at ufud nalo wa sas talun Frigia ay sas talun Galasya. Fakatanyaun, at Masine fag Falad nasalag wayay nu gfoyung Diyus at longan sas Asia fag talun. 7Ay nu ndasug sas tigyangan talun Misiya, kanya gatunglusun yama sas talun Bitiniya, ay roro Isus at Masine fag Falad igsalag way anya. 8Ay nu nalangfe wa Misiya, kanya nalo wa sas fulan Truas. 9Ay ginanya fag yabi gina Pablu gtiyug, e nalag sik taw Masidunya nu malindug, ay gfafanyuwan sa anya te, “Stei sas talun Masidunya ay tarabangi emi.” 10Ay Pablu nu nfulo wan, kamasadan wami glo sas Masidunya, anway gayup ami te, Diyus gsugu emi sanya, laman nanfoyung ami at Masine fag Barita.
Lidya Gafanud sas Isus
11Ay nasakay wami sa sik balutu sas fulan Truas ay natunglus wami sas furu Samutrasia. Ay balabag di natunglus wami sas fulan Neapulis. 12Ay sanya ginan nalo yangay ami sas fulan Filipus, at tagbvt fag fulan sis Masidunya. Ay taw Ruma tagmagurang sanya fag fulan. Ay glugo yay ami sirut nut si amis fulan Filipus. 13Ay sis Fakamatoun fag Menit, nalo wami sas day fulan at sakbawan alad ay indasug ami sas tigyangan safa, anway gayup ami te, sanya at ngay taw nu gdarangin. Ay gina ami malunggung, igfasulitanan ami at maful fag ngay mangena sanya. 14Ay at sadi tagdungugan fag mangena at ngayan, Lidya. Kanya ebi siginans fulan Tiatira. Ay kanya dan wa sik tagfabili at maubian fag fangawat falefe. Ay kanya sik tagseg sas Diyus. Ay Diyus nafaamatanganan anya laman gafanud sas Pablu at foyungan. 15Ay rodi Lidya nu nsurung wan, ay anggan fagayu at taw si at bale, kanya matvngvd nu glong emi te, “Nu gafanud tuwam te, sik tagafanud wami sa tam Fun, sa em balei wan nu gtiyug am.” Ay gfaning yay ami Lidya at fakaumsigun nu nantiyug sat bale.
E Nasungsung Pablu ay Silas sas Fulan Filipus
16Sik menit gina ami glo sas fagnandaranginan, nafablang ami sik fanuguwan fag baguyna at ke mafurat fag falad, at mafafoyung takagurungan ban. Ay at ngay tagfayafun ngayu at ba singku anway sat nafoyungan. 17Ay ka fag baguyna guyan way gugat emi. Ay guro te, “Tuy fag ngay mangama at Tiba Tungud fag Diyus at fanuguwan. Kanya gfoyung ayu te, tain nu mlangfe am!” 18Ay kayu wa menit ka fag baguyna nu gfagbulun katanya anggan wa te, Pablu nlimata ay insalubang sa ka fag baguyna ay nalong sas mafurat fag falad te, “Sas Fun Isus at ngayan, glong aw emu te, alfasi wan sanya ginan fag baguyna.” Ay ginanya wan at mafurat fag falad nafalfas wa fiya. 19Ay ka fag baguyna at ngay tagfayafun namatangan te, wa ban e fagfansingkuwan. Ay nu katanya, ka fag ngay tagfayafun nagamat ay naguyud Pablu ay Silas sat fulan at ngay tagmagurang at daga salubangan sasad fulan at faglanuwan. 20Ay nut si wa ngay tagmagurang at daga salubangan, at ngay tagtaban nalong te, “Tuy fag duwama sik taw Udyu. Ay kanya wan tagfanggalut si tam fulan. 21Kanya gfoyung way tibak ugali, wa kata antam taw Ruma ngay ugali.” 22Ay ngayuk taw at nadiyuganan sanya ay gfauri Pablu ay Silas. Ay at ngay tagmagurang sanya fag fulan nasugu te, buli ka fag duwama balukas ay falangi dawdaw. 23Ay nu ngayu ginan wa nu gfalang, nasungsung wa duwama. Ay matvngvd nu nasugu sat tagulit te, uliti fiya fiya. 24Nu katanya, at ngay tagulit nataban wa Pablu ay Silas sasad wabilug fag silid sungsungan. Ay nagit wa at ngay bitis sa sik buknga kayu.
25Dewa katanya, gina swa bilug yabi Pablu ay Silas igdarangin tuwa ay igdanyu sas Diyus. Ay at tibak masungsungan sanya gdungugan. 26Ay rodi tv nafaleleg dawdaw ay bale sungsungan guwigan, ay fagayu at dingding sakbawan nafangaluwangan wan. Ay fagayu at masungsungan at fansalod inluwas wan. 27Ay ka fag tagulit nafulawan, ay nalag at ngay sakbawan nu maluwangan. Ay kanya nabul at fiso, at fasadan gananfateun wa anya mandi, anway nayup te, at ngay fagtanudun nalfas wan. 28Ay rodi tv Pablu nauro dawdaw te, “Lag tubuk emu, anway stiye yay ami, fagayu ami.” 29Ay ka fag tagulit get sik salung. Ay mafali nu nasakbo. Ay kudkulugan inlub sas Pablu ay Silas at akbang. 30Ay nataban ka fag duwama siginan sad wa bilug fag silid. Ay kanya ginto duwama te, “Tain ban ku fagbulun laman umlangfe aw?” 31Ay duwama nabalus te, “Afanudi ngay sas Fun Isus, umlangfe wo. O ay anggan fagayu at taw si am bale.” 32Ay duwama nafoyung sa anya sa baliwa Fun Isus, ay anggan fagayu at taw tagsi at bale. 33Ay ginanya fag yabi, ka fag tagulit nataban sat dayu, ay nafegus duwama famaga. Ay rodi nafasurung wa ka fag tagulit sasad safa, ay anggan fagayu at taw sat bale. 34Ay kanya nataban Pablu ay Silas sat bale, ay nafafangon. Ay guseganan gfasfuwan at tiba tagsit bale, anway gafanud wa sas Diyus. 35Ay balabag di, sanya fag fulan at ngay tagmagurang nasugu at ngay fulis te, “Falfasi wan kanya fag duwama.” 36Ay at tagulit nafoyung sas Pablu te, at ngay tagmagurang nalong angku te, falfasi wa unu ayu. Ay nu katanya, alfasi wan ay loi wa manabayan. 37Ay Pablu nalong te, “Kanya fag ngay tagmagurang yay at nafafalang emi sat ngay taw at akbang, dewa yud ami e asalanan, ay manga dewa ami sik taw Ruma. Ay manga nafasungsung yay emi. Ay katsi, go sangay masuksukan way nu gfalfas emi? Yaya. Kanyai yap fag ngay tagmagurang takadasug stiye at nanfalfas emi.” 38Ay ka fag ngay fulis nafoyung Pablu at longan sat ngay tagmagurang. Ay at ngay tagmagurang kalimu sas taw Ruma at fun nu nasaful te, sik taw Ruma way mangaro. 39Ay nu katanya, ka fag ngay tagmagurang rodi ndasug ay nafalukmeanan duwama. Ay nafalfas wa siginans bale fagsungsungan, ay nalong te, loi wan. Ay nalong anya te, “Masine tuwa nu glo am ste ginan fag fulan.” 40Ay nu katanya, Pablu ay Silas nalfas wa fiya siginans bale fagsungsungan, ay nalo wa sas Lidya bale. Ay nu nalag wa at ngay fadugsay, nafatvngvd at ngay fagafanudun. Ay sanya ginan Pablu ay Silas nalo wan.
Currently Selected:
Fagbulun 16: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Fagbulun 16
16
Timutiyu Nangufud Pablu ay Silas
1Ay Pablu ndasug sas fulan Derbe ay anggan sas fulan Listra. Ay sik tagadal at sadi sanya at ngayan Timutiyu. At tina sik tagafanud fag taw Udyu, ay at tama sik taw Gresiya. 2Ay sis fulan Listra ay fulan Ikunyu at ngay tagafanud glong te, “Timutiyu sik matuyan fag taw.” 3Ay Pablu kaumsig gtaban Timutiyu. Ay nu katanya, Pablu natuli Timutiyu laman taw Udyu di kalimata anya, anway sanya fag ngay fulan at ngay taw nasaful wa te, Timutiyu at tama sik taw Gresiya way. 4Ay sat fagloan fag ngay fulan, kanya nafaamatang sa sangay tagafanud sa sangay Nasugu ay at ngay tagmagurang bale fakafulan sis fulan Erusalem at nadiyuganan fag longan te, “Faningi tuwa gugat ka fag ngay foyungan.” 5Ay nu katanya, fagayu at ngay tagafanud inkugat at fagafanudun, ay kayu menit e kafamut tuwa at bagu tagafanud.
Pablu Nalag sik Taw Masidunya
6Pablu ay at ufud nalo wa sas talun Frigia ay sas talun Galasya. Fakatanyaun, at Masine fag Falad nasalag wayay nu gfoyung Diyus at longan sas Asia fag talun. 7Ay nu ndasug sas tigyangan talun Misiya, kanya gatunglusun yama sas talun Bitiniya, ay roro Isus at Masine fag Falad igsalag way anya. 8Ay nu nalangfe wa Misiya, kanya nalo wa sas fulan Truas. 9Ay ginanya fag yabi gina Pablu gtiyug, e nalag sik taw Masidunya nu malindug, ay gfafanyuwan sa anya te, “Stei sas talun Masidunya ay tarabangi emi.” 10Ay Pablu nu nfulo wan, kamasadan wami glo sas Masidunya, anway gayup ami te, Diyus gsugu emi sanya, laman nanfoyung ami at Masine fag Barita.
Lidya Gafanud sas Isus
11Ay nasakay wami sa sik balutu sas fulan Truas ay natunglus wami sas furu Samutrasia. Ay balabag di natunglus wami sas fulan Neapulis. 12Ay sanya ginan nalo yangay ami sas fulan Filipus, at tagbvt fag fulan sis Masidunya. Ay taw Ruma tagmagurang sanya fag fulan. Ay glugo yay ami sirut nut si amis fulan Filipus. 13Ay sis Fakamatoun fag Menit, nalo wami sas day fulan at sakbawan alad ay indasug ami sas tigyangan safa, anway gayup ami te, sanya at ngay taw nu gdarangin. Ay gina ami malunggung, igfasulitanan ami at maful fag ngay mangena sanya. 14Ay at sadi tagdungugan fag mangena at ngayan, Lidya. Kanya ebi siginans fulan Tiatira. Ay kanya dan wa sik tagfabili at maubian fag fangawat falefe. Ay kanya sik tagseg sas Diyus. Ay Diyus nafaamatanganan anya laman gafanud sas Pablu at foyungan. 15Ay rodi Lidya nu nsurung wan, ay anggan fagayu at taw si at bale, kanya matvngvd nu glong emi te, “Nu gafanud tuwam te, sik tagafanud wami sa tam Fun, sa em balei wan nu gtiyug am.” Ay gfaning yay ami Lidya at fakaumsigun nu nantiyug sat bale.
E Nasungsung Pablu ay Silas sas Fulan Filipus
16Sik menit gina ami glo sas fagnandaranginan, nafablang ami sik fanuguwan fag baguyna at ke mafurat fag falad, at mafafoyung takagurungan ban. Ay at ngay tagfayafun ngayu at ba singku anway sat nafoyungan. 17Ay ka fag baguyna guyan way gugat emi. Ay guro te, “Tuy fag ngay mangama at Tiba Tungud fag Diyus at fanuguwan. Kanya gfoyung ayu te, tain nu mlangfe am!” 18Ay kayu wa menit ka fag baguyna nu gfagbulun katanya anggan wa te, Pablu nlimata ay insalubang sa ka fag baguyna ay nalong sas mafurat fag falad te, “Sas Fun Isus at ngayan, glong aw emu te, alfasi wan sanya ginan fag baguyna.” Ay ginanya wan at mafurat fag falad nafalfas wa fiya. 19Ay ka fag baguyna at ngay tagfayafun namatangan te, wa ban e fagfansingkuwan. Ay nu katanya, ka fag ngay tagfayafun nagamat ay naguyud Pablu ay Silas sat fulan at ngay tagmagurang at daga salubangan sasad fulan at faglanuwan. 20Ay nut si wa ngay tagmagurang at daga salubangan, at ngay tagtaban nalong te, “Tuy fag duwama sik taw Udyu. Ay kanya wan tagfanggalut si tam fulan. 21Kanya gfoyung way tibak ugali, wa kata antam taw Ruma ngay ugali.” 22Ay ngayuk taw at nadiyuganan sanya ay gfauri Pablu ay Silas. Ay at ngay tagmagurang sanya fag fulan nasugu te, buli ka fag duwama balukas ay falangi dawdaw. 23Ay nu ngayu ginan wa nu gfalang, nasungsung wa duwama. Ay matvngvd nu nasugu sat tagulit te, uliti fiya fiya. 24Nu katanya, at ngay tagulit nataban wa Pablu ay Silas sasad wabilug fag silid sungsungan. Ay nagit wa at ngay bitis sa sik buknga kayu.
25Dewa katanya, gina swa bilug yabi Pablu ay Silas igdarangin tuwa ay igdanyu sas Diyus. Ay at tibak masungsungan sanya gdungugan. 26Ay rodi tv nafaleleg dawdaw ay bale sungsungan guwigan, ay fagayu at dingding sakbawan nafangaluwangan wan. Ay fagayu at masungsungan at fansalod inluwas wan. 27Ay ka fag tagulit nafulawan, ay nalag at ngay sakbawan nu maluwangan. Ay kanya nabul at fiso, at fasadan gananfateun wa anya mandi, anway nayup te, at ngay fagtanudun nalfas wan. 28Ay rodi tv Pablu nauro dawdaw te, “Lag tubuk emu, anway stiye yay ami, fagayu ami.” 29Ay ka fag tagulit get sik salung. Ay mafali nu nasakbo. Ay kudkulugan inlub sas Pablu ay Silas at akbang. 30Ay nataban ka fag duwama siginan sad wa bilug fag silid. Ay kanya ginto duwama te, “Tain ban ku fagbulun laman umlangfe aw?” 31Ay duwama nabalus te, “Afanudi ngay sas Fun Isus, umlangfe wo. O ay anggan fagayu at taw si am bale.” 32Ay duwama nafoyung sa anya sa baliwa Fun Isus, ay anggan fagayu at taw tagsi at bale. 33Ay ginanya fag yabi, ka fag tagulit nataban sat dayu, ay nafegus duwama famaga. Ay rodi nafasurung wa ka fag tagulit sasad safa, ay anggan fagayu at taw sat bale. 34Ay kanya nataban Pablu ay Silas sat bale, ay nafafangon. Ay guseganan gfasfuwan at tiba tagsit bale, anway gafanud wa sas Diyus. 35Ay balabag di, sanya fag fulan at ngay tagmagurang nasugu at ngay fulis te, “Falfasi wan kanya fag duwama.” 36Ay at tagulit nafoyung sas Pablu te, at ngay tagmagurang nalong angku te, falfasi wa unu ayu. Ay nu katanya, alfasi wan ay loi wa manabayan. 37Ay Pablu nalong te, “Kanya fag ngay tagmagurang yay at nafafalang emi sat ngay taw at akbang, dewa yud ami e asalanan, ay manga dewa ami sik taw Ruma. Ay manga nafasungsung yay emi. Ay katsi, go sangay masuksukan way nu gfalfas emi? Yaya. Kanyai yap fag ngay tagmagurang takadasug stiye at nanfalfas emi.” 38Ay ka fag ngay fulis nafoyung Pablu at longan sat ngay tagmagurang. Ay at ngay tagmagurang kalimu sas taw Ruma at fun nu nasaful te, sik taw Ruma way mangaro. 39Ay nu katanya, ka fag ngay tagmagurang rodi ndasug ay nafalukmeanan duwama. Ay nafalfas wa siginans bale fagsungsungan, ay nalong te, loi wan. Ay nalong anya te, “Masine tuwa nu glo am ste ginan fag fulan.” 40Ay nu katanya, Pablu ay Silas nalfas wa fiya siginans bale fagsungsungan, ay nalo wa sas Lidya bale. Ay nu nalag wa at ngay fadugsay, nafatvngvd at ngay fagafanudun. Ay sanya ginan Pablu ay Silas nalo wan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines